LUKA 5:34 - Lacid Common Language Bible

³⁴ Aseing Yesu gi loxo' pui" moo phoo seig danyid nyid gi being" voo yi ri zoo: noem zeung: nhang: wa la".

LUKA 5:34 ပူးပေါင်းရင်းမြစ်များ

SHOLUMON JIKHOIN" 5:8

Yerusalem mo myiyi: myhi' yi we"- nanu" nga" jhed ri myang nghoid rigi nyang: ri ngoo jheddab myid yoomo no nyid ein: nanu" bo tid kyoo" wa ein: ngoo ri dangsoo" byid: ge'.

SHOLUMON JIKHOIN" 6:1

Myiyi: yi mo young" thang su: we"- re" jhed khakhyoo: yhe: loo" bye: lha". Ngoonu" we' nyang: ri bo pang" shoo: wa shid re" re" jhed khakhyoo: yhe: lo" ein: ziri ngoonu" ri tid kyoo" we'.

ESAIA 54:5

Nang ri phain" so: too" su: gi re" yhoem: seing: phoo yhang: ti" nghoid loo wa. Nya: myeing gi myhang: thang Aseing ga: zi nghoid. Israela da" gyeung" shang: Mangsoo gi nang ri khyoid yu wa. Nyang: gi mougmyid goin" da" vhoeb" khang" su: nghoid da:.

ESAIA 62:5

Zoolu: phoo gi nya: myhi' seig khyo" zoomyi: gyeing" ri lo, xo' yhang: ti" Nang ri gung khyang: koid byid: su: gi nang ri lo, xo' yu wa. Phoo seig gi nya: myhi' seig ri jheddab yhang: ti" Re" Mangsoo gi nang ri ngei wa.

ZEPHANI 3:17

Re" da" Aseing Mangsoo gi nang yo' dage' nyid nyid bye:. Nya: yoem: so' gi nang ri oung: doid loo" nhang: wa nghoid. Aseing we" nang moo nheugshid: nheugdeug nhang: ziyo' nya: jheddab da" nheigloem: khyo" nang ri kangso' aseig byid: wa Byumyu" yigi pui" zeing moo ngei bu: nyid boem yhang: ti" nyang: gi re" tho' moo ngei bu: jikhoin" khoin" loo wa nghoid. Aseing tid nyid zigi byuxuid" vooyoem: khyoo: gi thang lo" lho: re" da" sho' phu" khyoo: ri shang: pyam byid: bye:.

MATHE 22:2

Mougkhung: mungdain: gi nya: yuggi zoo: shid re" loxo' pui" ri soin to" da" khokham" dayug yo" du nyid.

MATHE 9:15

Yesu gi «phoo seig gi loxo' yab, yo' sen: da" pui" re" byu yi yo" dage" danyid shi" uri nyanu" nyang: koug" shu: zi shau" goo" wa la". nghoid loug we' phoo seig ri kang" kaid wa da" bidnyid ju" loo wa. Houg: lang" nyangnu" gi zoo: noem zeung: zi nghoid.

LUKA 5:33

Byu dayham" gi Yohan da" cangzoo: yi yo"- Pharishe" yi da" cangzoo: yi gi zoo: noem zeung: da" khyoo: yo"- Akyu" mho' da" khyoo: ri atheing: loo: lhoung: koid: nyid ago". Houg: nghoid loug we' Yesu da" cangzoo: yi gi dazo: dashug go" nyid boem- nhung: lha"» ga: tid boem.

LUKA 5:35

Houg: su" nghoid loug we' loxo' phoo seig ri nyangnu" jang" mo shu" yu wa da" ayo, bidnyid ju" loo wa. Houg: lang" nyangnu" gi zoo: noem zeung: boem wa zi nghoid ga: tid.

YOHAN 3:29

Lo, xo myhi, seig ri yo" seing: ci: su: gi loxo' phoo seig nghoid. Phooseig da" byen cang" phoo gi nya: nam, moo yab nyid lho: phoo seig da" thui: ri tam" gyo: nyid su: gi phoo seig da" thui: ri shaug" gyoo: lang" gau yi ngei pyoo: zi nghoid. Ngoo we' houg: su" joeb joeb byeung" byeung" gau yi ngei pyo: nyid bye.

2~KORINTHU 11:2

Mangsoo gi nanu" da" atho' moo aloem" athoo: myid bo nyid ziyo' dakhyoo" ti"- ngoo we' nanu" da" atho' moo aloem" athoo: myid bo nyid. Nanu" gi Khristu nyang: yo' loxo' ikoin deungkhu: de wa shid re" ngoo dang: myid: to" da" zoomyi: zoo: yo' du nyid.