LUKA 8:41 - Lacid Common Language Bible

⁴¹ Hau: da" uri Ya- i- ru ga: su: gi ju" re" wigi nyang: gi Tarha" jung moo vhoeb da" zoug: phoo nghoid. Yesu da" khyid: yang: moo re" goeb pai lho: nya: yhoem: moo ri" wa shid' re" nyang: ri mho' tid.

LUKA 8:41 ပူးပေါင်းရင်းမြစ်များ

LUKA 13:14

Hau: uri Hau: Dougno: Bidnyid moo Aseing Yesu wigi noophyoo" ri ge loo" nhang: yoomo Tarha" jung vhoeb phoo gi nheig yo: zoore"- moo" ge zei: da" bidnyid khyug nyid" bo- hau: bidnyid moo noophyoo" re" ze: yu ge'. Labain nyid" rigi noo are" zi: goo" ga: wigi Byu phung: yi ri tid kaid.

LUKA 17:16

Yesu da" khyid: yang: moo re" goeb pid lho: Aseing: ri jeju" so" nyid. Hau: yug gi Samari byumyu" nghoid.

LUKA 5:8

Hau: khyoo: Simun Peteru myang lang" gi Yesu da" khyid: yang: moo goeb no" lho: Aseing Yesu we"- ngoo gi yooboo shoid vhang: su: nghoid. Nga" jang" mo thu' loo" we' ga: mho' tid.

LUKA 8:42

Khasu" wim gari daxe: eig zain ju" bye: da" nya: zooti" myiyi: zoo: gi no shid: lo" nyid yoomo nghoid. Yesu gi nyang: yo" dage" cang lo" da" uri Byu myoo" sho' mo, we' nya: da" ayam, aqei: moo bo jhen" jhab' lo boem.

LUKA 8:49

Houg: su" ga: Aseing: tid nyid da" ayo, moo Tarha" jung vhoeb da" zoug: phoo yhoem: mo lagyoo: dayug ju" re" Ya-i-ru ri re" zoomyi: zoo: gi shid: bye- Sara: ri akhe: nhung yen" loo: ga: re" tid.

YOHAN 11:21

Martha gi Aseing: we"- Nang hid: moo danyid nghoid rigi nga" nhung" zoo: shid: wa zi anghoid.

ACTS 13:15

Moshe tarha" yo' lapi: yi da" mungdang: ri bain, nghab lang" tarha" jung mo da" agyi yi gi mang: nhung" yi we" - mung" byu yi ri yoem: byid: wa da" mungdang- nanu" yo" boem nghoid rigi re" tid kyoo" ge" - ga: byu nhang: kaid' lho: tid nhang.

ACTS 18:17

Nyang: nu" gi tarha" jung mo agyi phoo- Sosteni ri myheug yu lho: tarha" yung" shid' moo baid' ago- nghoid loug we' Galio gi hau: ziri cishu: anhang: nghoid da.

ACTS 18:8

Houg: yoomo tarha" jung mo agyi phoo Krispu yo' nya: yhoem: byu yi dangain" mo, gi Aseing: ri loem" jeung" lo boem ago". Korinthu voobyu yi myoo" sho' bang: we' - hau: mungdang: ri shau" gyo: lho: loem" jeung" lo wigi Babtisma kham: yu boem bye.

ACTS 9:38

Yopa voogung gi Luda voo yo' atoung" thei" vi: nghoid da- houg: yoomo Yopa voogung mo loem" jeing" bang: gi Luda voo moo Petru ju" nyid ziri shau" gyo: boem wigi nyangnu" gi byu eig yug ri Petru jhang khyoo: nhang: kaid' lho: ngoonu" jhang khyoo: myab, myab, jen" re" lhoo: we' ga: khi: nhang: kaid' ago".

Pang Shug 5:8

Houg: su" yu da" uri gougnyhoug myid: du: yo' ludaid eig xe: myid: youg bang: gi nyang: nya: da" teing joem ri we' Mangso byu yi akyu" myo, ein: da" nam, pyo: shoem: yo' byeung" jo, da" - sheing: goem joem ri ngab, sho' zheung: ci: lho: nyangnu" da" shid khoin" moo goeb khyo' ago".