KOLOSE 3:12 - Lacid Common Language Bible

¹² Nanu" gi Mangso byu yi nghoid boem bye: yoomo nyang: gi nanu" ri jheddab wigi nya: shid re" khyen: yu shau" bang: nghoid- houg: yoomo nanu" gi jhed' thang kang: athang- nheig khyeig shoo" myen: zi nheigloem: nyhoem: zi sam" dab, nu" nham, ziyo' nheigloem: gyi: sheung: ziri void. ci: ge'.

KOLOSE 3:12 ပူးပေါင်းရင်းမြစ်များ

ESAIA 42:1

Aseing gi «He: zigi nga" dei zoo: nghoid- ngoo yoem: byid: too" su: Ngoo khyen: too" su:- ngoo vho: ngei su: nghoid da:. Ngoo gi: nyang: ri nga" Venyi: yo' pyeing too" byid: bye:. Houg: lho: nyang: gi byumyu" khang" moo" ri tarha" deingbyeing" ziri ci: ri" byid: wa.

ESAIA 45:4

Ngoo wigi khyen: sain' to" da" byumyu" nga" dei zoo: Israela ri pang" thoug byid: wa shid re" ngoo nang ri sain' to" zi nghoid. Nang ngoo ri asi' nghoid loug we' ngoo gi nang ri gyi" sho' ngi: shab byid: bye:.

ESAIA 63:15

Aseing we"- re" gyeung" shang: ziyo' phung" yoeb moo nang nyid nyid da" joyoo mougkhung: mo wigi ngoonu" ri yu" byid: la. Ngoonu" shid re" re" da" gyi: sheung: myid gi khayoo: nghoid la". Re" yoem: so' gi khayoo: nghoid la". Re" da" jheddab myid yo' nheig khyeug myid gi khayoo: nghoid la". Ngoonu" ri cishu: anhang: akoid.

ESAIA 65:9

Yuda akung: ako'' moo bo da" Israela byumyu" yiri ngoo mainkaid byid: wa. Nyangnu" da" amyed ashen' yigi nga" boem joem ri seing: loo goo" wa. Ngoo ri dei byid: bang: ngoo khyen: yu to" da" byu yigi houg: moo nyid loo wa.

YEREMIA 31:20

Israela we"- nang gi nga" da" jheddab thang da" yuggi zoo: Nga" jheddab thang da" zooshang: nghoid da:. Re" myeing ri ngoo tid khang" moo" jheddab myid yo' ngoo nang ri myid da:. Nga" nheigloem: nang yo' dage" nghoid wigi nang ri ngoo nheig khyeug byid: wa.

YEREMIA 31:3

Ve: da" joyoo mo ngoo nyangnu" ri yhe: nyid shug bye:. Israela byumyu" yi we"- Ngoo nanu" ri khanham we' jheddab nyid. Houg: lho: xo' lho: nga" abyo, abei: da" jheddab myid nanu" ri ci: shug byid: wa.

EZEKIEL 16:8

«Ngoo doem so" lid: lo" uri nang gi se' jheddab da" ayo, ju" bye: ziri shau" myang. Ngoo gi re" gung cen: doem: ri nga" byisheing: yo' foid to" lho: nang ri jheddab wa dangsoo" byid: bye:. Nghoid- Ngoo gi nang yo' lo, xo' wa dang: theing to" lho: nang gi nga" byu bue" lo da». He: zigi yoem: moo" bo Aseing tid zi nghoid.

MATHE 24:22

Nghoidloug we' Mangsoo: gi hau: ayo, bidnyid ri ashoung" kaid nghoid rigi xangsu: byu yi hang" kangso' we yo" loid wa zi anghoid. Nghoidloug we' Mangsoo gi nyang: khyen: yu too" mo, shid re" hau: ayo, bidnyid ri shoung" kaid byid: wa nghoid.

MATHE 24:24

Khasu" wim gari mhau' da" Meshia yo" mhau' da" Lapi: po" thu' lo lho: ge bue" rigi Mangsoo khyen: yu too" bye: mo, ri lang" khyoo yo" shu" vhang: sho'- alhoo: again mau" pho" moozoo" zeing yo"- zei: shug lo boem wa zi nghoid.

MATHE 24:31

Byu da" nya: zoo: gi laboo" zeing myeing: lo da" uri nya: da" moug: lagyoo: joem ri mougmyid myonhoo: myid: shoid khyoo nhang: kaid wigi Mougmyid dashoid mo zi dashoid khyoo thang sho' moo nyid da" Aseing khyen: too" mo, ri nyangnu" zeung: foem: nyid wa.

MARKU 13:20

Houg: yoomo ayo' bidnyid yi ri Aseung wigi ashoung" pyam byid: nghoid rigi hang" we' yo" dei nyid wa zi anghoid. Nghoid loug we' nyang: khen: yu too" mo, shid mo hau: bidnyid joem ri nyang shoung" pyam byid: wa.

MARKU 13:22

Mhau da" Meshia joem yo' mhau' da" lapi: apyeug joem thu lo boem wa nghoid. ge bue" nghoid rigi-nyangnu" gi Mangsoo khyen: yu too" bye: mo, ri lang" yo" shu" vhang: loo" sho' ga: alhoo: again aja: ja: yo' mau" pho" moozoo" aja: ja: toin" shid' loo goo" wa.

MARKU 13:27

Byu nya: zoo: gi mau: lagyoo: joem we' moug: thang myid thang mougmyid myid khyoug: goin" khyo" nhang: kaid wigi nyang: khyen: yu too" bye: mo, ri cang zheung" yu re" boem wa.

LUKA 1:78

Ngoonu" da" Mangsoo: gi nheig khyeig shoo" myen: da" nheigloem: yo" byeung" joeb su: nghoid. Aseing: khyoid khyu: yu da" jeju" ri Mougkhung: tho' mo wigi Bid moo" khyab yhangti" ngoonu" tho' moo doug bang gyoo" loo bye.

LUKA 18:7

Khyen: yu shau" nya: byu yi da" nyid" myen" bo pang" wa shid' re" yoid mho' ngau nyid boem nghoid rigi Mangsoo gi dang: akho: byid: loo: nyid wa la". nyang: gi houg: bang: ri pang" thoug byid: wa shid' re" nhe" nyid wa la".

Roma 1:7

Mangsoo: gi jheddab yoomo nya: byu yi bue" loo wa shid' re" khyen yu to" da" - Roma mo phung: byu dangain" mo jhang khyoo: he: mougsoug" ri lhid" foin: kaid'. Ngoonu" da" nya phoo Mangsoo: yo" - Aseing Yesu Khristu jang" mo je" ju" yo' myenjham" khyoo: ri - nanu" yo" yu boem baja" o".

Roma 13:14

Hau: tho' moo Aseing Yesu Khristu ri gyi byi: gyimi su" void ci: ge'. Gung shoo" vho: da" nheig shid: said' nau khyoo: moo cang wa asoin' anyheing nyid goo.

Roma 9:11

Houg: yoomo nya: eig yug akhu: loo shi" da" uri - ge da moo" - akhyeing" ashoeb' da moo" ci: akoid' shi" re nyang: -Mangsoo: gi Rebedkha: ri - re" zoo mang: moo" gi nya: nhung" ri shau" zei: zhoo" wa - ga: tid too" bye. Mangsoo: hid: su" ga: tid to" khyoo: gi - Aseing nyang myid to" zi yo" dakhyoo" ti" Mangmoo" ri akhyen: yu looza: nya: nhung" ri khyen: yu da" khyoo: toin" shid' wa shid' re" nghoid.

1Korinthians 13:4

jheddab, da" nheigloem: gi nheigloem: sheung: nyid- nheig khyeug nyid- no" zo, zi aboo- phau: khuang nghoid boin- khyoo: aboo.

2~KORINTHU 6:6

nheigloem: young" khyoo:- yeug se' koung khyoo:- kham: zeung: khyoo: yo' nheung khyeug shoo" myen: khyoo: khyo" we' gyeungshang: da" Venyi da jeju" khyoo: khyo" -afain" da" jheddab myid khyo" we'

GALATI 5:6

Khasu" wim gari ngoonu" gi Khristu Yesu moo nyid nyid beom nghoid rigi athang: yham" ziri kham, akham' ein: zigi ce: ayhoug: gyen:- yhoug: gyen: da" khyoo: gi jheddab myid ri ci: lho: loem" jeung moo" zei: khyoo: nghoid.

Ephesu 1:4

Nyhang" nu" gi nya: da" shid khoin" moo gyeungshang: lho: yooboo adab loo: baja" ga: ngoonu" gi Khristu yo' dadeing: daloem: za: bue" lo khyo" wigi moug: phain" myid aphain" shi" mo lang" Mangsoo gi ngoonu" ri khyen: yu too" bye- nyang: gi nya: da" jheddab nheigloem: khyo" wigi Mangsoo gi Yesu Khristu khyo" wigi ngoonu" ri nya: zooyi ga: yhen: yu wa shid mo myid phyed too" bye.

Ephesu 4:2

Khanham we' khyo' nyhoem: lho: wigi nu" nham, ziyo' kham, zeung: nyid ge'- nanu" nyang: cang" zeung: kham, go" lho: jheddab emyid ri toin" shid go" nyid ge'.

Ephesu 4:24

Nanu" gi Mangso da" ved, du gung du: yo' phain" to" lho: deing byeung" ziyo' gyeungshang: da" kangso' ein: da" kangso' dei khyoo: aseig moo soo" ge'.

Ephesu 4:32

Hougsu" koid wa da" gung khoo: gi nanu" nyang: cang" nyang: nheig khyeig go" khyoo: nheigloem: nu" nham, ziri toin" shid go" nyid wigi Mangsoo gi Khristu khyo" wigi nanu" da" yooboo ri khyoid pyam byid: bye: ziyo' dakhyoo" ti"- nanu" we' nyang: cang" nya: da" yooboo ri khyoid pyam' byid: go" nyid ge'.

PHILIPI 1:8

Ngoo gi Khristu Yesu nyang: myid moo bo da" ashoem: apyang: da" myid yo' nanu" ri myid boin: nheug nge nyid ein: ngoo tid nyid da" dang: deung nyid da" khyoo: gi Mangsoo gi nga" sagsi: nghoid.

KOLOSE 3:10

Phain" so: to" da" Aseing: Mangsoo gi hau: byu seig ri Mangsoo nya: da" alhoo: aved' yo' je" je du goo" sho' khanham we' daso koid daso' nyheung nyid houg: su" so' koid so' nyheung: khyoo: gi nanu" gi hau: Aseing: ri joeb, byeung" sho' se' loo wa shid mo nghoid.

1THESALONI 5:15

Hang" ri nghoid loug-shoid' su: ri shoid khyo" latoo: aphug goo" goo"- nanu" nyang: cang" moo we' byu dangain" bang: shid' re" we' ge da" moo" zei: wa jang" moo nanu" da" nheigloem: moo khanham we' soin' jen" too" ge'.

2 TIMOTHI 1:9

Mangsoo gi nyhang" koid bye: ge, da" moozoo" aja: ja: yoomo anghoid loo: za: nyang: myid nyeung soin' to" khyoo: yo' jeju" khyo" ngoonu" ri khyoid yu lho: nya: da" byumyu" bue" loo wa shid re" khe: yu to" zi nghoid bye. Nyang: gi moug: aphain" myid' aphain" shi" mo nyang:- Khristu Yesu khyo" wigi hau: jeju" ngoonu" ri byid: too" bye.

2 TIMOTHI 2:10

Hougsu" nghoid nyid yoomo ngoo gi Mangso khyen: yu shau" nyid da" byu yi shid re" kyi" khyeug yau: khe" zi: kham' zo: nyid hougsu" kham, zo: nyid da" khyoo: gi nyang: nu" we' Khristu Yesu da" khoug: moo khyoid yu da" jeju" yo' hau: apyaid' atoo: mo da" myonhoo: phung yoeb, ri shau" kham: yu wa da" khyoo: nghoid.

TITU 1:1

Mangso join yo, Yesu Khristu da" lagyoo: ngoo Polu gi mougsoug" lhid" kaid. Mangsoo gi nyang: khyen: yu byu yi da" loem" jeung" khyoo: ri pang" thoug byid: wa shid re" we' Yha" da" loem khau: khyoo: moo jhoug" byid: da" deingmain" khyoo: ri shau" se myang sho' khyoo: toin" shid wa shid re" we' ngoori khyen: yu lho: nhang: kaid bye.

1PETERU 1:2

Phoo, Mangsoo gi nyang: myid to" ziyo' dakhyoo" ti"- Yesu Khristu ri tam" gyoo: wa ziyo' nya: suid" yo' ced" yung" ced" lhoo' wa shid re" phoo Mangsoo gi nyang: soin' nyheung ziyo' dakhyoo" ti"- nanu" ri khyen: yu bye: ziyo' nya: da" Venyi gi nanu" ri gyeungshang: da" byu yi bue" loo nhang: bye jeju" yo' myen, jham" khyoo: gi nanu" moo myo: tham: loo baja" o".

2PETRU 1:10

Hougsu" nghoid yoomo nga" mang: nhung" yi we' nanu" ri Mangso wigi khe: yu ziyo' khyen: yu bye: ein: da" khyoo: ri khanham we' shau" myed kham, zo: nyid wa shid re" je" ri yoem: kaid nyid ge'. hougsu" koid nyid boem nghoid rigi nanu" da" loem jeung" khyoo: ri khanham we she: pyam' boem wa zi anghoid.

2 Yohan 1:13

Mangso wigi khyen: yu shau" da" nang jheddab myhi, be: da" zooshang: yi gi nang ri vhu" kaid' boem ago".

Pang Shug 17:14

Houg: bang: gi hau: yang nu" yo' meing: zain: goo" wa zi nghoid loug we' hau: yang nu" ginyang: khe: yu too" mo, khyen: yu too" mo, yo' nheigloem: zung" lho: nya: thang: cang mo yo' dage" houg: bang: ri oung: pyam wa zi nghoid. Khasu" wim gari nyang: gi Aseing: yi tho' mo Aseing: - Khokham" yi tho' mo khokham" nyang: nghoid nyid.