LUKA 9:52 - Lacid Common Language Bible

⁵² Nyang: gi nya: shid' vhu" khyoo: lagyoo: yi ri nhang: kaid lho: nyang: nu: gi Yesu shid' mo ca" khyoo: nyheung soin' byid: wa shid re" Samari voogung daloem: khyoo: vang yhe: lo" ago".

LUKA 9:52 ပူးပေါင်းရင်းမြစ်များ

MALAKHI 3:1

Yoem: moo" bo da" Aseing gi hid: su" ga: phug tid to" «Nga" shid re" khyoo: nyheing byid: wa nga" lagyoo: ri ngoo nhang: kaid wa. Houg: lang" nanu" sho: nyid da" Aseing gi yhoem: moo" moo nyeigdain tung" ju" ri" wa. Nanu" myang nau da" lagyoo: gi nga" dang: thang" cab ri tid fu" byid: loo wa zi nghoid.

MATHE 10:5

Hau: daxe: eig youg: da" cangzoo: yi ri Aseing Yesu nhang: kaid lho: Nanu" gootu: byumyu" yi nyid da" jang" moo ayhi: goo"- Samari voo gung joem moo we' avang goo.

LUKA 10:1

Hau: thang: ri Aseing: gi cangzoo: nyhedxe: eig yug ri khyen: thu' yu lho: eig yug dazoem" zoem"- Aseing: nyang: yhi: wa da" voogung- khyi khang" moo" khyoo:- yhe: loo" lang" wa shid' re" nhang: kaid.

LUKA 10:33

Nghoidloug we' Samari byu dayug gi gyung: so" lo" ri hau: da" byunoo jang" moo ju" loo" lang" hau: noo su: ri myang wigi nheig khyeig myid boo.

LUKA 17:11

Yesu gi Samari yo" Galile meing: moug kyoo" khyo" Yerusalem voogung khyoo: yhe: lo.

LUKA 17:16

Yesu da" khyid: yang: moo re" goeb pid lho: Aseing: ri jeju" so" nyid. Hau: yug gi Samari byumyu" nghoid.

LUKA 7:27

Jhoem: mougsoug" moo" tid zigi - Re" da" khyoo: ri nyheing wa shid' re" Nga" lagyoo: ri re" da" shid' moo nhang: kaid wa ga: Mangsoo tid to. Yohan gi hau: lagyoo: phoo nyang: nghoid bye.

YOHAN 4:4

Nya: khyoo: gi Samari mung" khyo" phyed led: loo" ca" zi nghoid.

YOHAN 4:5

Samari mung" mo Sukha ga: da" voogung moo ju" lo. Hau: voo gi Yaku nya: zoo: Yoseb ri byid: to" da" mougmyid yo" athei" ve: da" joyoo nghoid.

YOHAN 4:9

Myiyi myhi, phougtu" zigi nang gi Yuda byumyu" dayug nghoid. Ngoo gi Samari byu dayug nghoid nga" jang" mo khasu" wim wigi shug gyid ri mho' lha". (Hid: su" myid: da" khyoo: gi Yuda byumyu" yi gi Samari byu yi oug" khu, alhoung poung" ci: yu" yoomo nghoid.)

YOHAN 8:48

Nyangnu" Yesu ri Nang gi Samari byumyu" dayug nghoid lho: yu vang ci: su: nghoid ga: wigi ngoonu" tid dang: shoid la"» ga: myid: boem.