LUKA 5:20 - Lacid Common Language Bible

²⁰ Yesu gi houg: bang: da" loem" jeing" khyoo: ri myang lang" gung joem: shid: su: ri byu nang we"- re" yooboo ri khyoid pyam byid: bye. ga: tid.

LUKA 5:20 ပူးပေါင်းရင်းမြစ်များ

APOEM AYANG: 22:12

«Zooshang: ri azang" thung"- nyang: ri ci: we' akoid» ga: tid thu lo lho: «Nang gi Mangsoo ri gyoug phau" myang nyid su: nghoid ziri akhid" ngoo si' bye:. Khasu" wim gari nang gi re" zooti" zoo: ri ngoo ri byid: wa ci: vhoo" abyed nghoid da:» ga: tid.

ESAIA 38:17

Nga" da" pyaid khoo" gi ngei pyo: yug yo zi bue" loo" wa. Nya" apyaid ri gyoug ca" ja: dangain" mo nang khyoid yu lho: Nga" yooboo joem dangain" ri nang khyoid byid: bye:.

MATHE 9:2

Houg: lang" yu" ge'. gung ajoem shid: da" byu dayug ri nyangnu" gi Yesu jang" moo dangzuang mo dang go" re. Nyang: gi nyangnu" da" loem jhing nheigloem: ri myang lang" «Nga" zoo: we" nheig angi loo: nyid we'. Re" yooboo ri khyoid pyam' byid: bye:» ga: ajoem: shid: su: ri tid.

MATHE 9:5

Re" yooboo khyoid pyam' byid: bye- houg: su" anghoid lang" gi to so" loo" we' ein: tid wa da" dang: eig khoin" mo kha: khoin" je tid lei la".

MARKU 2:5

Nyangnu" da" loem" jeung" e" myed ri Yesu shau" myang lang" nyang: gi gung joem: shid: su: ri nga" zoo: we"- re" yooboo ri khyoid pyam byid bye:- ga: tid da.

LUKA 7:48

Hau: thang: ri Yesu gi myiyi: ri «Re" yooboo khyoid pyam byid: bye» ga: tid.

YOHAN 2:25

Yesu ri byu da" akhyoo" hang" wigi we' tid kyoo" anoo. Nyang: gi byu da" nheigloem: ung: khoug: moo ci: bo ziri dangain" si' gu nghoid bye.

YOHAN 5:14

Hau: thang: ri Yesu gi hau: yug ri no ku" yhoem moo" khoug: moo myang yoomo nang gi akhid" yangzain: bye. thang: ri yooboo ashoid loo. Houg: su: anghoid lang" gi nang he: tho' mo je yau: da" noo thoung" shau" shi" wa"- ga: tid.

ACTS 11:23

Barnaba gi Antioki voogung khyoo: ju" yhe: lho: mung" byu yi ri Mangsoo gi khasu" ga: mainkaid byid: to" da" khyoo: ri yhe: myang lang" yu" gau, lho: wigi Aseing: ri nyangnu" da" nheigloem: khoug: moo teing" teing zei: ci: lho: wigi voin: tang: za: phau" cang nyid boem wa shid mo nyangnu" dangain" mo, ri yoem: byid: joug jhoin"

ACTS 14:9

Nyang: gi Polu kho" kyo" da" mungdang: ri tam" gyo: nyid Polu we' nyang: ri jid" jid" yu" zhoug to" da" uri nooboug: byug loo" wa yhi'- nya: da" loem" jeung" khyoo: ri myang lang" gi

2~KORINTHU 2:10

Nanu" gi byu dayug yug ri nyang: shoid vhang: d" yooboo khyoid pyam byid: nghoid rigi_ - ngoo we' bo khyoid pyam byid wa. Khasu" wim gari daja: ja: byid" yoomo byu dayug yug ri yooboo khyoid byid: ca: lo da" uri ngoo gi nanu" da" myonhoo: ri tu: lho: Khristu da" shid khoin" moo nya yooboo ri khyoid pyam byid: zi nghoid.

KOLOSE 3:13

Nanu" mo dayug yug da" atho' moo yooboo foin: jang: jo, nghoid rigi nyang: cang" nyang- kham, zeing: go" ziyo' nyang: cang" nyang: yooboo ri khyoid pyam' byid: go" nyid ge'- hau: Aseing: gi nanu" da" yooboo ri khyoid pyam' byid: bye: ziyo' dakhyoo" ti"- nanu" nyang: cang" we' yooboo ri khyoid pyam byid: goo" ca" nyid.

YAKU 2:18

Nghoid loug we' byu dayu yug gi loem" jeung" nheigloem: bo lho: gootu: dayug gi moozoo" bo ga: dang: gain' ze nghoid rigi moozoo" abo da" loem" jeung" khyoo: ngoori toin" shid we' ngoo koem gi moozoo" khyo" wigi nga" loem" jeung" khyoo: ri toin" shid' ba- ein: ngoo tid ba.