KOLOSE 2:5 - Lacid Common Language Bible

⁵ Khasu" wim gari ngoo nanu" yo' ngoo nya: gung du: nyang: dage" ashau" nyid nghoid loug we' Venyi khyo" nanu" yo' dage" nyid nyid zi nghoid yoomo nanu" da" geung: teung yoem: kaid' nyid da" nheigloem: yoem: vhoo" yo' Khristu ri loem" jeung" khyoo: moo dage" yab, jo, ziri ngoo yu" gau nyid.

KOLOSE 2:5 ပူးပေါင်းရင်းမြစ်များ

2 KHOKHAM MHOOMYID: 29:35

Hau: tho' agoo"- gung goin" nghe' ngei" xoin"- mung" byu yi zo: da" xoin" mo shugbyid: da" khainjung yi nghe' ngei" ca" da" xu:- nghe' ngei" byid: da" xoin" yo' dage" foid shoin" da" zabyid yhid: joem bo bo da:. Houg: lho: Noku Yhoem: Moo" moo noku coung" khyoo: ri doem koid shid" ago".

COUNG" NGHEI 78:37

Nyangnu" gi nyang: moo nheigloem: zung" mo, anghoid boem ziyo' nyang: yo' dang: theing go" to" da" khyoo: moo: we' loem: lug bang: anghoid boem.

COUNG" NGHEI 78:8

Gyivoo joem yo' atam" gyoo: bang- Mangsoo ri loem" jeung" khyoo: moo khanham we' ageung: teing mo, yo' nyang: moo: nheigloem: azoung" da" nyangnu" phoug" phyed yi yhang: ti" Nyangnu" gi bui" loo: wa nghoid

GYUNG: SOO" 7:11

Aseing gi Moshe ri «Phoin: shugbyid: wa shid re" daxe: eig nyid" gu: moo nyid" khang" nyid" vhujhung: yi danyid" dayug nyang: nya: jhungshug ri shugbyid: wa shid re" nyangnu" ri tid we'» ga: tid.

ACTS 2:42

Nyangnu" lagyoo: yi da" dang: ri jhau" yu zoore- dage" za: bo zoem" khau: nyid boem wigi zooyho' phe, gam go" khyoo: ri koid- dage" za: akyu" shoin" mho' wigi ayo, bidnyid ri lid loo" nhang: nyid ago".

ACTS 20:21

Nyang: nu" da" yooboo mo nheigloem: ri thed' pyam' lho: Mangso shoid' khyoo: lheung: lo boem wa ziyo' - Aseing Yesu ri loem" jeung" lo boem wa shid re" ngoo gi Yuda byumyu" yi yo' tungbau byumyu" yi ri dakhyoo" ti" yoem: kaid' lho: gye" khyo" tidpoin" lid loo bye.

1Korinthians 11:34

Hougsu" Aseing da" zoo: shug phoung bo loin" wa shid re"- nanu" zeung: foem: nyid uri- Mangso wigi: dang: phyed zi ashoug" baja"- byu dayug yug zooyoid nyid nghoid rigi- nya: yhoem: moo: lo" zo: yu baja" gootu: ca" da" khyoo: joem rigi- ngoo ju" ri lang"- tid kyo, shang: pyam wa nghoid.

1Korinthians 14:40

Khyoo: khaid gu: khang" moo" ri- yu" du yu" young" khyo"- voin, vu, yoem: kaid wa su: ca" nyid.

1Korinthians 15:58

Hougsu" nghoid yoomo- ngoo jheddab da" mang: nhung" yi we"- geing: geing: teing teing theung shang" yab, jo, ge'- hau: Aseing da" moozoo" moo- nanu" zei: lo" khyoo: gi amyid' aji anghoid ziri se' nyid boem yoomo- hau: Aseing shid re" zei: so' da" moozoo" moo- nanu" khanham we' yoem: phain" thoug shang" voin, vu, nyid ge' o".

1Korinthians 16:13

Khanham" nghoid loug we' zed" lhid' zoore" nyid ge'- hau: loem" jeung da" khyoo: moo: geing: geing: teing teing dayab, jo, ge'. Agyug avoem, da" nheigloem: bo nyid ge'. yoem: zeing so' moo" yo' byeung" nyid ge'.

KOLOSE 2:1

Ngoo gi nanu" shid re" we' Ladoki byu yi shid re" we' ngoo yo' myonhoo: ashau" myang go" yu" da" gootu: byu yi shid re" we' ngoo khayhi' yoem: kaid' voin, wu, lid loo: bye: da" khyoo: nanu" ri ngoo tid kyoo" ba.

1THESALONI 2:17

Ngoonu' we' mang nhung" yi we"- nheig" loem: ung: khoug: khyo" anghoid- gung du: khyo" za: dayo, daboin: nanu" rigye" myid boin: nyid boem ziyo' doem yo" shau" goo" wa shid re" gye' yoem: kaid' nyid boem.

1THESALONI 3:8

Khasu" wim ga: ri nanu" gi Aseing: moo dadeing: daloem: za: bue" wigi kangso dei khyoo: moo geing: geing: teing teing yab, jo, yoomo ngoonu" nheig shid: khyo" yo" dei nyid boem bye.

HEBRE 3:14

Khasu" wim gari Khristain xang: shed" bue" lo da" uri yhang: te"- nheig shid: nheig deug da" loem, khau: khyoo: moo lo" thang bidnyid ju" sho' geing: geing: loem khau: nyid nghoid rigi nyhang" dangain" mo, gi Khristu yo' dage" dadeing: daloem: za: moo" voin, mo, nghoid nyid boem.

HEBRE 6:19

Ngoonu" gi hau nheig byu joyoo ri ngoonu" da" kangso' dei khyoo: moo joto' nghui" zeing daloem: yhang: ti"- yo" kham: yu boem bye. Hau: zigigoem, loem, khyoo: yo' geung: teung khyoo:- nghoid wigi moug: khung: tho' mo noku yhoem: yo' pain" yam, akhau: shoid mo yab, khyoo: yo" kyang lid vang lo" boem bye.

1PETERU 5:9

Nanu" koem gi loem" jeung" da" khyoo: moo geung: teung jo, lho: nyang: ri lhoem: zain: ge'. Khasu" wim ga: ri nanu" nyang: si' bye: ziyo' dakhyoo: ti"- mougmyid' gyab, goin" jang" moo nyid da" nanu" da" loem" jeung" mang nhung" yi gi hid: yhang: te" da" shen" yhen kyi" khyeug khyoo: ri thoung" shau" nyid boem.

RUTHA 1:18

Rutha gi cang nau da" nheigloem: teing" teing ga: bo nyid yoomo Naomi gi ciwe' aga: loo: jha" nyid pyam.