LUKA 2:4 - Lacid Common Language Bible

^4-5 Yoseb we nyang: loxo' wa ga: dang: myed: to" da" Mari yo" dage" Galile mung" Nazared voogung mo wigi Yuda mung" Bedlehem ga: da" David khokham" da" voogung khyoo: yhe: lo" ago". Mari gi zoo: khu: wa jen" jen" nghoid bye. Yoseb gi David khokham" da" nya: myid: nya: zoo: nghoid yoomo Bedlehem voogung khyoo: yhe: lo" zi nghoid.

LUKA 2:4 ပူးပေါင်းရင်းမြစ်များ

APOEM AYANG: 35:19

Rakhela shid: byug lang" Nyang: ri akhid" Bedlehem ga: da" joyoo Ephrad khyoo: yhe: lo" da" khyoo: nam moo myhoeb pyam bye:.

APOEM AYANG: 48:7

Ngoo gi re" myhi' Rakhela yoomo ngoo hid: su" koid bye:- Mesopotamia mo ngoo doem tau" lo nyid ri Khanan moug: khoug: Ephrad mo gyi" sho' ave: da" joyoo daloem: moo nyang: shid: khari" yoomo ngoo gye" koug bye:. Ngoo gi nyang: ri Ephrad khyoo: yhe: lo" da" khyoo: yam moo myhoeb too" bye:» ga: tid kyo". (Ephrad ga: zigi akhid" Bedlehem ga: da" joyoo nghoid.)

MIKHA 5:2

Aseing tid zigi «Bedlehem Ephrad we"- nang gi Yuda voogung joem mo nge thang voogung daloem: nghoid loug we' goonham' gooco' byuyoug gyung: gyo" loo su: Israela khokham dayug ri nang mo khu: thu loo nhang: wa nghoid.

MATHE 1:20

He: da" khyoo: damyid yu" nyid shi" uri yu" ge'. Aseing da" moug: lagyoo: dayug yhoeb' mo, moo nyang: ri gung re" yab shug lho: «David da" nya: zoo: Yoseb we"- re" da" yhoem: seing: myhi' Mari ri yu wa zi myid amyoo:. Nya: da" zoonu" gung gi hau: gyeungshang: da" Venyi: mo bue" lo da" zi nghoid.

MATHE 2:23

Houg: su" wigi Yesu ri «Nazared phoo ga: myheing boem wa» ga: lapi: yi tid to" dang: gi byeung" loo bye.

LUKA 2:3

Byu dangain" mo, gi zhayen" kaid wa shid' re" nyang: nya: mung" khyoo: zeing: lo" boem.

LUKA 4:16

Yesu gi Nazared voo moo doem ju" yhe:- Nazared voo gi Yesu nyid gyi: lo da" voo nghoid. Dougn: Bidnyid ri Yesu gi lhoung: yhe: main: ziyo' dakhyoo" ti"- tarha" jung moo vang lo. Jhoem: mougsoug" nghab wa ga: to' yab lang"

YOHAN 1:46

Nathanela gi Nazared voo mo zi gi daja: ja: thu' yu" la"» ga: myid. ‹‹Philib gi re" we' yu" we' ga: tid.»

YOHAN 7:42

Meshia gi David da" nya: myid nya: zoo: nghoid ca" ga: wigi we' David nyid khare" da" Bedlehem mo po" thu' loo wa ga: wigi we' Jhoem: dang: moo bo ga: wigi we' tid go" nyid boem da.

RUTHA 1:19

Hougsu" nya: nid tang: gi Bedlehem moo ju" sho' lo" abye: go". Bedlehem voogung moo ju" vang lo" ri nya: nid tang: yoomo voogung goin" su" lu: fu: go" lo. «He: zigi Naomi nyang: deing" deing nghoid la"» ga: houg: mo myhi' zeing yi lhoem: tid lang" ago".

RUTHA 2:4

Houg: lang" Bua gi Bedlehem: voogung khyo" ju" re" wigi gug yham" bang: ri re" shau" da:. «Aseing gi nanu" yo' dage" danyid nyid baja" o"» ga: tid da:. Nyangnu" we' «Aseing gi nang ri mainkaid byid: baja" o"» ga: doem tid boem.

RUTHA 4:11

Hau: khoem" duang: moo bo zhung: jo, da" mung" byu yi yo' zoug: ludaid yi dangain" bang: we' «Ngoonu" gi sagse: nghoid boem bye:. Re" yhoem: moo thu lo da" re" yhoem: seing: myhi' gi Yaku ri zooshang: myoo" sho' khu: byid: da" myiyi: Rakhela yo' Lea yhang: ti" bue" jo, sho' Aseing wigi soin' byid: zi nghoid bye:. Nang we' he: da" Ephrad moo yoo" zo: yoo" shug lo wigi Bedlehem: moo myonhoo: ngilang: bugthu sheing" jhu" loo baja" o".

RUTHA 4:17

Nya: yhoem: kyoo" cang" myiyi myhi' yi gi «Naomi gi yuggi zoo: yoo" bye:» ga: boem. Houg: zoonu" ri Obed ga: myeing myheing byid: boem bye:. hau: yug gi David da" nya: phoo Yese ri khu: kaid bye:.

1 SAMUELA 16:1

Aseing gi Samuela ri «Sholu shid re" nang khamyhang ju" sho' nang nheig kug nyid shi" wa la". Nyang: ri ngoo Israela khokham aya: mo khyo' pyam bye: zi nghoid. Nghoid loug we' zhainloin: xu: dajhi' ri ci: wigi Yese ga: su: nyid da" Bedlehem voogung khyoo: yhe: yu" we' ciwim gari nya: yuggi zoo: yi mo dayug ri khokham koid wa shid re" ngoo khyen: too" bye: zi nghoid» ga: tid bye:.

1 SAMUELA 16:4

Samuela we' Aseing nyang: ri tid ziyo' dakhyoo" ti" koid wigi Bedlehem voogung khyoo: yhe: loo" bye:. Hau: joyoo moo voogung vhujhung: yigi gyoug dain ziyo' nyang: ri yhe: shoug" lho: myo, gyeing: su: we" he: zigi yug yoo tung" lam" lo da" gyung: khyoo: anghoid la"» ga: lhoem: myid: boem ago".

1 SAMUELA 17:12

David gi Ephrad ga: da" Yuda mung" Bedlehem voogung moo nyid da" Yese da" nya: zoo: nghoid da:. Yese gi zooshang: shid yug yo" ziyo' Sholu khokham koid nyid da" pyaid ri nyang: gi gye" mang: lo" nyid bye: zi nghoid.

1 SAMUELA 17:58

Sholu gi nyang: ri «zooyam zoo: we" nang gi hang" nya: zoo: nghoid la"» ga: myid: bye:. David gi ngoo gi Bedlehem voogung mo re" dei zoo: Yese da" nya: zoo: nghoid ga: doem phug tid.

1 SAMUELA 20:6

Voem: zoo: jang: moo ngoo abo zhoung: zi re" phoo si' lang" nga" deungkhu: shid re" zain khang" moo" koid nyid da" xoin" to' wa da" ayo, ju" yoomo Bedlehem yhoem: khyoo: myab myab loo" wa akhang" yoo" sho mho' bye: khyoo: nyang: ri bo tid byid: we'.