LUKA 17:1 - Lacid Common Language Bible

¹ Yesu nya: cangzoo: yi ri tid zigi Byu ri yooboo bui" nhang: wa khyoo: gi deing deing jo. Nghoidloug we' byu ri yooboo koid: nhang: su: gi deing deing joem: loo" wa.

LUKA 17:1 ပူးပေါင်းရင်းမြစ်များ

MATHE 16:23

Yesu gi lheing: yu" lho: Petru ri «satan: yu we"- nga" jang" mo thu' loo" we' nang gi nga" shid mo thoem: tho: leung joyoo danghoid. Khasu" wim gari-re" da" nheigloem: gi Mangso shoid khyoo abo myid yu"- byu vho: khyo" za: te: myid yu"» ga: tid.

MATHE 18:7

Mougmyid moo loem" jeung" khyoo: ri lhu: phyo da" thei' leung jang: joyoo mo mougmyid gi joem: lo" nyid bye. Nheugloem: thei leung jang: gi gyeing" nyang: jo,- nghoid sho loug thei leung jang: koid thu' su: gi gyeing" nyang: joem: loo" wa zi nghoid.

LUKA 16:31

Abraham gi nyangnu" Moshe yo" lapi: yi da" dang: atam" gyo: nghoid rigi gyeing" nyang: shid: bye: jang" mo byu dayug yug doem dei to'' loo nghoid loug we' nyangnu" gi loem" jeing" wa zi anghoid ga: wigi tid.

Roma 14:13

Houg: yoomo ngoonu" gi nyang: cang" nyang: yooboo foin: go" da" khyoo: akoid' looza re" mang: nhung" phoo thoem: tho: leung jang: khyoo: kyoo" age kaid' byid. Houg su" anghoid lang" gi yu" shoid' wa da" akyang" daja: we' azei: shug wa shid' re" myid phyed' too" ge'.

Roma 16:17

Mang: nhung" yi we" nanu" shau" jhau" yu da: tid poin" tid khyeing" mungdang: ri nung phug pyam' lho: subi" ri aveing" goo" nhang: da" zi - khyoo vhang: shu" vhang: loo" mo ri zid" nyid ge'. Houg: bang: ri jhang" pyam' ge'.

1Korinthians 10:32

Yuda byumyu" yi shid re" we'- Greek byu yi shid re" nghoid loug we'- Mangso phung da" shid re" we'- thoung" thue: leung jang: abui" wa shid re" kangso dei nyid ge'.

1Korinthians 11:19

Houg: mo gam, thu' loo" mo, kha: phung: bang: gi jo shoid khyoo: yab, bang: nghoid ein: da"- deingmain" khyoo: gi bang bang nyang: myang loo wa shid re"- nanu" moo: kho' gam, gang: go" lo" zigi: nyid gu, nghoid.

1Korinthians 8:13

Hougsu" nghoid yoomo zo: noem khyo" nga" mang: nhung" phoo, ri- nheigloem: leung nhang: wigi- yooboo dakoid nhang: wa nghoid rigi- nga" mang: nhung phoo, aleung loo" wa shid re"- ngoo dapyaid' goin" shoo" azoo: loo: za: nyid wa.

1 TIMOTHI 4:1

Thang: phyang" pyaid ri byu dayham" bang: gi loem" jeung" khyoo: ri she: pyam boem wa zi nghoid. Nyang: nu" gi mhau' fain" da" venyi joem da" dang: ri tam" gyo: boem wigi yu join: jhoug" byid: da" khyoo: moo cang lo" byug boem wa da" khyoo: ri hau: gyeungshang: da" venyi gi bang bang nyang: tid nyid.

Pang Shug 2:14

Nghoid loug we' nanu" moo yooboo foin: jang: dajhi' bo- Khasu" wim gari Israela byumyu" ri soolhoo: ri teing: byid: da" zoo: noem ri zoo: wa ziyo' avoid avhu: ein: da" youg: shoo: goo" wa shid re" Bala, ri jhoug" byid: balam: da" jhoug" myeing" moo bo cang loo" bang: nanu" moo dayham" bo nyid ago".

Pang Shug 2:20

Nghoid loug we' nang gi nya: jhoug" myeing" khyo" nga" cangzoo: yi ri avoid avhu: koid nhang: lho: soolhoo: ri teing: byid: da" zoo: noem zo: shug da" yooboo shoid sho' khyoo: shu" vhang: nhang: su:- myiyi: myhi, Yezebela ri nyid nhang: nyid shi" yoomo, nang ri yooboo foin: jang: jo.