KOLOSE 3:10 - Lacid Common Language Bible

¹⁰ Phain" so: to" da" Aseing: Mangsoo gi hau: byu seig ri Mangsoo nya: da" alhoo: aved' yo' je" je du goo" sho' khanham we' daso koid daso' nyheung nyid houg: su" so' koid so' nyheung: khyoo: gi nanu" gi hau: Aseing: ri joeb, byeung" sho' se' loo wa shid mo nghoid.

KOLOSE 3:10 ပူးပေါင်းရင်းမြစ်များ

APOEM AYANG: 5:1

He: zigi Adam da" amyed ashen lhid" xoem" nghoid. Mangsoo gi xangsu: byu ri phain" so: uri nyang: gi nyang: yhang: te" da" xangsu: byu phain" so: too" bye:.

YOBA 29:14

Ngoo gi khanham we' tarha" deingmain" ziyo' tarha" nyeung veung" da" khyo" za: dakoid.

COUNG" NGHEI 51:10

O" Mangsoo we"- nga" da" akhoug: moo: younglho' da" nheigloem: ri phain" so: byid: lho: nheigloem: zung" khyoo: yo' soozoo: aseig ri nga" da" akhoug: moo: kaid byid: we'.

ESAIA 52:1

Yerusalem we"- yoem: bo wigi doem gyi: sheung: loo we'. Mangso da" gyeung" shang: voomoo" we"- Reung: da" ziyo' nanya: gung ri byimi soin' void ci: we'. Tarha" tungbau yigi re" khoem" moo khanham we' ayo" doem vang goo" wa.

ESAIA 59:17

Nyang: gi tarha" deingmain" ziri gyi zuang adang byi: yhang: ti" void wigi khyoid yu da" yoem: so' ri joto' mug yhang: ti" zhung" wa. Nyang: gi moo" joem ri joo sho' koid wa yo' shoid da" khyo" yau: khe" kyi" khyeug kham zoo: nyid boem da" bang: shid re" yooboo dam byid: wa yo' latoo: phug byid: wa gye" myid pyo: ziri nyang: nya: gung moo void ci: wa.

EZEKIEL 11:19

Ngoo gi nyangnu" ri nheigloem: aseig yo' myid aseig byid: wa. Ngoo gi nyangnu" da" thain: da" lug boem nheigloem: ri yu pyam byid: wigi tam" gyo: cang yhe: da" nheigloem: byid: wa.

EZEKIEL 18:31

Nanu" koid loo bye: da" akhyeing" moo" ri asoem" byid: pyam we'. Nanu" nyang: nanu" myid aseig- nheigloem: aseig kham: yu ge'. Israela byumyu" nanu" gi ciwim shid: nau boem ago" la".

EZEKIEL 36:26

Ngoo gi nanu" ri nheigloem: aseig yo' myid aseig kaid byid: wa. Ngoo gi lugzeing su" thain: da" nheigloem: ri yu pyam byid: lho: tam" gyo: cang yhe: da" nheigloem: ri kaid byid: wa.

YOHAN 17:3

Apyaid ato: kangso' ga: zigi dayug kyeing" da" Mangsoo ri we' nang nhang: kaid da" Yesu Khristu ri we' se' da" khyoo nghoid.

Roma 12:2

Nanu" gi mougmyid asam" aved ri acang nyid goo" nanu" gi Mangsoo: ri nyang: tu: nya: da" nheigloem: xoug" bain' sho' thed' pyam' lho: nheigloem: ung: khoug: aseig khyo" kham: yu ge". - Hougsu" koid' lang" gi geda" khyoo: - Mangsoo: vho: da" khyoo: ce: yooboo foin: jang: ajo lo: da" khyoo: ga: da" Mangsoo: vho: da khyoo: gi ci nghoid ga: ziri nanu" yo" se' lo boem wa.

Roma 13:12

Myen" ayo, lid lo" nyid bye. Nyid" kyo' ju" loo wam bye:- houg: yoomo ngoonu" gi moug: coid' mo da thung" khing sam" ved ri acang boem looza: bidbang moo ci: ca" da" gyikhin' lagnag ri yu ci: boem ca" bye.

Roma 13:14

Hau: tho' moo Aseing Yesu Khristu ri gyi byi: gyimi su" void ci: ge'. Gung shoo" vho: da" nheig shid: said' nau khyoo: moo cang wa asoin' anyheing nyid goo.

Roma 6:4

Houg: yoomo nyangnu" gi Babtisma kham khyo" wigi Khristu yo" dage" shid: kham: lho: - nyang: yo" dage" myhoeb pyam' zi shau" boem bye. Aseing yo" dage" shid: kham: da" khyoo: gi pho da phung" yoeb yoem: so' yo" Khristu ri shid: da" jang" mo doem dei to'' loo nhang: zi yo" dakhyoo" - ngoonu" gi kangso' Aseing moo doem yo" dei nyid wa shid' re" nghoid.

Roma 8:29

Mangsoo: gi - nyang: khyen yu too" mo, ri nya: zoo: Yesu yhang: ti" bue" loo wa shid' re" nghoid.

2~KORINTHU 3:18

Houg: yoomo ngoonu" dangain" bang: gi myonhoo: nghoeb ziri phang pyam boem bye:. Myonhoo: yo' hau: Aseing: da" myonhoo: phung" yoeb da" alhoo: ri doem tau" pang shug nyid boem bye. Hau: myonhoo: phung" yoeb nyang: Venyi ein: da" Aseing: jang" mo ju" re" wigi Aseing: yo' jeje du go" lo da" myonhoo: phung" yoeb shoid khyoo: ngoonu" ri thed, shai" loo" nhang: nyid.

2~KORINTHU 4:16

He: da" khyoo: joem yoomo ngoonu" gi khanham we' nheung loem: ayoin"- yoem: agyau: boem. Ngoonu" da" nghizain shoid khyo" yo' shau" myang nyid da" xangsu alhoo: gi yen, yen, za: byo, yoin" lo" nyid bye Nghoid loug we' akhoug: mo Venyi alhoo: gi nyid: khang" moo"- Aseig doem soin' nyeung byid: nyid ziri yo" shau" kham: yu nyid boem.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

2~KORINTHU 5:17

Hang" nghoid loug we' Khristu yo' dadeung" daloem: za: bue" lo" byug lang" gi-nyang: gi byu seig bue" loo bye- shid" phyang" mo axau" gu: gi lid lo" yu" bye- Yu" ge' dangain" gi aseig za: bue" loo bye.

GALATI 3:27

Nanu" gi Khristu yo' daloem: za: bui" wa shid re" Babtisma ri kham: yu boem bye: nghoid yoomo Khristu ri void byi: void mi yhang: ti"- void ci: abye: go.

GALATI 6:15

Byu dayug yug giathang: yham" zi shau" kham: yu-hougsu" anghoid lang" ashau" kham: yu- zigi ce" yhoug: gyen: we' anghoid- byu aseig yo" bue" lo da" khyoo: za: yhoug: gyen: danghoid nyid.

Ephesu 2:10

Ngoonu" gi Mangsoo nyang: myid vho ziyo' dakhyoo" ti"- phain" so: to" zi shau" mo, nghoid nyid wigi Khristu Yesu yo' ngoonu" deung: shoin" to" khyoo: yoomo nyang: gi ngoonu" ri ge da" moozoo" joem shid re" phain" so: too" bye- hau: ge, da" moozoo" joem ri ngoonu" zei: soo, wa shid re" soin' nyheung too" byid: bye.

Ephesu 2:15

Nyang: gi nyang: yo' dagung dashoo' za: bue" lo khyo" wigi byu eig myu" ziri byumyu" aseig damyu" za: bue" loo nhang: lho: ngei pyo: myenjham" da" khyoo: byid: wa shid re" nyang: gi Yuda tarha" da" amyeing" dang: yo' tarha" joem ri phyo' shoin pyam bye.

KOLOSE 3:12

Nanu" gi Mangso byu yi nghoid boem bye: yoomo nyang: gi nanu" ri jheddab wigi nya: shid re" khyen: yu shau" bang: nghoid- houg: yoomo nanu" gi jhed' thang kang: athang- nheig khyeig shoo" myen: zi nheigloem: nyhoem: zi sam" dab, nu" nham, ziyo' nheigloem: gyi: sheung: ziri void. ci: ge'.

KOLOSE 3:14

Hau" yoem: so' dangain" da" atho' moo joeb, byeung" da" nheigloem: shikain" shoin" khyoo: bue" loo sho'-houg: dangain" tho' moo ziyoo jo, moo jo, ri yo" myeug deung: da" jhed' khyeing: kang: khyeing: ri pug void ci: ge'.

PHILIMON 1:6

Ngoonu" gi nang yo' loem" jeung" da" byu yi nyang: cang" shau" zoem" khoug: wigi nyhang" gi Khristu yo' dadeing: za: bue" loo yoomo kangso dei da" khyoo: moo yo" yu da" jeju" dangain" ri je" no, khyo" se' gyo: loo wa shid' mo ngoo akyu" mho' nyid.

HEBRE 6:6

Nghoid loug we' nyangnu" gi nyang: nya: da" loem" jeung" loem, khau khyoo: ri she: pyam boem bye- nyangnu" gi Mangso da" nya: zoo: ri pyang" zeing moo dalheing: doem baid jen" lhang" lho: mung" byu yi da" shid' khoin" moo aphoug" akhyoid' sho' thu' nhang: boem yoomo nyangnu" ri nheigloem: doem thed' loo wa da" shid re" gi kha: su" we' age bui" loo.

1YOHAN 2:3

Nyang: byid: to" da" amyeing" dang: ri ngoonu" tam" gyo: lho: cang lo" boem nghoid rigi ngoonu" gi nyang: ri si' bang: nghoid da" khyoo: ri khyag nyang: yo" se' yu boem wam: bye.

1YOHAN 2:5

Hang" nghoid loug we' nya: amyeing" dang: ri tam" gyo: lho: cang lo nghoid rigi gyeing" nyang: nya: Mangsoo ri jheddab zi nyang: moo joeb, byeung" su: nghoid bye- He: khyoo: gi ngoonu" Mangsoo yo' kha: khyo" wigi dadeing: daloem: za: bue" loo bye: khyoo: ri khyag nyang: si' nhang: da" khyoo: nghoid bye.

Pang Shug 21:5

Hau: thang: ri zhung: tang tho' moo zhoung: jo, su: dayug gi " Ziyoo jo, moo jo, dangain" ri ngoo gi Aseig doem koid too" wa,, ga: wigi tid. Nyang: ngoori we' tid zigi He: zirilhid" too" we' he: da" dang: gi deingmain" ziyo' loem, ge" da" dang: nghoid.