KOLOSE 3:11 - Lacid Common Language Bible

¹¹ He: khyoo: yoomo Yuda byumyu" yi yo' Heleni byumyu" yi gi athang: yham" kham' su: yo' akham' su: siyoo soogam: byu yi-byu kyang: byu lam" joem- join, yi yo' loid byoin, byu yi ga- nyangnu" da" akhoug: moo kho' go" koin, nyid wa khyoo: ajo, loo- Khristu gi nanu" dangain" bang: tho' moo-je" yhoug: gyen: su: nghoid wigi nanu" dangain" bang: yo' dage" nyid nyid.

KOLOSE 3:11 ပူးပေါင်းရင်းမြစ်များ

COUNG" NGHEI 117:2

Ngoonu" shid re" nyang: da" jheddab nheigloem: gi gyi: jo, ziyo' nya: da" nheigloem: zoung" khyoo: gi byu ngoug xiyam: moo: dageung: jo. Aseing ri coung" byid: nyid we'.

ESAIA 49:6

Aseing gi ngoo ri «Nga" dei zoo: we"- re" shid re" je gyi: da moo" nga" jang" moo jo,. Nyid deing nyid da" Israela byumyu" yi gyi: sheung: wa shid re" nang ri nyhid: too" wa zi za: anghoid. Mougmyid dangain" khyoid yu zi shoug" wa shid re" ngoo gi nang ri byumyu" yi da" bidbang ri we' bui" nhang: wa» ga: tid da:.

ESAIA 52:10

Aseing gi nya: gyeung" shang: yoem: so' ri ci: wa. Nyang: gi nya: byu yiri khyoid yu wigi Mougmyid byu xangsu: dangain" gi hau: ziri myang boem wa.

YEREMIA 16:19

Aseing we"- nang gi ngoo ri goem loem byid: su: yoem vhoo" byid: su: nghoid. Nang gi ngoo ri yau: khi" shau" da" ayo, gu: moo pang" thoug byid: da:. Byumyu" yigi moug: thang: myid thang: mo zi re" jhang re" wigi hid su" ga: tid loo goo" wa. «Ngoonu" da" phoug" phyid" yigi yu phara" mo jain" wigi ci we' ajo, ce: akyu" abo da" soolhoo: joem mo lid: wigi ci we' ayoo" nghoid ago".

EZEKIEL 47:22

Hau: zigi nanu" da" apyaid atoo: mo agyid asoo: mougmyid nghoid da:. Hau: ziri nanu" kho' gam go" uri nanu" da" phung: gung moo nyid wigi hid moo: zooshang: khu: da" tungbau byu yi we' nyangnu" da" gamboem yo" yu ca" da:. Nyangnu" we' Israela mung" byu seing: yhang: ti" nyang: zoem" khoug: ca" wigi nyangnu" gi Israela byumyu" kung: yi yo' dage" mougmyid kho' gam wa shid re" me" bo yo" lab ca" da:.

HOSEA 2:23

Ngoo gi nga" byumyu" yiri hau: moug: moo de: nyhed: to" lho: nyangnu" ri nyid di nhang: wa. Ajheddab yug ein: myheig pyam bye: bang:- nga" byumyu" anghoid ein: myheing pyam bye: bang: ri ngo wigi jheddab myid ci: shug byid: wa. Ngoo gi «Nanu" nga" byumyu" yi nghoid» ein: tid wa Houg: lho: nyangnu" gi «Nang gi ngoonu" da" Mangsoo nghoid da» ga: tu" loo goo" wa.

AMO 9:12

Houg: yoomo Israela byumyu" yi Edom moo deung nyid mo, yo' shid phyang" ngoo seung: yu" bye: da" mungdain: joem ri yo" oung: pyam wa nghoid» ga: hidsu" bue" loo nhang: wa ziri Aseing tid nyid.

MIKHA 4:2

Nyangnu" da" byu yigi «Israela da" Noku Yhoem: Moo" jo, da" Aseing bouggung khyoo: nyhang" do, yhi: shang. Nyang: gi nyhang" ri koid nhang: nau da" khyoo: joem ri jhau" byid: lho: nyhang" gi nyang: khyen: byid: to" da" khyoo: moo: so" yhe: lo" boem wa zi nghoid. Khasu" wim gari Aseing da" jhau" mho' da" khyoo: gi Yerusalem mo ju" re" wigi nyang: gi nya: da" byumyu" yiri Ziun boem mo tid kaid» ga: tid go" nyid wa.

ZEKHARIA 2:11

Hau: da" bidnyid ri byumyu" myoo" sho' bang: gi Aseing ri loem khoug: lo boem wigi nya: mung" byu yi bue" lo boem wa nghoid lho: ngoo gi nanu" akhoug: moo nyid wa nghoid. Nyang: yoem: moo" bo Aseing gi ngoo ri nanu" jhang khyoo: nhang: kaid su: nghoid ziri nanu" se' lo boem wa nghoid.

MALAKHI 1:11

Bid thu shoid mo zi bidvang shoid khyoo: ju" loo" sho' moo nyid da" nga" mung" byu ja: khang" moo" gi ngoo ri phoug" tab ngi: shab byid: lo boem wa joyoo khyi' khang" moo" moo nyangnu" gi ngoo ri nam pyo: da" shoem: nghe' ngei" byid: boem wigi nyangnu" xoin" joem dangain" ngoo ri phoug" tab ngi: shab byid: lo boem wa zi nghoid.

YOHAN 14:23

Yesu doem tid da" zigi Ngoori jhed' dab, su: gi nga" da" moo" myeing" ung: voin su: nghoid. Houg: yoomo nga" Phoo gi nyang: ri jheddab wa. Nga" phoo yo" ngoo we' nya: jang" moo yhe: lho: nyang: yo" dage" nyid wa zi nghoid.

YOHAN 15:5

Ngoo gi zabyidd" nei yang: nghoid. Nanu" gi akung: ako'' joem nghoid. Ngoo moo xo' wigi ngoo we nanu" yo' xo' to" ri gi na nu" ashi" myo" sho' yo" zei: loo wa khasu" wim gari ngoo yo' gang go" loo" lang" nanu" ci" we' ayo" koid loo.

YOHAN 17:23

Nyangnu" gi joeb byeung" khyo" daloem: za: bui" baja"- ngoo gi nyangnu" moo nyid nyid wigi nang gi ngoo moo nyid nyid. Houg: yoo mo nang ngoori nhang: kaid ziyo' - ngoori jheddab ziyo' dakhyoo" ti" nyangnu" ri jheddab khyoo: mougmyid byu yi se lo boem wa zi nghoid.

ACTS 15:17

Houg: lang" deung nyid da" byu xang: su: dangain" mo, gi Nga" byumyu" yi bue" loo wa shid re" ngoo khe: yu bye. Tungbau byumyu" yi dangain" bang: gi nga" jang" moo ju" ri" goo" wa zi nghoid.

ACTS 28:2

Hau: gugyoo: kang: moug: mo da" byu yi gi ngoonu" ri nheig gye" lhoem: yu" khyeug boem- moug: vo lho: ngam" nyid yoomo nyangnu" gi myi: moid: wigi ngoonu" dangain" mo, ri being" lhoem: tau, yu boem ago".

ACTS 28:4

Hougsu" Polu da" lo, moo lhang: myu, xei" lhang" to" ziri hau: moug: mo byu yi zheung: myang lang" byu he: yug gi byu said' su: nghoid nyang: nghoid bye- panglai gyid gyi mo loid loo nghoid loug we' - deingmain" da" tarha" gi nyang: ri dei nyid wa da" akhang" abyid: loo: nhung- ga: nyang: cang" nyang: tid go" nyid boem.

Roma 1:14

Byumi" yi byukyang: yi pha jhi" si mo asi' mo - dangain" da shid' re" ngoo moo yoovoin boo yoomo

Roma 10:12

Phoo Mangsoo: gi byu xangsu: yi dangain" bang: da" kangso' Aseing: nghoid lho: - nyang: gi akyu" mho' mo dangain" ri joeb byeung" da mainkaid jeju" byid. Houg: yoomo Yuda byumyu" yo" - tungbau byumyu" - ga: suid" aphyed'.

Roma 3:22

Mangso: da" shid' khoin" moo byu xang: su yi gi Khristu Yesu ri loem jeung" khyo" za: deingbyeing" khyoo: yo" lo. Byu gi Mangso: shid' khoin" moo Khristu ri loem jeing" mo, dangain" gi dayhang: ti" nghoid.

Roma 3:29

Mangsoo: gi Yuda byumyu" yi da" Mangsoo: za danghoid la". Tungbau byumyu" yi da" Mangsoo: gi abo nghoid la". Tungbau byumyu" Mangsoo: gyeing" gyeing" nghoid.

1Korinthians 12:13

Houg: yo' dakhyoo" ti"- nyhang" dangain" mo, gi Yuda yi nghoid loug- Yuda byumyu" yi anghoid loug we'- join' yi nghoid loug join' anghoid mo, nghoid loug we'- Venyi: dayug mo za: Babtisma ri zheung: kham' yu lho: dagung dashoo" za: bue" lo boem bye: ziyo'- dangain" bang: da" nheigloem: ung: khoug: moo: hau: Venyi dayug riza: coem, kham: yu boem bye.

1Korinthians 14:11

Nghoid loug we'- ngoo ase' gyo: da" byumyu" myeing" kaid da" zigi- nga" shid re' tung boug nghoid wigi- ngoo we' hau: youg shid mo tung: boug za: bue" nyid wa nghoid.

1Korinthians 7:19

Byu dayug athang: yham" ci: ayham" ci: ein: zigi: ce" akhyag anghoid. Mangso amyeing" tarha" ri cang yhe: loo" wa ziza: akhyag: da nghoid.

GALATI 2:20

Houg: yoomo ngoo nya: gung nyang: dei nyid lo: zi anghoid- Khristu gi ngoo moo kangso dei nyid akhid" ngoo hid: dei nyid da" kangso gi ngoori jheddab yoomo nga" shid re" nya: kangso xoin" to' pyam da" Mangso nya: zoo: ri loem" jeung" da" khoug: moo dei nyid da"Kangso danghoid.

GALATI 5:6

Khasu" wim gari ngoonu" gi Khristu Yesu moo nyid nyid beom nghoid rigi athang: yham" ziri kham, akham' ein: zigi ce: ayhoug: gyen:- yhoug: gyen: da" khyoo: gi jheddab myid ri ci: lho: loem" jeung moo" zei: khyoo: nghoid.

Ephesu 1:23

Hau: da" phung: gi Khristu da" gung doem: nghoid wigi joyoo khang" moo" mo dangain" rigi nya: gung du: nyang: joeb byeung" nhang: da" joeb byeung" khyoo: nghoid.

Ephesu 2:14

Khasu" wim gari Khristu nyang:- Yuda byumyu" yi yo' tung bau byumyu" yi ri damyu" za: bue" loo nhang: wigi ngoonu" ri ngei pyo: myenjham" khyoo: byid: bye nyang: gi nya: da" gung yo' nyang:- nyangnu" ri byumyu" kho' to" wigi nyang: gi nya: da" gung yo' nyang:- nyangnu" ri byumyu" kho' to" wigi nyang: cang" nya: gyi bui" nhang: go" da" kyo lhung ri phyo' shoin pyam byid: bye.

Ephesu 2:15

Nyang: gi nyang: yo' dagung dashoo' za: bue" lo khyo" wigi byu eig myu" ziri byumyu" aseig damyu" za: bue" loo nhang: lho: ngei pyo: myenjham" da" khyoo: byid: wa shid re" nyang: gi Yuda tarha" da" amyeing" dang: yo' tarha" joem ri phyo' shoin pyam bye.

Ephesu 3:17

Hau: lho: loem" jeung" khyoo: khyo" Khristu gi nanu" da" nheigloem: ung: khoug: joem moo nyang: nyid nyid' wa ziyo' jheddab da" emyid moo agyi: zug lho: ayang: ri zhoug too" wa shid mo ngoo akyu" mho' nyid.

Ephesu 3:6

Hau: no, thang da" khyoo: gi ngei bu: lu dang: yoomo nghi: zain' byumyu" yi gi Mangso da" mainkaid jeju" joem ri Yuda byumyu" yi yo" kham: yu da" akhang" ri yo" yu loo bye: khyoo: nghoid. Nyang: nu" yo' Yuda byumyu" yi gi gung shoo" daloem: za: mo akung: ako'' nghoid nyid wigi Khristu Yesu khyo" wigi Mangsoo byid: to" da" dang: soo" khoin" mo akyu" ri kham: yu da" akhang" yo" boem bye.

Ephesu 6:8

Join, yi ri nghoid loug we' join, seing: yi ri nghoid loug we' Magsoo gi yug khang" moo" ri nyang: zei: lo ge da" moo" zo" shid re" coung" byid: aphoug" shang" loo wa ziri boin: so" nyid ge'.

KOLOSE 2:10

Nanu" gi nyang: yo' shoin" deung: to" jang mo joeb byeung" da" kangso' riyo" yu boem bye- hau: nyang: vhoeb khang" da" venyi dangain" yo' amyeing" akhang" yoo" bang: dangain" mo, da" atho' moo je" gyi: lho: myhang: thang su: nghoid nyid.

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.

2 Yohan 1:9

Nyang: tu: nya: gung ri lhed' zed' nyid ge'. Khristu da" jhau" mho' khyoo: moo acang da" hau: ziri rue lid lo" bang: hang" nghoid loug we' Mangsoo yo' asen: loo:- hau: da" jhau" mho' khyoo: ri khanham we' d acang nyid bang: hang" nghoid loug we' nya: phoo yo' we' nya: zoo: yo" we' sen: su: nghoid nyid.