KOLOSE 3:5 - Lacid Common Language Bible

⁵ Houg: yoomo nanu" da" akhoug: moo bo da" aved, avhu: moo"- myo, jang anyau, da" moo"- nyam, da" moozoo"- akhyeing" ashoeb, khyoo: yo' vhoo: boo loug gyi: da" khyoo: gi soolhoo: no" da" khyoo: daja: nghoid- hau: ziri said' pyam' boem ge'.

KOLOSE 3:5 ပူးပေါင်းရင်းမြစ်များ

THU' LO" MOUGSOUG" 37:22

Aboo" joem akung: joem yo' myikug tang ri sheing: daja: kyeing" yo' baid too" bye:.

MATHE 15:19

Ciwim gari Byu said zi su: myi: ri shoid zi:- myiyi: yuggi youg: shoo: go" zi Sube" zi khau" khyoo:- adeung amain" da" sagsi: bo kham: da" khyoo:- age da" lu wim gei sang: khyoo:- he: age da" khyoo: dangain" gi nheigloem: khoug: mo thu' lo zi nghoid.

Roma 1:26

Houg: su" nghoid yoomo - Mangsoo: gi xangsu: byu yi ri - aco' ajhoid' da: nyam yo: aved avhu: da" khyoo: moo cang loo" wa shid' re" - she: pyam' too" bye. Myiyi: yi we" tarha" khyoo: khyo" gi anyid looza: myiyi: nyang: cang" zoem" go" lo" boem.

Roma 1:29

Nyanu" gi aco' ajhoid' akhyeing" ashoeb' da" moo" aja: ja: anyoin: athoung" zi mougmyid zi yoo ri loug gyi: zi - nheigloem: akyang" byo, lo" khyoo: - byen cang" ri nozo: khyoo: - subi" kang: ri said' khyoo: - byo, go" khyoo: - mhoug fain" zo: khyoo: pyi: cang sho: khyoo: joem ri shoid' vhang: nyid boem. Nyanu" gi - luwim gei sang: se' ago".

Roma 6:13

Nanu" da gungdu akung: ako'' joem ri we' Khanham we' yooboo akoid' nhang: loogoo. Houg: yooboo koid wa tho' rigi nanu" gi shid: jang" mo doem dei loo mo agyeing" khyo" we' deingbyeing" moozoo" dagung goin" ci: yhung: nyid khyo" we' nyang: tu: nyang: gung ri Mangso: jang" moo xoin" to' pyam' ge'.

Roma 6:6

Hau: tho' moo gootu: ngoonu" da" byu xoug" nheigloem: ri Khristu yo" dage" pyang" zeing moo baid jen" said' pyam' nhang: bye: da" khyoo: - hidsu" baid jen" said' pyam' nhang: da" khyoo: gi yooboo da" yoem: so' da" byuxoug" nheigloem: ri phyo' koid pyam' khyo" wigi yooboo join pyaid mo lhoid' byoin loo" nhang: wa zi nghoid da" khyoo: ngoonu" se boem.

Roma 7:23

Nghoidloug we' nga" gungdu: khoug: moo hau vhoo ngei khyoo: yo" shai" lho: khaid zain: lu: khang nyid da nheigloem: gootu boo shi. Hauda" nheigloem: gi ngoo moo khaid zain: lu khang nyid lho: - ngoori yoobo tarha" khoug; khyoo: doem doin: jhoin" kaid.

Roma 7:5

Ngoonu" gi gungsho" nheigloem: ri cang lho: - Kangso' dei nyid boem uri Moshe da" tarha" yo" shu" u" she: zi Yo" dakhyoo" -yooboo koid' nau da" nheigloem: gi ngoonu" da" gungdu: ri - shid: wa jang" moo thang loo" nhang:

Roma 8:13

Gyeing" nyang: nanu" gi nyang: nya: gungshoo" vho: da" khyo" za cang lho: kangso' dei nyid rigi shid: lo" boem wa. Nghoidloug: we' nanu" gi nyang: nya: da" akhyeing" ashoeb' da" asam" aveid ri Venyi wigi bo pang" thoug khyo" bain' sho' she: pyam' boem nghoid rigi dei da" kangso' yo" boem wa.

1Korinthians 5:1

Akhid" nyid" Khristain byu yi anghoid tungbau byu yi lang" akoid yu" da- myiyi: yuggi aved, avhu: koid da" khyoo:- nanu" moo: bo nyid zi- subi" khyag nyang: tid fu" go" nyid ziri: ngoo shoug" gyo. Byu dayug gi nya: myhi' thang yo' shoid' go" nyid khyoo: ri ngoo shoug" gyo.

1Korinthians 6:11

Nanu" mo dayham" gi houg: yhang: te" da" moo" zei: lai loo mo, za: nghoid abye: go- nghoid loug we' nanu" gi yha" da" Aseing Yesu Khristu da" myeing khyang" yo' we'- yha" Mangso Venyi yo' we'- ced" khyoid ced" young" ziri: shau" wigi- Mangsoo ri ab pyam bye: mo,- Mangso shid khoin" moo: deing: byeung" bye: bang:- bue" lo boem bye.

1Korinthians 6:13

Zoo: noem gi voem: shid re"- voem: doug: gi zoo: noem shid re, ga: wigi: byu dayug yug tid wa nghoid- nghoid houg: gi deung nyid- nghoid loug we' Mangsoo gi hau: eig ja: goin" ziri: lhu: phyo' shoin pyam wa zi nghoid. Hau" gung deom: koem gi aved avhu: moozoo" shid re" anghoid loo: za: hau: Aseing ri coung" nghei wa shid re" nghoid- Mangsoo we' gung shoo" moo: ca" nyid khyoo: ri dabyid: nyid.

1Korinthians 6:18

Youg: shoo: go" da" moozoo" ri jang" pyam nyid ge'- byu wigi: zei: shoid da" yooboo dangain" gi nya: gung doem: ri shoid zi anghoid- nghoid loug we' soem" lid' sho: khyo" youg: da" yooboo yoo" su: gi nya: gung doem: ri nyang: shoid vhang: nyid su: nghoid.

2~KORINTHU 12:21

Nanu" jhang khyoo: ngoo doem ju" re" uri Mangsoo gi ngoori nanu" da" shid khoin" moo doin: khyo' pyam zi shau" wa zi we ci' nyid akhid" nyid ju" sho' ri we' nheigloem: athid loo: za_ aved asam' akyang" byo, lho: nyam ziyo' gaintho' zung mo, myoo" sho' nyid boem yoomo ngoongoug byid thu' wa ziri ci nyid.

GALATI 5:24

Khristu Yesu yo' sen: bang: koem gi nyang: tu: nya: gung sho" nheigloem: yo' aco' ajhoid khyoo: ri vhoo: boo myo, no, khyoo: yo' dage" pyang" zeing moo bo baid' jen" too" bye.

Ephesu 4:19

Nyang: nu" moo gi gyoug sho' ga: da" nheigloem: dangain" ci: phyoug pyam boem bye: yoomo nyangnu" gi aco' ajhoid da" khyoo: moo cang zoore"- aved avhu: anyhoin: athoung" da" moo" aja: ja: yo' noug moo noug koid wa shid re" nyang: nya: da" gung ri ab byid: too" bye: mo, nghoid.

KOLOSE 2:11

Nanu" gi hau: Aseing: yo' dadeing: daloem za: bue" lho: wigi kangso' dei da" uri athang: yham" khyoo: ri kham: yu bye: nghoid nyid hau: zigi byu yi da" lo, wigi koid zi anghoid loo za: he: yooboo dab, da" gung sho" yoem: so' mo lhoid pyoin, kaid' ein: da" Khristu wigi ze" bui" byid: da" athang: yham" khyoo: nghoid.

1THESALONI 4:3

Ngoo gi nanu" ri gyeungshang: mo, bue" loo nhang: nau, ziyo' nyam, da" moozoo" mo bain' sho' yo" loid loo" wa shid' re" vho: ngei nyid.

1THESALONI 4:5

Mangsoo ri ase' da" tungbau byumyu" yi yhang: ti"- nyam, mhain: da" nheigloem: age boo.

1 TIMOTHI 6:10

Khasu" wim ga: ri ngei myo, no, da" khyoo: gi akhyeing" ashoeb, khyoo: aja: ja: ri bue" thu' loo nhang: da" nei yang: nyang: nghoid bye. Byu dayham" bang: gi hau" ngei ri yoo" wa shid re" nheigloem: gye" zhu: vho: ngei nyid boem yoomo loem" jeung" khyoo: mo vhang: lo" boem ziyo' koug shu: khyoo: aja: ja: yo' nyangnu" da" nheigloem: ri gyau: moin" loo" nhang: nyid boem ago".

HEBRE 12:16

Aved age ziyo' Venyi laloem lakhoug: abo mo, voem: damyo: da" shid mo nya: mang: mo" aya: ri ung" zo: pyam da" Eso" yhang: ti"- nanu" hang" moo we' abui" baja" zed" nyid ge'.

HEBRE 13:4

Lo, xo' khyoo: rigi byu dangain" mo, phau" myang: coung" nghei byid: nyid boem yoomo yhoem: seing: phoo yhoem: seing: myhi' gi dayug yo' dayug- zed" lhed' nyid boem ca"- Mangsoo gi akyang" byo, yoin" lho: myi: lhoid' lang lhoid bang: ri Tarha" dang: phyed loo wa zi nghoid.

HEBRE 13:5

Nanu" da" kangso' gyung: khyoo: moo ngei ri myono, vhoo: bo jang" moo abo cang loo" loo: za: te: yo" gu: yo' nheig deug nyid gi bye- Khasu" wim gari Mangsoo gi " Ngoo nang ri khanham we' ato" pyam' ashe: pyam wa ga: tid nyid.

YAKU 4:1

Nanu" moo ciwim myeing" myo: nyid go nheig yo: byo, go" khyoo: gi khayo, thu' lo ein: jhoo: go" Nanu" da" gung shoo" myo, no, loug gyi: vhoo: bo-zain goo" said' go" nyid da" nheigloem: mo thug lo nyid zi anghoid goo" la".

1PETERU 2:11

Ngoo jheddab da" bidnoem yi we"- nanu" ri he: da" mougmyid moo gyung: so" nyid da" tungboug yi yo' phang: yen" mo, ri yhang: ti"- ngoo nanu" ri mho' kaid, nanu" gi khanham we' kangso' ri meing: zain: nyid da" gung shoo" vho: khyoo: moo nanu' da" gung du: ri meing: zain: nyid da" gung shoo" vho: khyoo: moo nanu" da" gung du: ri ab, pyam' ge'.

Pang Shug 21:8

Nghoid loug we' gyoug da" nheigloem: boo mo, aloem" ajeung" mo, anyhoin: athoung" bang:- aved, avhu: youg: shoo: goo: bang:- goem, phain" maintain: khyoug" bang:- soolhoo: ri noku mo, yo' no" zo mhau' fain" da" dang: ri tid mo, dangain" gi houg: bang: da" joyoo gi myi: yo' fang nge" nyid da" myimi: thoem" moo nghoid. Hau" zigieig lheing: ein: da" shid: lo" khyoo: nghoid- ga: tid nyid.

Pang Shug 22:15

Nghoid loug we' voogung da" nghe: shoid moo nyid mo, gi loem" jeung" khyoo: moo khyoo: vhang: vhang: mo, goem, phain" maintain: khyoug" mo, yo' aved, avhu: koid mo, byu said mo, soolhoo: ri noku mo, yo' ung: khoug: mo we' zei: da" moozoo" khyo" we' no" zo mhau' fain" voo mo, nghoid nyid boem ago".