LUKA 11:9 - Lacid Common Language Bible

⁹ Houg: yo' dakhyoo" ti"- nanu" ri ngoo tid zigi Mho' ge' mho' ri yo" wa. Shoo: ge' sho: ri myang wa ko' ge' ko' lang" khoem" ri phang byid: wa.

LUKA 11:9 ပူးပေါင်းရင်းမြစ်များ

COUNG" NGHEI 118:5

Ngoo yau: khe" kyi" khyeug zi shoug" nyid ri Aseing ri ngoo mho' yoid bye:. Nyang: gi ngoo ri tam" gyoo: byid: lho: ngoo ri loid byoin loo" nhang: bye:.

COUNG" NGHEI 27:4

Ngoo gi Aseing ri daja: mho' bye:- ngoo vho: zigi daja: kyeing" za: nghoid. Aseing da" yhoem: moo: dapyaid goin" shoug" nyid lho: nya: da" ge khyoo: ri hougmoo: myid fang wigi nyang: khyoo: shed yu wa ziri: mho' nyid.

COUNG" NGHEI 27:8

Nga" da" jang" moo: tain" re" lho: coung" pid we' ga: nang tid uri ngoo gi Aseing jang" moo: ju" tain" ri" wa ein: tu" bye:.

COUNG" NGHEI 34:10

Khang khyi joem gi zoo: noem ayoo" yoomo zooyoid nyid. Nghoid loug we' Aseing ri tam" gyo: nyid mo, gi ge zi daja" we' amyung nghoid ago".

COUNG" NGHEI 34:4

Ngoo gi Aseing ri mho' yoid lang- nyang: ngoo ri tu" byid: wigi nyang: gi gyoug ci khyoo: dangain" jang" mo ngoo ri loid byoin loo" nhang: bye:.

COUNG" NGHEI 50:15

Yau: khe" zi shoug" nyid uri nang ngoo ri yoid we' ngoo gi nang ri khyoid khyu: yu wa zi nghoid. Houg: lang" nang gi ngoo ri coung" nghei byid: wa anghoid ga: tid.

SHOLUMON JIKHOIN" 5:6

Nga" jhed shid re" ngoo khoem" phang byid: nghoid loug we' nyang: gi bain lo" byug bye:. Ciwim yoomo nya: thui: ri ngoo gyoo: nau nyid lha". Ngoo nyang: ri shoo: yu" nghoid loug we' nyang: ri amyang loo:. Ngoo nyang: ri yoid nghoid loug we' doem tu" da" thui: ri ashoug" gyoo: loo:.

ESAIA 45:19

Ngoo gi dang: zoug" tid su: anghoid. Ngoo myid too" jang: ri we' anyhoem" too. Jham" coug: youg da" joyoo moo ngoo ri shoo: wa shid re" Israela byu yiri ngoo amho'. Ngoo gi Aseing nghoid wigi deingmain" da" dang: ri tid jo, ziri ngoo tid fu" da ga: tid su: nghoid» ga: tid.

YEREMIA 29:12

Houg: lang" nanu" ngoo ri yoid loo goo" wa. Nanu" nga" jhang re" wigi akyu" mho' loo goo" wa. Houg: lho: ngoo nanu" ri tu" byid: wa.

YEREMIA 33:3

«Ngoo ri khi: we' nang ri ngoo tu" byid: wa. Nang ci: ase' da" mau" pho" ziyo' mau" pho" moo" zoo" yo' sen: da" khyoo: ri ngoo tid khyoo" wa.

DANIELA 9:3

Houg: lho: ngoo gi zoo: noem jang"- jid: moo" byimi void pyam lho: myiyab boem" moo zhung: jo zoo" re Aseing Mangso jhang nheigloem: nyhoem: khyo' lho: myid boo tung" akyu" mho' nyid.

MATHE 21:22

Nanu" gi loem" jeung" da" nheigloem: e" myed yo"- Akyu" mho' nghoid ri mho' ja: dangain" yo" yu boem wa" ga: tid kyo.

MATHE 21:31

Nghoidloug we' ayhi: loo: za: nyid nyid zooshang: eig yug mo khayug gi nya: phoo vho: da" khyoo: ri koid: lha"» ga: myid: yu" nyangnu" gi «Mang: mo" yug nghoid» ga: phoid: boem. Yesu gi «nanu" ri ngoo tid ba"- kheing" khyu: zoo: mo, yo" shava myiyi: yi gi nanu" da" shid moo Mangso mungdain: khyoo vang lo" nyid boem bye.

MATHE 6:29

Nghoidloug ngoo nanu" ri tid da" zigi Sholumon lang" gi nya: myonhoo: ngilang: dangain" moo bain: dakyang: yo" lhang" amoin: yi.

MARKU 11:24

Hougsu wigi ngoo nanu" loem" jeung" myid yo, daja: ja: mho' ri hau: zi yo" yu wa.

MARKU 13:37

Ngoo nanu" ri tid bye: zigi Nanu" dangain" mo ri tid zi nghoid lhid' lho: zung" nyid ge".

LUKA 11:10

Khasu" wim gari Mho' su: hang" nghoid loug yoo" zi nghoid. Shoo: su: gi shau" myang wa. khoem" moo ko' su: ri we' phang byid: wa zi nghoid.

YOHAN 14:13

Nya: zoo: yoomo wigi nya: pho da" myonhoo: ngeilang bang thu' loo baja" ga: Nga" da" myeing ri nghe: khau: lho: nanu" mho' da" zi dangain" ngoo koid; byid: wa.

YOHAN 15:16

Nanu" gi ngoori khyen: yu zi anghoid ngoo she nanu" rida khyen: yu- nanu gi thu lo" lho: geng teing ashi myoo" sho' zei: wa zi yo"- nga" myeng mo, nanu" mho' moo mho'- phoo nanu" ri byid baja" ngoo nanu" ri nyheung to".

YOHAN 15:7

Nanu" gi ngoo yo" dadeing: daloem: za: nyid wigi Nga" da" Mungdang: we' nanu" da" nheigloem: ung: khoug: moo bo jo, nghoid rigi nanu" mho' da" akyu" ci: mho' ci: yo" yu boem wa nghoid.

YOHAN 4:10

Yesu phougtid zigi Mangsoo ci: byid: nyid ziyo'- nang ri shug gyid dagoem mho' nyid su: gi hang" nghoid da" khyoo: ri nang se' nghoid ri koem gi hau: youg jang" mo nang gyid mho' wa zi nghoid. Hau: yug we' nang ri kangso' gyid byid: wa zi nghoid ga: tid.

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

2~KORINTHU 6:2

Tam" gyoo: ge" - Mangsoo tid zigi Ngo nanu" ri jeju" byid: wa ayo, ju" loo lang" nanu" da" mho' yoid thui: ri ngoo tam" gyoo: byid bye. Ngoo nanu" ri khyoid yu wa da" bidnyid ju" lo uri Nanu" ri ngoo pang" thoug byid:- bye ga: wigi nyang: tid nyid. Mangso da" jeju" kham: yu wa zigi - akhid" lang" ge eung: da" ayo, nghoid bye- Yu" ge"-Akhid" lang" khyoid yu da" bidnyid nghoid nyid.

HEBRE 11:6

Loem" jeung" zi abo nghoid rigi hang" we' Mangsoo vho: ngei zi ayo" bui. Khasu" wim gari Mangso jhang khyoo: yu: vang loo" mo, hang" we' Mangsoo nyid nyid ziyo' nyang: ri cang shoo: bang: ri jeju" toug" byid: nyid ein: da" khyoo: ri yo" loem" jeing" su: nghoid wa zi nghoid.

HEBRE 4:16

Hougsu" nghoid yoomo ngoonu" gi nheigloem: moo yoem: bo ziyo' Mangso jeju" zhung: tang shid' khoin" khyoo: yu: vang yhe: lo" boem shang. Houg: su" nghoid lang" gi ngoonu" ca" yo lo da" ayo, moo- ngoonu" moo pang" thoug da" je ju" joem ri shau" kham: yu boem wa zi nghoid nyid. .

YAKU 1:5

Nghoid loug we' nanu" mo dayug yug gi Phajhi" juyi: thang byug nghoid rigi Mangso: jang" mo mho' ge' nyang: gi houg: su" mho' mo, ri nyain: phajhi" byid: wa zi nghoid. Khasu" wim gari Mangsoo: gi byu bain sho' mo, rigau ziyo' agoin ayu: da" phajhi" ri byid: nyid.

YAKU 5:15

Loem" jeing" da" nheigloem: yo' akyu" mho' nyid su: da" dang: gi noo, su: ri yo" ge loo nhang: lho: Aseing: gi nyang: ri ge, loo" nhang: lho: nyang: shoid vhang da" yooboo joem ri we' khyoid pyam byid: zi shau" wa nghoid.

1YOHAN 3:22

Ngoonu" gi Mangso amyeing" tarha" ri tam" gyo: lho wigi nyang vho ngei da" moozoo" ri zei: nyid boem bye: yoomo ngoonu" mho' nyid da" khyoo: dangain" ri ngoonu" yo" yu boem wa zi nghoid.

Pang Shug 2:24

Nghoid loug we' Thuatira voo moo deung nyid shi" da" byu yi dayham" gi hid: yhang: te" akhyeung" da" jhoug" myeing" khyoo: ri abo cang mo, yo' satan da" no, thang phajhi" khyau" khyoo: nghoid ga: subi" tid da" khyoo: moo abo cang loo" loo: za: deung nyid mo, nanu" da" tho' moo gootu: yoo: lid: ngoo afoin: loo.