LUKA 1:71 - Lacid Common Language Bible

⁷¹ Aseing: Mangso da" dei zoo:- David da" akung: mo, yoem: bo da" Aseing: ri thu' loo nhang: bye.

LUKA 1:71 ပူးပေါင်းရင်းမြစ်များ

2 KHOKHAM 17:39

Nanu" gi nanu" Aseing Mangsoo- ngoo ri tid dang: tam" gyoo: lho: nanu" da" gyivoo yi lo, mo ngoo nanu" ri khyoid yu wa» ga: amyeing" byid: to" da:.

COUNG" NGHEI 106:10

Nyang: gi nyangnu" ri ngheing" bang: da" lo, mo khyoid yu bye:. Nyangnu" da" gyivoo joem lo, khoug: mo nyangnu" ri khyoid yu bye:.

COUNG" NGHEI 106:47

Ngoonu" da" Aseing Mangsoo we"- ngoonu" ri khyoid yu we' byumyu" yi da" akhoug: mo ngoonu" ri doem shu" tau" loo we'. Hougsu" nghoid lang- re" da" gyeung" shang: myeing khyang" ri coung" nghei lho ngoonu" nang ri jeju" boin: nyid boem wa.

YEREMIA 23:6

Nyang: khokham bue" loo lang" Yuda byumyu" yigi goem loem zi shoug" goo" wa. Israela byumyu" yigi ngei pyoo: yug yoo tung" shoug" nyid loo goo" wa. Nyang: gi ‹Ngoonu" khyoid yu Aseing› ga: myheing byid: zi shau" boem goo" wa.

YEREMIA 32:37

Ngoo nheig yo: wigi nyangnu" ri ngoo nyhid: sain" to" da" mungdain: dangain" mo byu yiri ngoo zheing" yu wa. Nyangnu" ri ngoo he: joyoo khyoo: doem shu" tau" yu wigi hid moo: gau: gau: za: nyangnu" ri nyid nhang: wa.

EZEKIEL 28:26

Nyangnu" gi hau: joyoo moo goem loem tung" shoug" nyid goo" wa. Nyangnu" gi yhoem: joem koid lho: zabyid khyam: joem yo" koid zo: nyid boem goo" wa. Ngoo gi nyangnu" ri coem' juang" da" nyangnu" yhoem: kyoo" cang" mungdain: dangain" ziri yooboo dam byid: wa. Houg: lho: Israela gi goem loem nyid loo wa. Hau: thang: nyangnu" gi ngoo nyangnu" Mangsoo Aseing nghoid ziri se' loo goo" wa.

EZEKIEL 34:25

Ngoo gi nyangnu" da" goem loem khyoo: shid re" loem ge" da" dang: theing daloem: ri nyangnu" yo' koid too" wa. Ngoo gi hau: mougmyid mo gyoug ca" ja: gougnyhoug joem dangain" ri shoem" yu pyam wa. Houg: lang" nga" yang joem gi coung" yoo moo goem loem tung" yo" nyid wigi siyoo khoug: moo yo" yhoeb loo wa.

EZEKIEL 34:28

Yu soolhoo: no' bang: gi nyangnu" ri alhoid zoo: loo goo" wa. Houg: lho: gougnyhoug lam" joem gi nyangnu" ri angaid said zoo: loo goo" wa. Nyangnu" gi goem loem tung" yo" nyid wa. Nyangnu" ri hang" wigi we' akyug tain' loo goo" wa.

EZEKIEL 38:8

Zain nyid myoo" sho' lid: lo" thang: ri hau: byumyu" yi mungdain: myoo" sho' mo, shu" pyoung" yu lho: dage" nyid nyid da" joyoo- byumyu" yi gyipui" ri agyug ca" lo da" mungdain: daloem: ri yhe: jhen" vang seing: yu wa shid re" nyang: ri ngoo amyeing" byid: wa. Nyang: gi jham" coug: youg gye" myang" sho' she: pyam too" nghoid loug we' akhid" byu yi yug yoo tung" nyid boem da" Israela boem joem ri yhe: jhen" vang seing: yu loo wa.

LUKA 1:68

Israela da" Mangsoo ri coung" nghei nyid ge' Aseing: gi nya: Byumyu" jang" moo gyoo" lo lho: nyangnu" ri loid byoin nang bye.

TARHA" TID POIN" 33:29

Israela we"- nanu" gi khayhi' pyo: nyid la". Aseing wigi khyoid yu shau" da" nanu" yhang: ti" byumyu" anyid goo" nghoid da:. Aseing nyang: nyang: nanu" ri gyi khouggoo koid byid: wigi oung: doid nhang: wa shid re" nanu" da" goo yo' shamcoin" bui" byid: nyid da:. Nanu" gyivoo joem gi nheig khyeug yu wa shid re" nanu" jhang re" mho' yoid loo goo" wa. Houg: lho: nanu" gi nyangnu" ri yo" nang: pye" pyam wa zi nghoid.

1YOHAN 3:8

Yooboo ri za: daxo, nyhen" zei: loo" su: hang" nghoid loug we' yu satan yo' sen: su: nghoid nyid. Khasu" wim gari yu satan gi xang: shed" mo nyang: yooboo koid su: nghoid nyid. Houg: yoomo yu da" moozoo" ri phyo' shoin, pyam wa shid re" Mangso da" nya: zoo: gi po" thu' loo bye.