Nya: da" zooshid" yuggi zoo: Amram gi Arun yo' Moshe tang: nya: phoo nghoid da:. (Arun yo' nya: amyed ashen yigi gyeung" shang: jonu" joem ri apyaid atoo: moo zoem: ci: wa. Aseing ri noku jang" moo shoem: nam pyo: ja: nghe' ngei" wa. Nyang: ri dei byid: wa nya: myeing mo byumyu" yiri mainkaid byid: wa shid re" gootu: khyen: sain' to" zi shau" da:.
LUKA 1:9 - Lacid Common Language Bible9 Khainjung da" thung" yo' dakhyoo" ti"- Me" eung: loo yoomo No ku da" yhoem: moo" khoug: moo gyeungshang: da" yab moo vang lo" lho: nam pyo: da" shoem: lo" nghe, nham xoin" to" nyid. အခန်းကိုကြည့်ပါ။ |
LUKA 1:9
10 ပူးပေါင်းရင်းမြစ်များ
Arun yo' nya: amyed ashen yigi shoem: nam pyo: ja: xoin" yo' ngei" byid: xoin" joem ri phoin: tho' moo: nghe' ngei" byid: ago". Nyangnu" gi gyeung" shang: thang da" joyoo moo: dei byid: da" moo" dangain" yo' Israela byumyu" yi shid re" Mangso wigi yooboo khyoid byid: wa shid re" xoin" ngei" byid: da" moo" dangain" ri yoovoin yu bang: nghoid ago". Nyangnu" gi he: gu: dangain" ri Mangso dei zoo: Moshe wigi jhau" shed to" ziri cang wigi koid ago".
He: zigi Arun da" amyed ashen yi anghoid da" yug hang" nghoid loug we' Aseing shid re" nam pyo: ja nghe' ngei" wa phoin: khyoo: ari" wa ziri Israela byumyu" yiri tid poin" zi nghoid da:. Hougsu" anghoid lang" nyang: gi Kora yo' nya: byu yiri yo' dakhyoo" ti" said pyam loo wa. He: zi dangain" gi Aseing wigi Moshe khyo" Eleaza ri amyeing" byid: ziyo' dakhyoo" ti" koid zi nghoid.
Xoin" to' jang: mo moo" zoo" koid wa shid re" we' nam pyo: ja" xoin" ngei" wa shid re" we' xoin" ngei" byizuang ri void ci: wigi ngoo yo' tid sham: goo" wa shid re" we' Israela byumyu" dangain" jang" mo nga" da" khainjung yi bui" wa shid re" nya: ikoin deungkhu: ri ngoo khyen: yu bye:. Hau: lho: xoin" to' jang: mo xoin" ngei" jang" moo gamboem ri bo kham: zoo: wa shid re" ngoo nyangnu" ri akhang" byid: too" bye: zi nghoid.
ကြော်ငြာတွေ