nya: akyu" mho' dang: ri tam" gyoo: byid: we' o". Mougkhung: mungdain: mo nang nyid joyoo mo nyang: ri tam" gyoo: byid: wigi koid wa shid re" nang ri mho' yoid lo da" ziri koid byid: we'. Houg: lang" mougmyid tho' mo byumyu" yi dangain" gi re" Israela byumyu" yi koid ziyo' dayhang: ti" nang ri se' lo wigi nang ri tam" gyo: loo goo" wa nghoid. Hau: thang: nyangnu" gi he: joyoo moo nang ri noku wa shid re" he: Noku Yhoem: Moo" ri ngoo koid too" bye: ziri si' go" wa zi nghoid.
LUKA 11:2 - Lacid Common Language Bible2 Yesu gi «Nanu" akyu" mho' da" uri hid: su" mho' ge'. phoo we"- re" da" gyeungshang: myeing khyang" ri phau" myang: nyid boem baja". Re" da" mungdain: ju" loo baja". အခန်းကိုကြည့်ပါ။ |
LUKA 11:2
45 ပူးပေါင်းရင်းမြစ်များ
Byumyu" yiri nyangnu" da" phung: moo nanu" ngi: yoem" nhang: pyam da" nga" gyeung" shang: gyi: sheung: da" myeing ri lho: shug lang" nyangnu" gi ngoo Aseing nghoid ziri se' loo goo" wa. Ngoo yoem: moo" bo Aseing tid too" bye:. Ngoo gyeung" shang: khyoo: ri byumyu" yiri ci: shug wa shid re" ngoo gi nanu" ri ci: yhung: wa.
Hau: khokham yi da" apyaid moo mougkhung: mo Mangsoo gi khanham we' athang agoin da" mungdain: daloem: ri jo, loo nhang: wa. Hau: ziri khanham we' ayo" oung: pyam goo" wa. Nghoid loug we' hau: ze wigi koem' gi hau: mungdain: dangain" ri bain sho' phyo' shoin' pyam lho: hau: thang: hau: zigi apyaid atoo: moo geing: teing jo wa.
Mougmyid tho' moo mungdain: dangain" da" yoem: so' yo' gyi: sheung: ziri gyi: sheung: myhang: thang Mangso da" byumyu" yiri byid: pyam wa. Nyangnu" da" khokham yoem: so' gi khanham we' thang byug wa anghoid. Houg: lho: mougmyid tho' mo vhoebkhang" bang: dangain" gi nyangnu" ri coem' dei byid: ziyo' tid dang: gyo: loo: goo" wa.
Mangso: jang" mo nanu" yo" kham yu da" young" gyeing" da" venyi nanu" ri join, doid loo" nhang: zi anghoid. Gyoug da" nheigloem: ri kaid' bye: zi we' anghoid. Young" gyeing" venyi gi ngoonu" ri Mangso: da nya: zoo: yi yo" bui" nhang: yoomo ngoonu" gi Mangsoo: ri - Phoo we" - nga" phoo we" ein: yo" yoid da" akhang" yo" yu boem bye.
Polu- Sila (Silas) Sivanu (Silvanus) he: da" myeing eig ja: gi Greek mying: mo nghoid wigi dakhyoo" ti" nghoid. Kha: ja: ci: nghoid loug we' ashoid da- Polu yo' Timothi mo wigi Phoo, Mangsoo yo' Aseing Yesu nghoid da" Thesaloni voogung mo phung: byu yi jhang khyoo: mougsoug" lhid" foin: kaid. Jeju" yo' ngeo pyo da" khyoo: gi nanu" moo dajo, jo, baja" o".
Hau: thang: ri nyhed, yug ein: da" moug: lagyoo: gi nya: laboo" ri doem moid kaid' lang" moug: khung: mo thui: zeing myeung thu lo zigi mougmyid' ri vhoeb, khang" da" amyeing" gi ngoonu" da"Aseing: we' Meshia da" lo, khoug: khyoo: vang loo" bye: wigi apyaid' atoo: moo vhoeb khang" nyid wam: bye: o"- ga: tid.
Aseing: we"- Nang ri agyug phau" zi hang" yo" nyid wa lha". Re" da" gyi: myhang: khyoo: ri tid fu" wa shid re" hang" voem" ngeug pyam wa lha" Nang za: date: gyeungshang: nyid yoomo byumyu" cang: joeb, bain' sho' mo, gi nang koid da" moozoo" dangain" deing byeung" jo, da" khyoo: ri byumyu" cang: joeb, bang: myang loo: yoomo Nang ri phau" myang: noku lo boem wa"- ga: wigi jikhoin" khoin" nyid boem ago".
Hau: thang: moo zhung: tang joem ri ngoo myang kaid- hau" zhung: tang tho' moo zhoung: jo, mo, gi dang: phyed wa da" amyeing" yem: so' yoo" mo, nghoid nyid boem. Hau" tho' mo gootu: Aseing Yesu da" sagsi: kham, yoomo we' Mangso mungdang: yoomo we' zain: said' zi shau" mo, yo' hau: da" akhyeung" da" goug: nyhoug ri we' nya: da" alhoo: ri we' abo no" mo, yo' nya: da" laxoem" nghab youg ri nyangnu" da" ngeilang: yo' lo, moo abo tab ci: mo, da" soo" byoo joem ri ngoo myang. Nyangnu" gi doem, dei lo boem wigi zain nyid dakhyeing" ju" sho' Khristu yo' dage" vhoeb khang" nyid boem wa zi nghoid.
ကြော်ငြာတွေ