KOLOSE 2:8 - Lacid Common Language Bible

⁸ Khristu da" akhyoo" shed' to" ziyo' dakhyoo" ti"- anghoid loo: za: byu xangsu: yi da" akhyoo" shid' khyoo: mo thu' da" jhau" shed' dang: joem yo' dei moo dei nyid moo nyid ri vhoeb khang" da" yu join: joem jang" mo thu' lo da" jhau" shed' dang: nghoid da" ce" akyu" we' abo mhau' fain" da" xangsu: phajhi" yo' hang" wigi we' nanu" ri join, akoid nhang: pyam' goo"-zed" lhid" nyid ge'.

KOLOSE 2:8 ပူးပေါင်းရင်းမြစ်များ

SHOLUMON JIKHOIN" 2:15

Zeigni joem yo' zeigni zoo: yiri myheig too" we'. Nyangnu" gi ngoonu" da" aboo" boo" bye: da" zabyid khyam: ri lhu: shoin' pyam bye: zi nghoid.

YEREMIA 29:8

Nanu" phung: moo nyid boem da" lapi: yi wigi we' ju" loo wa ayo, shid re" lapi: yo" pe: ga: tid boem da" gootu: hang" wigi we' nanu" ri amhoug fain" nhang: boem wa shid re" Israela da" Mangsoo Ngoo Aseing nanu" ri tid poin: byid: da:. Nyangnu" da" yhoebmo, joem ri we' atam" gyoo: goo".

MATHE 10:17

Byu yi ri lhid' ge'. khasu" wim gari tarha" agyi yi da" lo, moo ab pyam' boem wigi nyangnu" da" tarha" jung moo nanu" ri shen" yhen: baid said' koid: boem wa.

MATHE 16:6

Aseing Yesu gi Nanu" we' Pharishe yo" Saduke da" doocid" ri zid" ge" ga: tid.

MATHE 7:15

«Nheugloem: ung: khoug: moo gi lang: kyen: phyo' zoo: wa ga: zeigne nheigloem: kaid ci: lho: yang yid void to" mo, nanu" jang" moo ju" loo wa mhau' da" lapi: yi ri jang" pyam' ge'.

ACTS 17:18

Epikuri yo: Ati- yi nheigloem: phajhi" sara: yi dayham" we' polu yo' gye" tid ngeig go" nyid boem. Nyang: nu" mo dayham" gi He: ci: ase' da" koopyoid' khyoid' gi ce" noem, ri tid nau nyid lha"» ga: tid boem lho: gootu: dayham" bang: gi goo tu: byumyu" yi da" phara" khyoo: tid nyid sam" ga: tid go" nyid boem. Nyang: nu" hidsu" tid nyid boem zigi Yesu Khyoo: yo' nyang: doem dei to'' lo da" khyoo: ri Polu kho" kyo" nyid yoomo nghoid.

ACTS 17:32

Nyang: nu" gi shid: jang" mo doem, dei to' lo da" khyoo: yo' sen: lho: Polu tid ziri shaug" gyoo: lang" nyangnu" dayham" bang: gi Polu tid da" dang: ri juang" yi pyam' byid: boem. Nghoid loug we' dayham" bang: gi he: khyoo: yo' sen: lho: nang tid ziri ngoonu" doem, gyoo: boem shi" ga: wa tid ago".

Roma 16:17

Mang: nhung" yi we" nanu" shau" jhau" yu da: tid poin" tid khyeing" mungdang: ri nung phug pyam' lho: subi" ri aveing" goo" nhang: da" zi - khyoo vhang: shu" vhang: loo" mo ri zid" nyid ge'. Houg: bang: ri jhang" pyam' ge'.

1Korinthians 10:12

Houg: su" nghoid yoomo- byu dayug yug gi nyang: tu: nya: da" gung ri- ngoo gi geing: geing: teing teing yo" yab, jo, su: nghoid ga: myid su: gi nyang: aleung loo" wa shid mo zed' lhid' nyid ca.

1Korinthians 8:9

Nghoid loug we'- nanu" hidsu" agyug aci, loo: zo: shoug khyoo: gi Mangsoo ri loem khau: khyoo: moo: yoem: neung: nyid bang ri khyoo: shu" vhang: ziyo'- yooboo koid nhang: da" khyoo: abui" wa shid re" zed" nyid ge'.

2~KORINTHU 10:5

Ngoonu" gi Mangsoo ri yo" se' koung lo da" phajhi" ri lhu: keug lhu: kyo' khyoo: dangain" ri zain: said lo" boem. ngoonu" gi byu yi myid soin: khyoo: dangain" ri myeug tei" to" wigi Khristu da" dang: ri tam" gyoo: nhang: nyid boem.

GALATI 1:14

Yuda noku thung" ri khyag cang zei: lo khyoo: moo ngoo gi nga" da" byumyu" mo, yam: cang" yi myoo: sho' bang: tho' moo jain" lho: wigi nheigloem: zug ci: ziyo' phoug" phyid" yi da" jhoug" myeing" joem ri cang pyeung lo yu" bye: zi nghoid.

GALATI 4:3

Houg: yo' dakhyoo" ti" ngoonu" we' Venyi khyoo: moo nheig boo ung: gyeung: da" byu yi abui" shi" uri mougmyid gyab, goin" ziri vhoeb khang" nyid da" yu join: soo" byoo joem da" join, bue" nyid boem.

GALATI 4:9

Akhid" koem gi nanu" Mangsoo ri se' loo boem bye: tho' moo gootu- Mangsoo we' nanu" ri bain se' nyid thang: ri yoem: nu: ziyo' ashug" ajhen: nghoid nyid da" yu join, soo" byoo joem da" join, bui" wa shid mo, cikoid doem tau" loo" noug go".

GALATI 5:15

Nghoid loug we' kyang: da" gougnyhoug lam" joem yhang: ti"- nanu" nyang cang" nyang: dangaid' zoo: go" nyid nghoid rigi nanu" nyang: cang" nyang: tu- jhoem" pyam' goo" wa ziri ze" lhid' nyid ge'.

Ephesu 2:2

Hau: da" ayo, moo nanu" gi mougmyid da" akhyeing" ashoeb khyoo: moo za: cang lo" boem wigi akhui" Mangsoo ri aphoug" akhyoid koid nyid da" byu yi ri vhoeb khang" nyid da" venyi gi moug: laid moug di ri vhoeb khang" lho: yoem: so' bo da" venyi joem jhang khyoo: nanu" cang lo" boem abye: go".

Ephesu 4:20

Khirstu da" khyoo: ri nanu" gi hougsu" jhau" yu boem zi anghoid.

Ephesu 5:6

Hang" wigi we' adu: adam: wim, da" dang: nanu" ri ayo" jhu, phyo' pyam' nhang: goo"- Khasu" wim gari hau" khyoo: joem yoomo Mangso nheig khoo" yo: da" khoo: gi atam" gyoo: acang loo" mo, da" atho' moo gyoo" loo wa zi nghoid.

TARHA" TID POIN" 6:12

nanu" join bue" nyid lo da" Egutu mung" mo nanu" ri khyoid yu da" Aseing ri ato" myhed wa shid re" lhid' nyid ge'.

PHILIPI 3:2

Akhyeing" ashoeb da" moo" zei: nyid bang ri lhed' zed" nyid ge'. lakhuid" joem ri zed" nyid ge'. nyang: tu: nya: gung shoo" joem ri yham" phyed pyam bang: ri zed" nyid ge'.

KOLOSE 2:18

Ladu lid' sho' shoid vhang: da" khyoo:- nyang: tu: nya: da" gung du: ri khyo, nyhoem: pyam' wa ziyo' moug: lagyoo: yi ri no" ca" ga: goozu: xen, da" yoeb, myang yo" we' shoid vhang: da" khyo, nyhoem: khyoo: moo nyhen" zei: nyid bang: yo' moug: lagyoo: yi ri noku da" khyo" we' nyang: nya: gung du: ri dangain" tho' moo je" nghoid thang su: ga: khyo" tid phau: nyid mo, -hang" su: wigi we' nanu' ri yoobo dang: phyed' wa da" akhang" abyid: goo"- Houg: yhang: te" da" byu yi gi ce: sei abo da" xang: su: myid soin: khyo" nyang: nya: gung ri tid phau: yu lho.

KOLOSE 2:20

Nanu" gi Khristu yo' dage" shid: byug boem bye: nghoid yoomo jo, moo jo, ri seung: nyid da" venyi joem khoug: mo lhoid pyoin, kaid' ziri shau" boem bye- houg: su" nghoid rigi ci: yoomo nanu" gi he: mougmyid da" join, yi yhang: ti"- kangso' dei nyid go" la".

KOLOSE 2:22

Hau" tarha" joem dangain" gi dalheing: ci: yhung: bye: thang: rigi ce: akyu" aboo lo: ziyo' sen: da" tarha" za: nghoid lho: byu xangsu: yi koid thu' da" tarha" ri jhoug" byid: khyoo: joem za: date: nghoid.

KOLOSE 2:23

Houg: yo' dakhyoo" ti"- moug: lagyoo: yi ri agyoo: ayoid noku nhang: da" khyoo: we' nyang: nya: gung ri shoid vhang: khyo" khyo, nyhoem: khyoo: moo we' hau: da" taha" joem gi phajhi" bo yhang: ti" du nyid nghoid loug we' gung shoo" vho: da" nyam, nheigloem: ri vhoeb khang" khyoo: mooce" akyu" we' aboo nghoid da.

1 TIMOTHI 6:20

Timothi we"- nang ri ab, byid: to" da" aya: ri goolhoo: za: zoem: shoung: too" we'. Aco' ajhoid da" khoin" co, loeb, khyoo: ri we' phajhi" dang: nghoid ga:. byu jha" bang: tid shoid' myid da" akoo" afang: ga: ngeig goo" yang: go" dang: ri we' jang" pyam' nyid we'.

2 TIMOTHI 3:13

Akhyeing" ashoeb, da" byu yi yo' mhoug zoo: mhoug shug yen" da" byu yi koem gi-subi" yo" mhoug zoo: lang" nyang: nyang: ri we' mhoug zo: zi doem, thoung" shau" wigi akhyeing" ashoeb, ziyo' age da" khyoo: moo age da" khyoo: khyoo:- je" je, jhen" vang lo boem wa zi nghoid nyid.

HEBRE 13:9

Shid' phyang" alhoung myang yu"- alhoung gyo: yu" da" jhau" mhoo, byid: da" khyoo: joem ri tungbau byumyu" yi gi nanu" ri hau: deingmain" khyoo: mo ashu" hang: lam" loo" nhang: goo. Zoo: noem, yo' sen: da" cang yhe: tarha" ri tam" gyo: cang pyeung khyoo: anghoid loo: za: Mangso jeju" mo yoem: so' ri yo" kham: yu zigi je ge zi nghoid.

HEBRE 3:12

Loem" jeung" nyid da" mang: nhung" yi we"- dei nyid da" Mangso jang" mo vhang: lam" loo" sho'-akhyeing" ashoeb da" loem, shoid nheigloem: boo da" byu- nanu" moo dayug we' aboo loo: sho' zed" nyid ge'.

1PETERU 1:18

Nanu" gi nya: phoug" nya: phyid" yi apyaid' mo wigi cang gyo" lo da" akyu' abo da" asam" aved mo byo, yoin" loo" se' nyid da" ngei sheing: yo' nanu" ri yo" qei khyoid yu to" zi anghoid.

2PETRU 3:17

Nghoid loug we' byen cang" yi we"- nanu" gi he: da" khyoo: ri se' nyid gu nghoid abye: go". Hougsu" nghoid yoomo nanu" gi-ce: tarha" abo da" bang: shoid vhang: lo" da" khyoo: moo shu" vhang: lo" jang" moo abo loo" wa ziyo' gau: ngu: da" kang so' dei khyoo: mo abyid: gyoo" loo" wa shid re"-zed" nyid ge'.

2 Yohan 1:8

nghoid nyid Ngoonu" zei: to" da" moo" ri nanu" aci: phyug loo: za: nanu" da" vhu" kung: phoug" ri byeung" sho' shau" kham: yu goo" baja"-