LUKA 10:30 - Lacid Common Language Bible

³⁰ Hau: uri Yesu tid zigi shid' phyang" byu dayug gi Yerusalem voo mo Yerikho voo moo gyoo" lo" da" khyoo: moo khyangtoug: joem yo' shau" go. Hau: khyangtoug: joem gi hau: youg da" byi mi, lhoid khyoid yu lho: coem nhoug wigi alug lug shid: loo" lang" she: pyam too" khare" boem.

LUKA 10:30 ပူးပေါင်းရင်းမြစ်များ

COUNG" NGHEI 88:4

Kang: gyo" lo" nyid da" gootu: byu yi yhang: ti" ngoo moo: bue" nyid ziyo' nga" yoem so, dangain" we' thang loo" bye:.

YEREMIA 51:52

Houg: yoomo Babelon yu phara" soolhoo: joem: ri ngoo dang: phyed wa ayo, ju" re" nyid bye:. Houg lho: dam dab bang: gi mungdain: jang: sho' noo kyeing" kyeing" wa ein: ngoo tid bye:.

NGOUG JI: 2:12

Nyangnu" gi zooyoid gyid shed zoore nyangnu" da" nya: myhi' bi" ri: yoid ngau nyid boem. Nyangnu" gi dam dab, mo, yhang: ti" fu" moo" khyoo: moo: lu: leung yen" ago". Houg: yoomo nya: myhi' be" da" shid khoin khoug: moo: zo" re re shid: lo" ago".

EZEKIEL 30:24

Hau: thang: ngoo gi Babelon khokham da" lo, ri yoem: boo nhang: wigi nga" shamcoin" ri nya: lo, khyoo: ab byid: wa. Nghoid loug we' Egutu khokham da" lo, ri khyoug" pyam byid: wa. Houg: lho: nyang: gi nya: gyivoo yi shidkhoin" moo noo kyeing" kyeing" lho: shid: lo" byug wa.

LUKA 10:31

Khainjung agyi dayug gi gyung: so" lo" ri hau: nhoug lheing: too" su: ri khyoo: moolo" myang. Houg: loug we' nyang: jang" pyam khare".

LUKA 18:31

Yesu gi cangzoo: daxe: eig yug ri nya: nam moo khe: yu lho: tid zigi tam" gyoo: ge'. Ngoonu" gi Yerusalem shoid khyoo: gyung: so" lo" nyid boem. Byu nya: zoo: khyoo: yo" sen: wigi Lapi: lhid" too" khare" da" byu nya zo: deungmain" ziyo' khyoo: deingmain" ziyo' bue" loo wa.

LUKA 19:28

Houg: su" bain tid thang: ri Yesu gi Yerusalem voo khyoo: nyangnu" shid' moo yhe: lo.