LUKA 10:41 - Lacid Common Language Bible

⁴¹ Aseing: gi Matha we"- Matha we"- nang gi moozoo" myoo" sho' shid' re" myid myo: nyid ga: nyang ri tid.

LUKA 10:41 ပူးပေါင်းရင်းမြစ်များ

PHAJHI" DANG: 6:11

Nanu" je myang" sho' ngeig go" ri hau: zigi je akoem danghoid da:. Houg: lho: nang gi ci: aje gi.

MARKU 4:19

He: moug myid byu nyid yo, boin: shid re" myid myoo: ung: loug zi ngei sheing: jo, nu" amyung ashoo" yoo" jo, nau: ziyo' gootu: aja: ja: ri myo, no, vhoo" byed da" ze wigi hau: mungdang: ri foeb pyam lho: ashi" ayo" zei: loo nghoid ago".

LUKA 10:38

Yesu yo' nya: cangzoo: yi gi gyung: so" lo" uri voo davoo moonyang: yhe: lo. Hau: voo moo Matha ga: myeing su: myiyi: zoo: gi nya: yhoem: moo nyang ri being" lhoem: kham: yu.

LUKA 10:40

Matha gi being" did" moo" myo: nhoung nyid yoomo Yesu jhang lo" lho: Aseing: we" nga" no, gi being" did" zho" moo" ri ngoo dayug nyang: kyeing" ri noung" to" zi nang abo myang la". ngoori bo pang" zei: wa shid' re" nyang: ri tid kaid we' ga: lo" tid.

LUKA 12:22

Hau: thang: ri Aseing Yesu gi nya: cangzoo: yi ri tid zigi Houg: su" yoomo nanu" gi Ce: noem se' zoo: wa lha". ein: kangso' shid' re" seing" akho" nyid goo. Ce: noem sevoid wa lha". ein: wigi gung du: shid' re" seing" akhoo" goo" ga: tid.

LUKA 21:34

Nanu" gi zo: pyoo: shug pyoo: yed coid ziyo' nyid' lho: he: pyaid shid' re" za: myid myo nyid wigi-ge da" ayo, ri aze" thang wa shid' re" lhid zed" nyid ge'.

LUKA 8:14

Zu: kyen: byab moo gyoo" lo" da" myoug shi" gi Mungdang: ri shau" gyo: lho: myid myoo: ungloug da" khyoo:- yoo" zoo: yoo" shug da" khyoo:- gung shoo" nyam khyo: ze wigi nghoeb foeb pyam yoomo mo, da" ashi" ayo" zei:- mo, ri tid nau zi nghoid.

YOHAN 11:1

Bethani voo byu Lazaru ga: su: gi no nyid. Bethani voo gi Mari yo' nya: bi: Martha nyid da" voogung nghoid.

YOHAN 11:5

Nghoidloug Yesu gi Martha tang: Mari ri we' Lazaru ri we' jheddab nyid.

YOHAN 12:2

Nyangnu" gi houg: moo Yesu ri myen" xoin: damyoo: lhoem: nyheing zho" jang" moo- Martha gidei bo dei nyid. Yesu yo" dage" zoobue" moo zhung: nyid mo, moo Lazaru we' bo nyid.

PHILIPI 4:6

Ce" khyoo: moo we' myid' amyo: nyid goo" nanu" da" akyu" mho' dang: khoin" khang" moo" moo-khanham we' jeju" boin: so" nheigloem: yo' nanu" ca" vho: khyoo: dangain" Mangso jhang mho' nyid ge'.