LUKA 5:32 - Lacid Common Language Bible

³² Ngoo gi myonhoo: ngilang: yoo" mo nheigloem: thid wa shid' re" kho" kyoo" wa ein: jure" zi anghoid. Yooboo yoo" mo, ri khi: wa ein: dare" ga: tid.

LUKA 5:32 ပူးပေါင်းရင်းမြစ်များ

ESAIA 57:15

«Ngoo gi myhang: wigi apyaid atoo: moo dei nyid da" gyeung" shang: Mangsoo nghoid. Ngoo gi myhang: da" joyoo yo' gyeung" shang: da" joyoo moo nyid su: nghoid. Nghoid loug we nyangnu" myid loem ziyo' myid byu ziri ngoo yo" doem nyeing kaid byid: wa shid re" nheigloem: nyhoem: khyo' wigi myid thid da" byu yi yo' we' dage" nyid da:.

MATHE 18:10

«Nanu" gi ngi, su: khayug ri we' Byu ngi yoo ayu" wa shid re" lhid nyid ge'. Nanu" ri ngoo tid da" zigi hau: zooshang: me" da" moug: lagyoo: yi gi Mougkhung: Aseing nga" pho da" myonhoo: ri khanham we' dayu" nyid boem ago".

MATHE 9:13

«Houg: su" wigi xoin" ngei" byid: da" khyoo: anghoid- nheig khyeig khyoo: ri ngoo vho: nyid ga: da" dang: ri se' loo" goo" baja"- re" jhau" yu ge'. Khasu" wim gari deung byeung" mo, ri khi: wa zi anghoid. Yooboo yoo" mo, ri khi: wa ein: ngoo dare"» ga: tid.

MARKU 15:10

Khasuwimgari-khainjung agyi moo" yi gi Yesu ri zo lho:-nya: lo, moo re" ap byid: to" ziri nyang: si' yoo mo nghoid.

MARKU 15:7

Hau: yo, ri goemlu to' jang" moo byu said lho: thung: khoug: moo myeug lhoung to" da"- goemlu gyiphung: mo_ Baraba ga: su byu dayug bo nyid.

MARKU 2:17

Hau: ziri Yesu shaug" gyoo: lang gi nyang: gi nyangnu" ri yang" zain mo, gi doctor aca" nghoid loug we' noo mo, gi ca" ago"- deungmain" mo, ri khi" wa shid re" ngoo re" zi anghoid. Yooboo yo" mo, ri khi: wa shid re" koem ngoo re" zi nghoid ga nyangnu" ri phoug tid..

LUKA 15:10

Houg: yo' dakhyoo" ti"- ngoo tid da" zigi yooboo yoo" su: dayug yug- nheigloem: thid lo ri Mangso da" moug: lagyoo: yi gi gye gau yi nyid.

LUKA 15:7

Houg: yo' dakhyoo" ti" ngoo tid zigi nheigloem: thid anoo" lo da" myonhoo: ngilang: bo da" byu- goug: xe: goug: youg bang: da" tho' moo yooboo yo" mung" byu dayug nheigloem: thid lo ri Mougkhung: Mungdain: moo gau yi ngei pyoo: khyoo: jo, wa.

LUKA 19:10

Byu nya: zoo: gi byug bye: mo, ri shoo: lho: khyoid yu wa shid' re" ju" ri" bye.

LUKA 24:47

Nya: myeing khyang" ri loem" jeing" lho: yooboo ri khyoid pyam byid: khyoo: yo" yu nheigloem: thid lo da" khyoo: ri Yerusalem voo mo ayang: qei" lho: byumyu" bain sho' ri kho" kyo" loo" ge'.

LUKA 5:31

Hau: uri Yesu gi yangzain: su: gi Doug Tha avho:- noo su: za: date: vho.

LUKA 5:33

Byu dayham" gi Yohan da" cangzoo: yi yo"- Pharishe" yi da" cangzoo: yi gi zoo: noem zeung: da" khyoo: yo"- Akyu" mho' da" khyoo: ri atheing: loo: lhoung: koid: nyid ago". Houg: nghoid loug we' Yesu da" cangzoo: yi gi dazo: dashug go" nyid boem- nhung: lha"» ga: tid boem.

ACTS 17:30

Mangsoo gi xangsu: byu yi nyang: ri asi loo: nyid lid: lo da" ayo, akhyeing: ri yu" lhai: kaid' bye- nghoid loug we' akhid" gi khyi khang" moo" mo xangsu: byu dangain" ri nyangnu" da" akhyeing" ashoeb, da" moozoo" dangain" jang" mo nheigloem: thed' lheung: loo wa shid re" amyeing" byid: kaid' bye.

ACTS 2:38

Petru gi nyangnu" ri mang: nhung" yi dangain" bang: we' nheugloem: thid' ge'- nanu" da" yooboo joem ri khyoid pyam byid: zi shau" wa shid re" Yesu khristu da" myeing mo-nanu" yug khang" moo" Babtisma ri kham: yu ge'- houg: lang" Mangso jhung: shug nghoid da- gyeungshang: Venyi we' nanu" shau" kham: yu boem wa zi nghoid.

ACTS 20:21

Nyang: nu" da" yooboo mo nheigloem: ri thed' pyam' lho: Mangso shoid' khyoo: lheung: lo boem wa ziyo' - Aseing Yesu ri loem" jeung" lo boem wa shid re" ngoo gi Yuda byumyu" yi yo' tungbau byumyu" yi ri dakhyoo" ti" yoem: kaid' lho: gye" khyo" tidpoin" lid loo bye.

ACTS 3:19

Hougsu" nghoid yoomo nanu" nheugloem: ri thid' ge-Mangso jhang doem tau" loo ge'. Houg: lang" Nyang: gi nanu" da" yooboo joem ri khyoid pyam byid: wa zi nghoid.

ACTS 3:26

Hougsu" nghoid yoomo nanu" yug khang" moo" ri akhyeung" da" lo, moo" mo-doemtau" loo nhang: khyo" wigi nanu" ri mainkaid byid: zi yo" yu wa shid re" Mangsoo gi Nya: deizoo: ri khyen: yu lho: nanu" jhang khyoo: Nyang: ri xang: shed" nhang: kaid' byid: abye:- ga: kho" kyo.

ACTS 5:31

Israela byumyu" yi we' nheigloem: thid' wa ziyo' nyangnu" da" yooboo ri khyoid pyam byid: zi shau" wa shid mo akhyoo" bo nyheung byid: wa shid re" Mangsoo gi nyang: ri khyoid yu su: yo' vhu" jhung: khyo" nya: lo yo, shoid' moo tu: to' to" abye:.

2PETRU 3:9

Byu dayham: bang: myed ziyo' dakhyoo" ti"- Mangsoo gi nyang: dang: soo" khoin" byid: too": bye: ziri cang" zei: pyeung wa shid re" ayo' ri lang" lho: nhe" nyid zi anghoid. Nghoid sho' loug we' byu xangsu: dangain" mo, youg: noo yooboo mo lheung: lo wigi hang" we' byo, yoin" lo" zi ashaoug" baja" ga: nyang: vho: nyid yoomo nyang: nanu" tho' moo gyi: sheung: da" nheug loem: toin: shed; nyid.