LUKA 10:29 - Lacid Common Language Bible

²⁹ Hau: tarha" sara gi nya: deingman" khyoo: vhoo noug yoomo nga" yhoem: kyoo" cang" gi hang" nghoid lha"» ga: nyang: gi Yesu ri myed.

LUKA 10:29 ပူးပေါင်းရင်းမြစ်များ

YOBA 32:2

Nghoid loug we' ayam moo yab jo, da" Elihu ga: su: gi Yoba nya: gung ri deungmain" ga: myid lho: Mangsoo ri yooboo foin: yoomo nyang: nheig yoo nau ziri atho' zeing: loo nghoid da:. (Elihu gi Buza da" amyed ashen yi mo Brakela da" yuggi zoo: nghoid wigi Ram kung: moo bo bo da:.

XOIN" NGEI" 19:34

Nyangnu" ri nanu" gi Israela byu dayug yhang: ti" nyang: zoem" nyid ge'. Nyangnu" ri nanu" gung nanu" nyang: jheddab yhang: ti" jhed nyid ge'. Egutu mung" moo nanu" tungbau dalheing: bue" yu" bye: ziri myid boin: ge'. Ngoo gi nanu" Aseing Mangsoo nghoid.

MARKU 8:34

Hau: thang: ri Yesu gi cangzoo: yi yo' mung" byu yi ri nya: jhang khe: yu nyangnu" ri nga" thang: moo cang noug su: gi nyang nya: gungri he: pyam lho: nya: pyang" zeing tu: vu, wigi nga" thang: cang goo" baja" ga: nyang: nyangnu" ri tid..

LUKA 10:36

Houg: bang: soem" yug mo khyangtoug: shau" su: da" yhoem: kyoo" cang" gi kha: yug nghoid ein: nang jho: la"» ga: Yesu dang: thang: said'

LUKA 16:15

Yesu gi nanu" ri nyang: nya: da" gung du: ri byu gi yi nghoid ga: subi" ri myang nhang nau ago". Nghoidloug we' Mangsoo: gi nanu" da" nheigloem: ri se' nyid. Byu yi gye" vho: ngei jheddab nyid da" zigi Mangso da" shid' khoin" moo gi ce: phoug" adab da" zi anghoid.

Roma 10:3

Nyanu" gi - Mangso: da shid' khoin" moo deingbyeing" lo wa da akhyoo" ri asi yoomo hau: khyoo" moo acang loo za: nyang: nyang: myid soin: nyheing koid' to" da khyoo: ri cang lo" boem. Houg: yoomo nyanu" gi - Mangsoo: nyheing to" deingbyeing" khyoo: moo acang boem.

Roma 4:2

Nyang: gi nyang: koid' - ge da" leig yu jang: yoomo Mangsoo: da shid' khoin" moo deingbyeing" khyoo: dayo" yu nghoid rigi - nyang: moo myo nhoo: sho: lho: phau: khuang cang bo. Nghoidloug we' nyang: gi Mangsoo: sheud' khyoo: gi hougsu" myonhoo: sho: phau: khuang khyoo: akoid'.

GALATI 3:11

Jhoem: mougsoug" moo Mangsoo ri loem" jeing" yoomo nya: shid khoin" moo deing byeung" su:- nghoid ga- soin: byid: zi shau" su: za: shau" dei nyid wa,, ga: lhid" too" yoomo hau: toung: to" da" taha" ri cang pyeung ziyo' Mangso da" shid moo hang" we' yo" deing byeung" zi anghoid ein: da" khyoo: gi bang bang nyang nghoid nyid bye.

YAKU 2:24

Hougsu: nghoid yoomo byu gi loem" jeung" khyo" za: anghoid- moozoo" khyo" we' Mangsoo vho: da" khyoo: ri yo" kham: yu ziri nanu" se' bye.