LUKA 11:4 - Lacid Common Language Bible

⁴ Ngoonu" ri subi" shoid da" yooboo- ngoonu" khyoid pyam byid: yhangti"- ngoonu" da" yooboo ri we' khyoid pyam byid: we'. Ngoonu" ri yau: da" jhu, phyo' ca: yu" jang" khyoo: ayhi: nhang.

LUKA 11:4 ပူးပေါင်းရင်းမြစ်များ

APOEM AYANG: 48:16

«Ngoo ri dam dab zu: azang" sho' khyoid khyu: lo da" moug: lagyoo: gi nyangnu" ri mainkaid byid: baja". Nga" myeing khyang" yo' nga" phoug" phyid" Abraham yo' Isag da" myeing khyang" gi he: zooshang: tang: khyo" xo' geing: jo, baja". Nyangnu" gi zooshang: myoo: sho' amyed ashen myoo: sho' yo" loo goo" baja"» ga: mainkaid byid:.

1 KHOKHAM 8:34

Nyangnu" ri mougkhung: mo tam" gyoo: byid: we' o". Re" byumyu" yi da" yooboo ri khyoid pyam byid: lho: nang nyangnu" phoug" phyid" yiri byid: bye: da" mougmyid khyoo: nyangnu" ri doem shu" yu we' o".

1 KHOKHAM 8:36

nyangnu" ri mougkhung: mo tam" gyoo: byid: we' o". Israela khokham yo' byumyu" yi da" yooboo ri khyoid pyam byid: wigi jo da" ziri yo" koid wa shid re" nyangnu" ri jhau" byid: wa o". Houg: lho: O" Aseing we"- nang re" byumyu" yiri byid: to" da" apyaid atoo: seing: mougmyid nghoid da" he: re" mougmyid moo: moug: voo nhang: we' o".

COUNG" NGHEI 121:7

Aseing gi gyoug dain khyoo: dangain" jang" mo nang ri goem loem yu byid: wa zi nghoid- nyang: gi nang ri gau: nyu: nhang: wa zi nghoid nyid.

COUNG" NGHEI 25:11

Aseing we" nga" yooboo gi tid loo aoung: myo: tham: jo, bye:. Houg: yoomo dang: theing khoin" ri: cang pyeung" khyo" nga" yooboo ri khyoid pyam byid: we'.

COUNG" NGHEI 25:18

Ngoo kham' zo: nyid da" kyi" khyeug ziyo' kyi" khyeug dangain" ri myid boin: byid: lho: nga" yooboo dangain" ri khyoid pyam byid: we'.

DANIELA 9:19

Aseing we" ngoonu" ri gyoo: byid: la. Aseing we" ngoonu" ri yooboo khyoid byid: la. Aseing we" ngoonu" ri tam" gyoo byid: wigi lo, moo" zei: we'. Nang Mangsoo nghoid ziri yugkhang" moo" se' loo wa shid re" zo" mo akoid nyid. He: voomoo" yo' he: byumyu" gi re" re" nghoid ago".

HOSEA 14:2

Aseing jhang doem tau" lo lho: he: akyu" mho' dang: gi nyang: ri shugbyid: da" re" xoin" nghoid baja". Ngoonu" yooboo joem dangain" ri khyoid pyam byid: lho: ngoonu" da" akyu" mho' dang: ri khab yu byid: la. Houg: lho: ngoonu" dangsoo" to" ziyo' dakhyoo" ti" nang ri coung" byid: wa.

MATHE 18:35

Houg: su" nghoid yoomo nanu" gi mang: nhung" nyang: cang"- dayoug da" yooboo ri dayug- re" da" nheigloem: ung: khoug: mo, gyeing" gyeing" khyoid pyam byid: go" nghoid rigi Mougkhung: tho' mo Nga" phoo we' nanu" da" yooboo ri gyeing" gyeing" khyoid pyam byid: wa zi nghoid ga: wigi jhoug" byid.

MATHE 26:41

Jham" ca: yu" ziri yo" oung: loo" wa shid re" akyu" mho' lho: zed" lhed nyid ge'. Nheugloem: Venyi: gi vho: ngei nyid nghoid loug we' gung du: yoem: neing: nyid» ga: tid.

LUKA 11:5

Hau: thang: ri Yesu gi nanu" mo dayug yug gi myen" gam gung ri bidnoem dayoug yhoem: khyoo: yhe: lho: bidnoem phoo we" ngoori zooyho' soem" loem jen" jhid" byid: shi" we' ga: mho'.

LUKA 13:4

Siloam voo mo do, pyu zung- byo gyo" lho: wigi nhe, said pyam da" byu daxe: shed' youg bang: gi gootu: da" Yerusalem voo byu yi tho' moo yooboo je yoo" mo, nghoid ein: nanu" myid go" la".

LUKA 22:46

Nyang: tid zigi nanu" ci: koid: yhoeb jo, goo" lha"- too ge'- jhu, phyo' mhoid" shu" lo" jang" moo- abo loo" wa shid' re" akyu" mho' nyid ge' ga: tid.

LUKA 8:13

Lug phoug tho' moo gyoo" lo" da" myoug shi" gi Mungdang: ri shau" gyo: da: uri gau yi ziyo' kham: yu mo, ri tid nau. Nghoidloug we' nyangnu" da" nheigloem: khoug: moo mungdang: agyi: ayo" cen,- dayo, daboin: za: jham" ca: yu" da" yau khe: kyen" nhoung: khyoo: doem thoung" shau" lang" hau: yug gi doem fain" phoug: lo.

YOHAN 17:15

Nyangnu" ri he: mougmyid mo shu" thu' loo" wa da" shid' re" ngoo mho' nyid zi anghoid. Nyangnu" gi akhyeing" su da" lo, mo zung" lhug byid: wa shid' re" za: ngoo mho' nyid.

1Korinthians 10:13

Nanu" thoung" shau" yu" da" agung alau" gi byu hang" we' thoung" shau" yu" ja: za: date: nghoid. Nghoid loug we' Mangsoo gi dang: zung" Aseing nghoid nyid yoomo- Nanu" atho' kham' wa yhi' da" agung" alau" jham" ca: yu" khyoo" gi shoug" nhang: wa zi anghoid. Houg: su" jham" ca: yu" zi shau" nyid da" ayo, moo- yo" zeung: kham, wa da" yoem: so' byid: lho: wigi- houg: mo yo" loid thu' loo" wa da" khyoo: nyang: nyheung byid: wa nghoid.

KOLOSE 3:13

Nanu" mo dayug yug da" atho' moo yooboo foin: jang: jo, nghoid rigi nyang: cang" nyang- kham, zeing: go" ziyo' nyang: cang" nyang: yooboo ri khyoid pyam' byid: go" nyid ge'- hau: Aseing: gi nanu" da" yooboo ri khyoid pyam' byid: bye: ziyo' dakhyoo" ti"- nanu" nyang: cang" we' yooboo ri khyoid pyam byid: goo" ca" nyid.

2 THESALONI 3:3

Nghoid loug we' Aseing: gi kyed' su: nghoid nyid yoomo nyang: gi nanu" ri nheigloem: yoem: fain, byid: lho: akhyeing" ashoeb, bang: gyi koid lo jang" mo zung" lhug byid: wa nghoid.

2 TIMOTHI 4:18

Hau" Aseing: gi akhyeing" ashoeb khyoo: dangain" jang" mo nya: moug: khoung: mungdain: moo ju" sho' goem, loem byid: wigi shu" loo" wa zi nghoid nyid. Nyang: moo apyaid' atoo: mo myonhoo: phung" yoeb, gi dabo, jo, nyid baja" o". Amen.

YAKU 2:13

Khasu" wim gari Mangsoo gi nheig ase' khyeig su: ri nheig akhyeig loo: za: dang: phyed' byid: loo wa zi nghoid. Nghoid loug we' nheig khyeig shoo" myen: khyoo: gi tahra" dang: phyed' khyo: tho' moo yoem: je bo.

Pang Shug 2:10

Nang shau" kham, zoo: wa da" sho" jhen: jamjau shid re" agyug nyid. yu satan gi nanu" mo dayham" bang: ri thung: moo lhoung to" lho: jham" ca: yu da" sho" jhen: shen" yhen zi shau" goo" wa nghoid loug we' nheigloem: geung: zug jo, we' houg: lang" ngoo nang ri oung: lo" da" kangso' bidmug byid: wa nghoid.

Pang Shug 3:10

Khasu" wim gari nang gi nga" da" dang: ri jhug zug cang nyid yoomo mougmyid gyab, goin" mo xang: su: byu yi ri jham" ca: yu" jam jau byid: lo da" bidnyid ayo, moo nang ri ngoo goem loem zung" lhug yu wa.