KOLOSE 3:2 - Lacid Common Language Bible

² Moug: myid tho' moo jo, da" zi joem ri anghoid loo: za: moug: khung: tho' moo jo, da" ziyoo joem moo nheigloem: zug jo, ge'.

KOLOSE 3:2 ပူးပေါင်းရင်းမြစ်များ

1 KHOKHAM MHOOMYID: 22:19

Akhid" nanu" Aseing Mangsoo ri nanu" da" nheigloem: ung: khoug: yo' myid soozoo: dangain" yo' dei byid: nyid we'. Nanu" gi hau: akhoug: moo Aseing da" Dang: Theing Kuid: yo' nyang: ri noku uri ci: da" gyeung" shang: jonu" gootu: dangain" ri yo" too' wa shid re" Noku Yhoem: Moo" ri koid shid" loo" loo: ge» ga: tid.

1 KHOKHAM MHOOMYID: 29:3

He atho' mo gu: ri ngoo byid: too" bye:. Ngoo gi Mangso Noku Yhoem: Moo" ri jheddab da" gang mo ngoo nya: jonu" mo ngei yo' sheing: ri byid: bye:.

COUNG" NGHEI 62:10

Athoug" akhyoug: khyoo ri nanu" anghe: khau: nyid goo- lhoid zoo: lhoid shoug khyo" yo" yu da" zi ce: ja: ri we' nheug myid abyu nyid goo". Nanu" yo" loo de loo nghoid loug we' hau: ziri nheug anhei: nyid goo".

COUNG" NGHEI 91:14

Mangsoo gi ngoo ri jheddab bang: ri ngoo khyoid yu wa. Ngoo ri Aseing ga: yhen: yu bang: ri ngoo goem loem byid: wa zi nghoid.

DANG: ZHOEM 23:5

Re" da: ngei sheing: gi dung dab, lo wigi dang: phang: lo" da" zoin, bung: yo' dakhyoo" ti" myo, damyeug moo: za: thang byug se' nyid.

PHAJHI" DANG: 7:14

Re" shid re" ja: noem joeb gi gi za: nghoid lo nyid ri ngei bu we'. Houg: lho: yau: khi" ju" re" da" uri we' ngei bu: khyoo: yo' yau: khe" khyoo: eig ja: goin" ziri Mangso wigi nhang: kaid byid: zi nghoid ga: ziri we' thang: moo ci: xo' pui" wa ein: ziri nang khanham we ayo" si' ein: ziri myid boin: we'.

MATHE 16:23

Yesu gi lheing: yu" lho: Petru ri «satan: yu we"- nga" jang" mo thu' loo" we' nang gi nga" shid mo thoem: tho: leung joyoo danghoid. Khasu" wim gari-re" da" nheigloem: gi Mangso shoid khyoo abo myid yu"- byu vho: khyo" za: te: myid yu"» ga: tid.

MATHE 6:19

«Nhau: yo" zo: wi zo: shoin, lho: khoug" mo, yo" khau" baid' thoid yu lo" se' da:- myidjang: tho' moo nanu" da" ziyoo jonu" ri ayoung: too" goo.

LUKA 12:15

Hau: thang: ri vhoo: bo myo, no, da" khyoo: aja: ja: ri zed" pyam ge'. Byu da" kangso' gi ziyoo jonu" moo geing: zug jo, zi anghoid ga: tid.

LUKA 16:11

Houg: su" nghoid yoomo nanu" mougmyid soidgain khyoo: moo lang" deung main" khyoo: ajo, rigi deung main" da" soidgain khyoo: moo khasu" nanu" ri yo" loem wa lha".

PHILIPI 1:23

Ngoo gi khyoo; eig khaid da" agyoo: moo nghoid nyid wigi shoid' khang" moo" khyo" lang: lo" nyid ziri ngoo shau"- ngoo gi akhid" dei nyid da" kangso' khyoo: ri to" pyam kho' lho: Khristu yo' dage" kang: so' dei nyid noug bye- houg: gi nga" shid re" je" ge zi nghoid.

KOLOSE 3:1

Nanu" gi Khristu yo' dage" doem dei to'' loo bye: ziri shau" kham: yu boem, bye: yoomo Mangsoo, yo shoid mo nya: Khokham" zhung: tang moo zhoung: jo, da" Khristu nyid da" moug: khung: mo zi joem ri nheig danhei: nyid ge'.

KOLOSE 3:5

Houg: yoomo nanu" da" akhoug: moo bo da" aved, avhu: moo"- myo, jang anyau, da" moo"- nyam, da" moozoo"- akhyeing" ashoeb, khyoo: yo' vhoo: boo loug gyi: da" khyoo: gi soolhoo: no" da" khyoo: daja: nghoid- hau: ziri said' pyam' boem ge'.