LUKA 10:27 - Lacid Common Language Bible

²⁷ Hau: yug tid zigi Re" da" Aseing: Mangsoo ri Re" nheigloem: soo zoo: dangain"- Re" yoemso' dangain"- re" nyain: phajhi" dangain" yo' jheddab we'. Re" yhoem: kyoo" cang" ri nanya: gung yo' dakhyoo ti" jheddab we' ga: doem tid.

LUKA 10:27 ပူးပေါင်းရင်းမြစ်များ

XOIN" NGEI" 19:18

Hang" ri we' latoo: aphug goo". Anghoid lang" nyang: ri angheing" nyid goo". Re" yhoem: kyoo" cang" ri nanya: gung yhang: ti" jheddab nyid we'. Ngoo Aseing nghoid.

MATHE 19:19

Myhi, phoo ri phau" myang: ge' re" yhoem: kyoo" cang" ri nanya: gung yo' dakhyoo" ti" jheddab we'» ga: tid kyo.

LUKA 10:26

Yesu gi Jhoem: mungdang: moo khasu" ga: tid to" lha". nang ci: lhoung shau" nghab yu lha"» ga: nyang: ri doem phoug tid.

Roma 13:9

Khasu" wim ga: ri subi" myiyi: alhoid'. Byu asaid'. subi" da" zi akhoug" - myo, no: vhoo: aboo ga: da" Moshe tarha" yo" goo tu: da" tarha" dangain" gi re" yhoem: kyoo" cang ri nanya gung yo" dakhyoo" ti" jheddab we' - ga: da" tarha" moo jhung: shoem: nghoid bye.

GALATI 5:13

Nanu" koem gi mang nhung" yi we"- loid byoin, da" akhang" yoo" goo" baja" ga: khe: yu zi shau" boem bye- nghoid loug we' hau: loid byoin, da" akhang" ri goo koid lho: wigi gung sho" da" vhoo: boo: loug gyi: nheigloem: ri nheig shid: said' wa shid re" agoo, ashoo: goo"- hougsu" koid wa gung khoo:- nanu" gi jheddab ziyo' nyang: cang" nyang: pang" thoug go" nyid ge'.

TARHA" TID POIN" 10:12

«Akhid"- Israela byumyu" yi we"- nanu" Aseing Mangsoo nanu" mo ce: ja: mho' da: ein: ziri tam" gyoo: ge'. Aseing ri ngi: shab byid: lho: nyang: amyeing" byid: da" ja: dangain" ri koid nyid ge'. Nanu" emyed nheigloem: dangain" yo' Jheddab wigi dei byid: nyid ge'.

TARHA" TID POIN" 30:6

Nanu" Aseing Mangsoo gi nanu" yo' nanu" amyed ashen yiri se' tam" gyo: da" nheigloem: kaid byid: wa. Houg: lang" nanu" gi nanu" nheigloem: dangain" ziyo' nyang: ri jheddab lho: hau: mung" moo yo" xo' nyid loo wa.

TARHA" TID POIN" 6:4

Israela byumyu" yi we"- he: ziri boin: so" nyid ge'. Aseing za: nyha" Mangsoo nghoid.

TARHA" TID POIN" 6:5

Nanu" Aseing Mangsoo ri nanu" emyed nheigloem: dangain" yo' nanu" ung: khau: soozoo: dangain" yo' nanu" yoem: so' dangain" yo' jheddab nyid ge'.

HEBRE 8:10

Akhid" he: da" dang: soo" khoin" gi ju" loo wa da" bidnyid yi thang: moo Israela byumyu" yi yo' ngoo too" too" wa da" dang: soo" thang" cab, nghoid nyid. Nyang: nu" da" nheigloem: e" myed khoug: moo nga" da" tarha" kaid' byid: too" wa zi nghoid. Nyang: nu" da" Mangsoo gi ngoo koid wa nghoid wigi nyangnu" gi nga" da" byumyu" yi bue" lo boem wa nghoid.

YAKU 2:8

Nanu" gi nanya: yhoem: kyoo" cang" ri nanya: gung yo' dakhyoo" ti"- jheddab goo" ge' ga: bo da" dang: ri cang lo" rigi ge zi nghoid.

1YOHAN 3:18

Nga" zoo: yi we"- ngoonu" jheddab da" khyoo gi nhoid' yhoo: khoin" thui: yo' za: anghoid- moozoo" yo' yo" toin" shid da" jheddab nheigloem: nghoid ca.