LUKA 1:32 - Lacid Common Language Bible

³² Hau: zooshang: gi gyi: sheung: loo wa Myhang: thang da" Mangso nya: zoo: ga: myheing shau" myheing wa. Aseing: Mangsoo gi Nya: phoo David da" khokham" khoo" nyang: ri byid: wa zi nghoid.

LUKA 1:32 ပူးပေါင်းရင်းမြစ်များ

2 SAMUELA 7:16

Re" akung: ako' joem khanham we' dajo, nyid wa. Re" mungdain: ri apyaid atoo: geing teing nyid nhang: wa. Re" da" myhang: thang zhungtang gi khanham we' thang loo" wa zi anghoid» ga: tid.

COUNG" NGHEI 132:11

nang gi David ri geung: teung dangsoo" khoin" byid: too" bye:- dangsoo khoin" ri: nang doem yoeb yu wa zi anghoid- hau: dangsoo" khoin" gi ngoo gi re" zoo: yi mo dayug ri khokham bui" nhang: lho: nyang: gi re" thang: moo: khoo" zhung: wa zi nghoid.

COUNG" NGHEI 132:12

Re" da" zoo: yigi nga" dangsoo" khoin" yo' ngoo nyangnu" ri byid: to" da" amyeing" dang: joem moo deingmain" nyid boem nghoid rigi nyangnu" da" zooshang: yi we'- ayo, bain sho' moo: re" khyoo: ri shoug" seung: nyid boem wa nghoid ga: tid to".

ESAIA 16:5

Houg: lang" David da" amyed ashen yi mo dayug gi khokham bue" re" lho: nyang: gi mung" byu yiri jhug zug ziyo' jheddab myid yo' vhoebkhang" loo wa. Nyang: gi jo ziri koid wa shid re" myab loo wa. Tarha" nyeung veung" ziri myang ri" wa.)

YEREMIA 17:25

Houg: lang" nyangnu" khokham yi' yo' khokham nu" yigi Yerusalem da" khoem" joem moo vang yhe: wigi David shau" yu da" yoem: so' yhang: ti" ziri nyang: shau" yu ago". Nyangnu" gi gyimyang: rheing" dang moo yo' myang: joem dang moo zhung: loo goo" wa. Houg: lho: Yerusalem gi khanham we' mung" byu yi byeung" jo, boem wa.

DANIELA 2:44

Hau: khokham yi da" apyaid moo mougkhung: mo Mangsoo gi khanham we' athang agoin da" mungdain: daloem: ri jo, loo nhang: wa. Hau: ziri khanham we' ayo" oung: pyam goo" wa. Nghoid loug we' hau: ze wigi koem' gi hau: mungdain: dangain" ri bain sho' phyo' shoin' pyam lho: hau: thang: hau: zigi apyaid atoo: moo geing: teing jo wa.

MATHE 1:1

He: da" khyoo: gi Abraham da" nya: zoo: yo' David da" nya: zoo: Yesu Khristu da" byuxeig shab Jhoem: mungdang: nghoid.

MATHE 12:42

Moug: thang: mo, Sheba: khokham" myhi, gi-Khokham" Sholumon da" Phajhi" dang: ri gyo: yu wa shed re" gye" ve: da" moug mo ju" lo. Houg: su" nghoid yoomo tarha" dang: khoo, da" bidnyid moo nyang: gi he: pyaid mo byu yi yo" to lo wigi nyangnu" ri yooboo foin: wa zi nghoid. Yu" ge' akhid" he: khyi moo Sholumon tho' je gyi: su: dayug ju" nyid bye:- ga: wigi tid.

MATHE 28:18

Aseing Yesu gi cangzoo: yi jang" moo tain re" lho: mougkhung: tho' yo' myidjang: dang moo jo, da" amyeing" a: na: dangain" gi ngoori byid: too" bye.

MATHE 3:11

Ngoo gi nheigloem: thid' goo" baja" ein: nanu" ri gyid moo baptisma ri byid: bye. Nghoidloug we' nga" thang: moo ju" ri" wa su: gi nga" tho' mo yoem: je boo su: nghoid wigi nya: da" khyid: baid' voin byid: wa zilang" ngoo amoin: yi. Hau: yug gi gyeungshang: Venyi: moo we' myi: moo we' nanu" ri baptisma byid: wa su: nghoid.

MARKU 14:61

Nghoid loug we-Yesu gi dakhoin" we' atu" loo sam" zoo: nyid Houg: lang" khainjung moo" gi-nyang: ri nang gi ngi lho, da" Mangso nya zoo Meshia nghoid la"» ga: doem myid.

MARKU 5:7

Houg: su" wigi nyang: thui: zeing yo' nyho: tid zigi myhang: thang da" Mangso: nya: zoo: Yesu we"- nang yo" ngoo cisen: go" lha". ngoori ashen" baja"- Mangsoo myeung lang: lho: ngoo mho' da:- ga: tid.

LUKA 1:15

Nyang: gi Mangso da" shid' khoin" moo gyi: sheung: su: nghoid wa. Nyang: gi zabyid yhid: yo' yed coid ja: yhid: ri shug wa su: anghoid.

LUKA 1:35

Mouglagyoo: gi «gyeungshang: Venyi: gi Re" tho' moo juri" wa. Myhang: thang da" Mangso yoem: vhoo" gi nang ri shoem" goem byid: wa. Houg: yoomo nang khu: loo wa yuggi zoo: ri myhang: thang da" Mangsoo nya: zoo: ga: myheing byid: boem wa.

LUKA 1:76

O"- Nga" zoo: we"- myhang: thang Mangso da" lapi: ga: myheing boem wa. Nang gi Mangso da" khyoo: ri jen" jen" soin to" lho: gam shid" shi: su: nghoid wigi

LUKA 3:16

Houg: yoomo Yohan gi Ngoo gi nanu" ri gyid moo Babtisma ri kham: byid. Nghoidloug nga" tho' je gyi: su: gi nga" thang: moo ju" ri" wa. Ngoo gi hau: Aseing: da" khyid: baid tei" lang" phid: byid: wa zi amoin: yi. Hau: Aseing: gi nanu" ri gyeungshang: Venyi: khyo" we' myi: moo we' nanu" ri babtisma byid: wa nghoid.

LUKA 6:35

Nanu" gi gyivoo yi ri jheddab ge' Jeju" koid: ge' daja: ja: khyalhang" doem yo" yu abe ein: amyid nyid loo:- jhid" byid: nghoo" byid: ge'. Houg: su" koid: nghoid rigi Nanu" gyi: thang da" jhungshug ri yo" yu wigi myhang: thang da" Mangso da" nya: zoo: yi nghoid boem wa. Hau: Aseing: gi jeju" ase' boin: mo, yo"- akhyeing" ashoeb mo, ri jeju" koid: nyid.

YOHAN 12:34

Byu yi gi Meshia khanham we' kangso' dadei nyid ga: Moshe tarha" moo tid to. Houg: su" nghoid ri Byu da" nya: zoo: gi khasu" wim wigi se' jen" lhang" too" wa lha?Hau: byu da" nya: zoo: gi kha: yug nghoid lha"» ga: myid: ago".

YOHAN 6:69

Hau: tho' mo gootu: Aseing: gi Phoo Mangso jang" mo gyoo" lo da" gyeungshang: Aseing: nyang: nghoid bye: da" khyoo: ri akhid" ngoonu" gi yu" myang loem" jeing boem bye: ga: phougtu.

ACTS 16:17

Nyang: gi Polu yo' ngoonu" da" thang: moo cang lho: hid: bang: gi myhang: thang da" Mangso dei zoo: yi nghoid ago" - nyangnu" gi ngoonu" khyoid yu da" khyoo: khasu" shau" wa da" khyoo: ri tidfu" yen" mo, nghoid da- ga: wigi nyho: tid nyid.

ACTS 2:30

Nyang: gi lapi: nghoid lho-Mangsoo gi nyang ri dang: soo" khoin" byid: to" ziri nyang: se' da. Mangsoo gi David khokham" yo' dakhyoo" ti" khokham" koid wa nya: da" akung: mo khokham" thu ri" nhang: wa ga- jham, tang: to.

ACTS 2:36

Houg: yoomo Nanu" wigi pyang" zeing tho' moo baid' jen" said pyam da" hau: Yesu gi Mangso wigi Aseing: yo' Meshia khyo" tang: too" bye: ziri Israela byumyu" goin" khyag za: se' yu looge' o"- ga: tid kyo" da.

ACTS 7:48

Nghoid loug we' myhang: thang da" Mangsoo gi byu yi da" lo, yo' koid to" da" yhoem: khoug: moo nyid wa zi anghoid. Hau: da" khyoo: ri lapi: phoo tid to" zigi moug: khung: moug: di gi nya: da" zhung: tang nghoid.

Roma 1:4

Mangsoo: gung khyoo" gi - Mangso: da" nya: zoo nghoid da" khyoo: ri thu bang shug wa shid' re" Mangsoo: gi agoin athang da" yoem: moo" khyo" - hau: Aseing ri shid: jang" mo doem dei to' loo nhang: bye.

Pang Shug 3:7

Philadephia phung da" moug: lagyoo: jhang khyoo: hid: su" ein: lhid" we'. He: da" dang: gi gyeungshang: ziyo' deingmain" su: jang" mo mungdang: nghoid. Nyang: gi David da" khoem" thoug" ci: su: nghoid. Houg: yoomo nyang: wigi khoem" ri phang too" lang" hang" we' ayo" myhid" loo- hau: lho: nyang: wigi khoem" ri myhed" too" lang" gi hang" we' ayo" phang lo: su:- jang" mo mungdang: nghoid.