LUKA 2:9 - Lacid Common Language Bible

⁹ Hau: uri Mougkhung: mo Mangso da" lagyoo: gi yang zung" mo, shid' moo re" thu' yab lang" hau: ayam aqei: dangain" doug bang lo wigi nyangnu" gi gye" gyoug dain nyid boem bye.

LUKA 2:9 ပူးပေါင်းရင်းမြစ်များ

THU' LO" MOUGSOUG" 16:10

Houg yo' dakhyo"- Arun gi shava byu yiri dang: tid kyo" nyid uri nyangnu" dain" pyoid yoo khyoo: yu" kaid ri nyeigdain tung" jhoemmoug" khoug: mo Aseing da" phung" yoeb gi bang thu loo da:.

THU' LO" MOUGSOUG" 16:7

Nab soin: ri nanu" Aseing phung" yoeb bang ziri myo kyoem: sho' shau" myang wa. Nyang: ri thougtheung wigi nanu" da" myeing" myo: khyoo: ri nyang: shoug" gyoo: bye:. Nghoid loug nyang: ri thougtheung abye:. Ciwim gari nga" tang: gi nya: jhoug" shid khyoo: ri za: dayo" tid kyo"» ga: tid.

ESAIA 35:2

Dain" pyoid yoo gi ngei pyo yoomo jikhoin" khoin" wigi yoid nyho: loo wa. Hau: zigi Lebanon boem joem su" yung" loo wa. Khamela yo' Sheron da" yoothung" joem su" myidxu: bo loo wa. Yugkhang" moo" gi Aseing da" myonhoo: yoeb bang ri myang wa. nya: da" gyi: sheing: khyoo: yo' yoem so' ri myang wa.

ESAIA 40:5

Hau: thang: Aseing da" phung" yoeb ri toin" shid wa wigi xangsu: byu dangain" hau ziri shau" myang loo wa. He: ziri Aseing nyang: nyang: dangsoo" byid: to" abye:» ga: nyho: nyid da:.

ESAIA 60:1

Yerusalem we" too' we' bidbang yhang: ti" bang we'. Aseing da" phung" yoeb gi re" adang moo bang nyid da:.

EZEKIEL 3:23

Houg: yoomo ngoo gi janggyoin: khyoo: yhe: loo" bye:. Houg: moo Kheba gyid yam moo ngoo myang khoo' bye: te" da" Aseing phung" yoeb ri ngoo myang. Ngoo gi myidgung khyoo: goeb pid loo" bye:.

MATHE 1:20

He: da" khyoo: damyid yu" nyid shi" uri yu" ge'. Aseing da" moug: lagyoo: dayug yhoeb' mo, moo nyang: ri gung re" yab shug lho: «David da" nya: zoo: Yoseb we"- re" da" yhoem: seing: myhi' Mari ri yu wa zi myid amyoo:. Nya: da" zoonu" gung gi hau: gyeungshang: da" Venyi: mo bue" lo da" zi nghoid.

LUKA 1:28

Mouglagyoo: gi nya: jang" moo re" lho: goo" ki" lid: da" jeju" shau" kham: zo: da" myiyi: nu" we"- nang gi ngei pyoo: yug yoo bye: ga: tid.

LUKA 2:8

Hau: mung" ayam aqei: moo yang zung" mo, dayham" nyid ago"- nyangnu" gi myen" ayo, moo dain" dam moo yang zung" nyid ago".

LUKA 24:4

He: khyoo: yo" sen: lho: nheigloem: ahei" afoo" wim ziyo' yab, jo, nyid boem uri gye" bang da" byimi void ci: da" byu eig yug gi nyangnu" da" shid' khoin" moo dalheing: dam thu' myhang lo.

YOHAN 12:41

Esaia gi Aseing Yesu da" myonhoo: phung" yoeb' ri shau" myang yoomo Aseing: da" khyoo: ri hid: su" ga: tid zi nghoid.

ACTS 12:7

Mangso da" moug: lagyoo: dayug gi nyid' dain' tung" Petru da" nam, moo re" yab, kaid' lho: thung: yhoem: goin" jang" moo bang jo. Hau: moug: lagyoo: gi Petru ri lo, sain: moo zei: ci: lho: phyed' phyed' too we' ga: nhau". Houg: lang" Petru da" lo, mo jangcoo" doem' gi beug sain" gyo" pyam' bye.

ACTS 27:23

Khasu" wim gari Ngoo noku nyid da" nga" Aseing: - Mouglagyoo: dayug gi amain' nga" jang" moo ju" re" lho:

ACTS 5:19

Nghoid loug we' hau: da" myen" ri Aseing: da" moug: lagyoo: dayug gi thung: khoem" duang: joem ri phang pyam' byid: boem lho: lagyoo: yi ri nghe: shoid khyoo: shu" thu' lo" wigi

2~KORINTHU 3:18

Houg: yoomo ngoonu" dangain" bang: gi myonhoo: nghoeb ziri phang pyam boem bye:. Myonhoo: yo' hau: Aseing: da" myonhoo: phung" yoeb da" alhoo: ri doem tau" pang shug nyid boem bye. Hau: myonhoo: phung" yoeb nyang: Venyi ein: da" Aseing: jang" mo ju" re" wigi Aseing: yo' jeje du go" lo da" myonhoo: phung" yoeb shoid khyoo: ngoonu" ri thed, shai" loo" nhang: nyid.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.

HEBRE 12:21

Shau" myang ja: dangain" gi gyoug dain' ja: nghoid yoomo Moshe lang" " Ngoo atho' tid gyoug dain' bye ga: wigi tid nyid.

Pang Shug 18:1

Hau: thang: ri moug: khung: mo gyoo" lo da" mouglagyoo: gootu: ri ngoo myang. Nyang: gi gyi: thang da" amyeing" yoem: so' ci: lho nya: phung yoeb, gi mougmyid gyab, goin" moo doug bang to".

Pang Shug 20:11

Hau: thang: moo phyu: da" zhung: tang yo' hau: tho' moo zhoung: jo, su: ri ngoo myang- Nya: da" myo, shid' ti: mo wigi mougmyid yoosoo" yo' moug: khung: moug di gi bei: loo" khare" lho: hau: eig ja: gikhanham we' adoem myang loo.