LUKA 16:3 - Lacid Common Language Bible

³ Vhu" kung: phoo nya: gung nyang tid da" zigi Nga" Aseing: gi nga" moozoo" mo ngoori toem nyid bye. Ngoo khasu" koid: loo wa lha". ngoo myidjang: du: nhoug wa yoem we aboo mho' zo: yen" wa zi we' ngoo sho.

LUKA 16:3 ပူးပေါင်းရင်းမြစ်များ

ESTHA 6:6

Houg: yoomo Haman vang loo" lang" khokham pho gi nyang: ri «Ngoo gye" ngi: shab byid: nau da" byu dayug nyid. He: yug shid re" ngoo khasu" koid ri gi wa lha"» ga: lhoem: myid: da:. Haman gi nyang: nya: gung ri «Akhid" khokham pho wigi houg yhi' ngi: shab byid: nau da" yug gi hang" se' nghoid wa la". Ngoo nyang: she' danghoid wa» ga: myid yu da:.

DANG: ZHOEM 13:4

Nei" da" byu yigi da ja: ja: ri gye" myid vho: nyid nghoid loug- hau: ziri nyang: gi khanham we' yo" yu wa zi anghoid. Yoem: kaid thoug shang" nyid su: koem gi nyang: vho: nyid khyoo: ce" noem, ri we' shoug" yu wa zi nghoid.

DANG: ZHOEM 15:19

Nang nei" nyid su: nghoid rigi yau: khe" kyi" khyeug khyoo: khyi khang" moo: moo nang thoung" shoug" wa. Nghoid loug we' nang nheigloem: dain: su: nghoid ri loem gi yau: khe" kyi" khyeug khyoo: nang thoung" shoug" wa zi angoid.

DANG: ZHOEM 18:9

Byunei" gi phyo' shoin su: yo' dakhyoo" ti"- agi su: nghoid nyid.

DANG: ZHOEM 19:15

Nang nau rigi nei" nyid we' yhoeb za: lho: dayhoeb, jo, we' nang zooyoid zi shau" loo wa nghoid.

DANG: ZHOEM 20:4

Yoothung" phug yo, ri nei" nyid da" yoothung" phug su: gi- xung" thu' lo ri gug ci: ase' yham" yu wa zi nghoid.

DANG: ZHOEM 29:21

Re" da" dei zoo: phoo ri ngi, shi" mo nyang: vho: ja" ri ja: khang" moo" byid: nyid rigi danyid" da" bidnyid moo: gi nang seung: da" jonu"- dangain" nyang: wigi yu pyam, byid: loo wa nghoid.

ESAIA 10:3

Mangsoo nanu" ri yooboo dam byid: uri nanu" khasu" koid goo" wa la". Ve: da" mung" mo kyi" khyeug zi nanu" adang moo nyang: ci: loo byid: lang" nanu" khasu" koid goo" wa la". Pang" thug khyoo: ri nanu" khamo yhe: tang" sho: yu wa la". Nanu" da" jonu" ri khamoo: yhe: shoung: too" goo" wa la".

YEREMIA 5:31

Lapi: yigi mhoug dang: za: tid thu ago". Khainjung yigi Lapi: yi amyeing" byid: da" khyo" vhoeb ago". Houg: lho: nga" byumyu" yigi ci: dakhoin" we' angeug nghoid da:. Nghoid loug we' he: gu: dangain" lo" thang bain byug ri nyangnu" cikoid loo goo" wa la".

HOSEA 9:5

Houg: lho: Aseing ri ngi: shab pui" koid wa ayo, ju" rilang" nyangnu" cikoid goo" wa.

MATHE 20:8

«Myenthang: ju" lang" hau: khyam: seing: gi moo" shu" vhu" shi: su: ri ‹moo" zei: mo, ri khe: zheung" lho: moo vang thang mo, mo wigi vang shid" bang: moo ju" sho' vhoo" kung: phoug" thug byid: we'› ga: tid.

MARKU 10:46

Houg: lang" nyangnu" gi Yerikho" khyoo: ju" re" ago"- Yesu gi nya: cangzoo: yi yo' byu phung: yo' thu' lo" nyid da uri Teme nya: zoo: Barateme gi myo jed da" mho' zoo: su: dayug - khyoo: yam moo zhoung: jo,-

LUKA 12:17

Nga" yoo mo gug shi" mei: shi" ri shoung: too" wa shid' re" joyoo lang" ayu" loo:- ngoo khasu" se' koid: loo: wa lha"» ga: nyang: kyeing" nyid yu nyid.

LUKA 16:2

Sathi" phoo gi moo" pyeing" su: ri khe: yu lho: tid da" zigi re" da" khyoo: ngoo shaug" gyoo: bye. Khasu" koid: nyid? re" da" lo, mo nga" ziyoo jonu" zhayen" dangain" ngoori byid: we'. Khasu" wim gari nang gi nga" moo" ci: moo we' pyeing" wa zi amoin: yi" loo.

LUKA 16:20

Nya: yhoem: khoem" duang nam moo dagung goin" dam, joid, joid, su:- shojhen da" Lazaru ga: su: gi

LUKA 16:22

Hau: sho" jhen su: gi shid: lo" wigi moug: lagyoo: yi gi nyang: ri Abraham da" nam moo nyid nhang: wa shid' re" moug: khoung: mungdain: zoo: pui" zeing khyoo: shu" loo" bye. Sathi" phoo we shid: lo" wigi myhoeb pyam zi shau" lho:

LUKA 16:4

Nga" aya gyo" thang: ri ngoo khasu" koid: wa zi akhid" si bye- ngoori nyangnu" yhoem: moo lhoem kham: yu wa da" byen cang" ngoo yo".

LUKA 18:4

Tarha" agyi phoo gi shang" yhen" zoo: myang" lang" re" kau: to" da khyoo: ri ayo" tid byid: ga: he: pyam. Nghoidsho' loug we' lo" thang moo nya: gung nyang: tid zigi ngoo gi Mangsoo ri we' agyug- byu ri we' cishu: anhang: su: nghoid.

YOHAN 9:8

Nyang: gi mo: phyi: nghoid yoomo akhang: re nyang: ri lhoung myang nyid da" yhoem: kyoo" cang" yi gi he: yug gi zhoung: jo, lho: ngei lhoung: mho' nyid su: anghoid la"» ga: myid go" nyid.

ACTS 3:2

Young" lho, ga: myeung da" khoem" duang: moo khu: jang" mo nyang: khyid: yoin" su: dayug nyid. Hau: khyid: yoin" su: ri noku yhoem: moo" khyoo: vang yhe: loo" mo", jang" mo ngei mho' zoo: baja" ga: - khoem" duang: yam, moo nyid" khang" moo" yhe: dang nyhed: too" too" koid boem.

ACTS 9:6

Nghoid loug we' nang to' lho: voomoo" khyoo: vang loo" we' - houg: moo nang koid ca" da" moo" ri lhoem: tid kyoo" wa" - ga: tid.

2 THESALONI 3:11

Ngoonu" gi he: da" khyoo: ri ci: wim tid lha"» ga: rigi nanu" mo byu dayham" bang: gi nei" lho: kang: so' dei nyid boem wigi ce" moo" we' azei: boem loo; za: byu gooji da" moozoo" moo vang lhu: nhoung yen" bang: nyid se' boem ziri ngoonu" shau" gyo: nyid.