LUKA 10:17 - Lacid Common Language Bible

¹⁷ Cangzoo: nyhed xe: eig youg bang: gi gye" gau yi ziyo' doem zheing: ju" lo boem lho: Aseing: we"- ngoonu" gi Aseing: da" myeing ri lang: lho: amyeung" byid: lang" yu joem lang" ngoonu" dang: ri tam" gyo: boem ago" ga: lo tid kyo" boem.

LUKA 10:17 ပူးပေါင်းရင်းမြစ်များ

MATHE 4:24

Houg: yoomo Yesu da" khyoo: ri Suri mung" goin"- lei: khyoug: su phoid nhami lhupyo' nhang: lo" boem wigi Gung du: angei apyoo: mo, noo phyoo" aja: ja: shau" mo, yo' yu dab deizoo: dab mo, ngho' baid baid mo, yo' khyid: joem: lo, joem: shid: mo, myoo" sho' nya: jhang shu" ju" re" boem ri dangain" ri lhoem: ze: ge lho: nhang: kaid bye.

MARKU 16:17

Loem jeung" mo, gi he: da alhoo: again joem ri yo" koid va, nga" myeung khyang" khyo" wigi yu joem ri khaid thu' pyam boem wa nghoid. Hau: lho: goo" ki" lid da" dang: joem ri tid loo goo" wa.

LUKA 10:1

Hau: thang: ri Aseing: gi cangzoo: nyhedxe: eig yug ri khyen: thu' yu lho: eig yug dazoem" zoem"- Aseing: nyang: yhi: wa da" voogung- khyi khang" moo" khyoo:- yhe: loo" lang" wa shid' re" nhang: kaid.

LUKA 10:20

Nghoidloug we' nanu" moo yu join: joem ri yo" khaid thu' pyam yoomo agoug yi goo. Mougkhung: mungdain: moo nanu" da" myeing lhid" too" bye: yoomo za: dagoug ge" ga: wigi tid.

LUKA 10:9

Hau: voo moo noo phyoo" shau" nyid mo, ri ze: gi byid: ge'. Hau: thang: ri nyangnu" jang" moo Mangso da" mungdain: ju wa zi jhang bye: da" khyoo: ri tid kyoo" ge'.

LUKA 9:1

Yesu gi cangzoo: yi daxe: eig yug bang: ri khe: zheung" yu lho: yu joem ri yo" khaid thu' pyam' wa da" yoem: so' yo' noo phyoo" joem ri yo" ge, loo" nhang: wa da" yoem: so' yo' amyeing" a: na: ri byid.

Roma 16:20

Myenjham" Aseing: Mangsoo: khamyhang amyang" ri Nanu" da" khavoo: khoug: moo satan: ri nang: zeug pyam' nhang: wa ngoonu" da" Aseing: Yesu da" jeju" ri Nanu" shau" kham zoo: baja" o".

Ephesu 5:24

Hau: phung: gi Khristu da" vhoeb da" khyoo: ri kham: yu nyid yhang: ti"- yhoem: seing: myhi' we' yhoem: seing: phoo yi vhoeb khang" da" khyoo: ri bain sho' kham: yu ca" nyid boem.