KOLOSE 2:2 - Lacid Common Language Bible

² Hougsu" ngoo yoem: kaid' voin yu, da" khyoo: gi nyangnu" dangain" tho' moo myo, yang" da" nheigloem: yo' joeb, byeung" wigi dayug yo' dayoung da" jheddab da" emyid moo-tei" xo' go" lo" ziyo' nyangnu" gi deingmain" da" lasi, phajhi" mo myo: tham: da" nheig shid: nheig deig khyoo: ri nyangnu" yo" yu wa shid re" nghoid- hougsu" wi nyangnu" gi-he: khyo" wigi Mangso zau" yheom" to" da" no, thang phajhi" ri se' gyo: lo boem wa nghoid hau: phajhi" gi Khritstu nyang: nghoid bye.

KOLOSE 2:2 ပူးပေါင်းရင်းမြစ်များ

1 KHOKHAM 3:28

Sholumon tarha" dang: phyed khyoo: ri Israela byumyu" yi shoug" gyoo: lang" nyangnu" nyang: ri je" phau" myang: lo boem bye:. Ciwim ga: ri Mangsoo nyang: ri byid: da" phajhi" yo' moo" ri jang jang tarha" jang deing byid: nyid ziri nyangnu" si' yoomo nghoid.

COUNG" NGHEI 133:1

Mangso byumyu" yi sham: shoin" veing" go" lho: dage" shoug" zeung: foem: nyid zigi khayhi' mau" pho" khyoo: nghoid lha".

ESAIA 32:17

Yugkhang" moo" gi jo ziri koid loo wa yoomo ngei pyo: yug yo ziyo' goem loem zigi apyaid atoo: bui" jo, wa.

ESAIA 40:1

Mangsoo gi «Nga" byumyu" ri nheig teing we' nyangnu ri nheig teing we'.

ESAIA 53:11

Yau: khi" kyi" khyeug kham zo: zi bain thang: ri nyang: gi ngei pyo: zi doem shau" loo wa. Nyang: agoin: ajain" moo yau: khe" kyi" khyeug kham zo: zi anghoid da" khyoo: ri nyang: se' loo wa. Nga" deingmain" da" dei zoo:- ngoo vho: ngei da" su: gi byu myoo: sho' da" yooboo dam ri voin pyam byid: wa. Nya: gang mo ngoo gi nyangnu" ri yooboo khyoid pyam byid: wa.

YEREMIA 9:24

Byu dayug yug phoug: nau nghoid rigi Nyangnu" gi ngoo ri se' ziyo' se' gyo: khyoo: moo phoug: eung: da:. Ciwim gari nga" da" jheddab myid gi abei: abyo, geing: teing jo, da:. Houg: lho: ngoo gi tarha" deungmain" ziyo' jo ziri koid da:. Hau: joem gi ngoo ri vho: ngei nhang: da:. Ngoo Aseing tid too" bye:.

MATHE 11:25

Houg: lang" Yesu gi «Mougkhung: yo" myidjang ri vhoeb da" nga" phoo we"- Phajhi" byen ya yo" nheigloem: yeig kung mo jang" mo he: da" khyoo: ri nang yhoem" nghoeb to" lho: ci: asi mo, ri phang shug yoomo ngoo nang ri jeju" boin.

MATHE 11:27

«Nga" phoo gi zi yoo jo, moo jo, ngoori ab, byid: pyam bye. Pho, tho' moo gootu: hau: nya: zoo: ri hang" we asi. Hau: nya: zoo: tho' moo gootu: Hau: nya: phoo ri hang" asi.

MATHE 13:11

Yesu gi «Nanu" gi mougkhoung: mungdain: da" no, thang khyoo: ri se' gyo: da" akhang" yo" ago". Goo" ji koem gi hau: akhang" ri ayoo" nghoid ago".

LUKA 1:1

Myo, nhoo: bug thu' yoeb bang nghoid da" Thophilu we"- Nyhangnu" loem: khau loem" jeing" da" khyoo: moo" mo apoem: ayang: nghoid da" khyoo: joem ri lhid" too" mo, myoo" sho' bo nyid boem bye.

YOHAN 10:30

Phoo yo" ngoo gi dagung dashoo" za: nghoid ga: tid.

YOHAN 10:38

Ngoo ci: voin vu nyid nghoid ri koem gi ngoori aloem" jeing" nghoid loug we' ngoo voin, vu, da" moozoo" ri loem" jeing" ge'. Houg: lang" ngoo zei: da" moozoo" moo Phoo gi nga" khoug: moo nyid nyid lho wigi ngoo we' phoo yo" dadeing: daloem: za: nyid ziri nanu" se' gyo: loo wa ga: tid kyo".

YOHAN 16:15

Pho jang" moo jo, moo jo, gi ngoo yo" sen: nyid. Houg: yoomo gyeungshang: da" Venyi: gi ngoo byid: zi yu lho: nanu" ri doem tid kyoo" wa ein: wigi ngoo tid.

YOHAN 17:3

Apyaid ato: kangso' ga: zigi dayug kyeing" da" Mangsoo ri we' nang nhang: kaid da" Yesu Khristu ri we' se' da" khyoo nghoid.

YOHAN 5:17

Yesu gi Nga" phoo gi kha: u" we' moozoo" moo nyid. Houg: su: nghoid yoomo ngoo we' atheing: anoo: loo: moo" zei: nyid zi nghoid ga: houg: bang: ri tid kyo.

YOHAN 5:23

Byu yi gi nya: phoo ri phau" myang: boem yhangti"- nya: zoo: ri we' phau" myang: boem wa nghoid. Nya: zoo: ri aphoug" amyang: bang: hang" nghoid loug we' nyang: ri nhang: kaid da" nya: phoo ri aphoug" myang: zi nghoid.

YOHAN 6:69

Hau: tho' mo gootu: Aseing: gi Phoo Mangso jang" mo gyoo" lo da" gyeungshang: Aseing: nyang: nghoid bye: da" khyoo: ri akhid" ngoonu" gi yu" myang loem" jeing boem bye: ga: phougtu.

ACTS 4:32

Loem" jeing" bang: dangain" mo, gi nheigloem: e" myed dakhaid za: nghoid ago". Hang" we' nyang: nya: da" soid gain ziyoo joem ri Hid: nga" zi nghoid ga: atid boem loo- Nyang: nu" yo" da" zi joem dangain" ri dage" soin" ci: shoin" vho, nyid boem ago".

Roma 15:13

Gyeungshang: da" Venyi: phung" yoeb gi nanu" da" loem" jeung" nheig shid: nheig deig da" khyoo: ri geing: teing tho' moo geing: teing loo wa shid' re" loem" jeung" nheig shid: neig deig nhang: da" Mangsoo: gi nanu" da" loem" jeung" yoomo nanu" ri gau yi ngei pyo: joeb byeung" nhang: zi yo" myenjham" khyoo: ri byid: baja" o".

Roma 16:25

Mangsoo: da" phung" yoeb myho, nhoo: ri ngoo nu" coung" nghei" boem shang ngoo khyo" kyo" tid Khristu Yesu da" lu dang: gi khyo" we' shid' phyang" pyaid mo, zau" to" da" no thang deungmain" tarha" khyoo: ri toin" shid' khyo" we' Mangsoo: gi ngoonu" da" loem jeing" khyoo: ri o" geing: teing nhang.

Roma 2:4

Houg: za: we' anghoid shi" - nang gi Aseing jheddab nheig khyeug nyid da khyoo: - nheigloem: sheing: byid nyid khyoo: yo' kham' zeing: byid nyid da" khyoo: ri aphoug" akhyoid' koid' bye. Mangsoo: gi nang ri ngheig loem: thid' loo wa shid' re" - khyoo: shid' byid: nyid yoomo - Mangsoo: jheddab nheig khyeug da" khyoo: ri nang deing" deing si bye.

1Korinthians 14:31

Nanu" dayug yo' dayug gi jhau" mho' yu ziyo' yoem: yu" yu wa khyo"- nanu" dangain" bang: dayoug thang: moo: dayug - Mangso mungdang: ri yo" kho" kyo" nyid boem ago".

1Korinthians 2:12

Ngoonu" koem gi he: moug: myid yo' sen: da" Venyi: ri shau" kham: yu bye: zi anghoid- Mangsoo ngoonu" ri byid: to" da" jeju" dangain" ri yo" si' baja" ga- Mangso nhang: kaid da" Venyi ri ngoonu" yo" yu mo, nghoid nyid.

GALATI 3:28

Hougsu" nghoid yoomo Yuda byumyu" yi yo' Grid byumyu" ein: zi aboo- join, yo' loid byoin mo, ga: zi we' aboo- myiyi: yo' yug gi ein: zi we' aboo- nanu" dangain" bang: gi Khristu moo dayug za: danghoid nyid boem lo.

Ephesu 1:7

Khasu" wim gari Khristu gi xoin" du: khyo" shid: kham: ziyo' ngoonu" ri loid byoin, loo" nhang: bye- hau: zigi ngoonu" da" youg: noo yooboo ri khyoid pyam byid: wa da" khyoo: nghoid- nyang: ngoonu" ri hid: yhi' agoin ayu: byid: to" da" Mangso jeju" gi khayhi' gyi: sheung: jo, bye: lha". Nya: da" phajhi" juyhi: khyo" we' nheigloem: phajhi" dangain" yo we'.

Ephesu 3:16

Nanu" da" akhoug: mo byu ein: da" nheigloem: ung: khoug: yoem: bo loo goo" baja"- Mangsoo gi nya: myo: tham: da" myonhoo: phung yoeb, mo nya: venyi: nanu" ri yoem: so' byid: nyid baja"- ngoo gi Mangsoo moo akyu" mho' nyid.

Ephesu 3:3

Mangsoo gi nya: da" no, thang khyo" nyheung soin' to" khyoo: ri toin" shid' lho: wigi hau: khyoo: ngoori si' nhang: bye- leung" khyo" lhid" kaid' bye.

Ephesu 6:22

Houg: yoomo ngoonu" dangain" bang: khasu" wim nyid da" khyoo: lu dang: dangain" nanu" ri tid kyoo" baja"- houg: yo' nanu" ri yoem: byid: baja" ein:- nanu" jhang khyoo: ngoo, nyang: ri nhang: kaid' zi nghoid.

PHILIPI 2:1

Nanu" gi Khristu yo' dage" kangso' dei nyid boem yoomo yoem: so' byeung" lo boem ziyo' - nya: jheddab nheigloem: gi nanu" ri nheig teing ung: teing byid: ziri shau" yu boem bye- hau: tho' moo venyi: moo zoem" khau: zi shau" ziyo' nyang: cang" nyang: athang agoin khyoo; ri shau" kham: yu nyid boem.

PHILIPI 3:8

Mau: tho' moo gootu- nga" da" Aseing Yesu Khristu ri yo" se' boin: gyeung: lo da" khyoo: gi gu, jhoo: aphoug" dangain" tho' moo je" phoug" dab, thang zi nghoid yoomo ngoo yoo" mayoo" dangain" gi soem" pyam' bye" ein: soin: pyam bye- ngoo yoo" mayoo" dangain" gi soem" pyam bye- ngoo Aseing: shid' re" nga" ziyoo jonu" dangain" ri she: pyam' bye- Khristu ein: da" amyaid' ri yo" yu wa ziyo' Khristu yo' dadeing: daloem: za: yo" bye" loo" wa shid re" jo, moo jo, ri joid' nhoin soid' boem ti" soin: pyam bye.

KOLOSE 1:26

Nyang: gi hau: no, thang lho:-zau" yhoem" to" da" mungdang: ri mougmyid xangsu: byu yi asi loo: sho' goonham, gooco' mo dapyaid' yo' dapyaid' moo ju" sho' zau" yhoem" too" nghoid loug we' akhid" gi nya: da" byumyu" yi ri ci: shug kaid' abye:.

KOLOSE 1:27

Mangsoo nyheung soin' to" khyoo: gi byumyu" bain' sho' bang: shid re" nyang: yo" jo, da" myo: tham: phung" yoeb myonhoo: bo da" yhoem" shoung: to" da" phajhi" ri nya: da" byu yi jhang moo-pang shug byid: da" khyoo: nghoid- hougsu" yhoem" to" da" phajhi" gi nyangnu" da" nheigloem: ung: khoug: moo vang jo, bye: ein: da" khyoo: nghoid- hau: da" dangkang: gi nanu" Mangsoo yo' dage" hau: phung" yoeb, ri coem kham: yu da" khyoo: nghoid.

KOLOSE 1:9

Houg: yoomo nanu" da" khyoo: ri shau" gyo: yu da" bidnyid mo wigi ngoonu" gi nanu" shid re" anoo: ayab, loo: za: akyu" mho' nyid boem bye- nanu" gi hau: gyeungshang: Venyi wigi byid: da" phajhi" byen- ya dangain" yo' Mangsoo myid vho: khyoo: ri yo" se' loo wa lasi, nanu" moo joeb, byeung" loo wa shid re" Mangso jang" moo ngoonu" akyu" mho' nyid boem.

KOLOSE 2:19

Gung du: da" vhuloem nghoid nyid Khristu moo xo' nhei: khau: nghe: jang" mo phoug pyeug loo" mo, nghoid ago- Khristu vhoeb, khang" da" akhoug: moo dagung goin" gi hau: da" youg: xeig youg: myo, yo' shoo" gyi: youg: khyang: joem wigi myheug shoin" to" lho: khu: gyi: kaid' ziyo' Mangsoo myid vho: khyo" gyi: sheung: loo wa nghoid.

KOLOSE 3:14

Hau" yoem: so' dangain" da" atho' moo joeb, byeung" da" nheigloem: shikain" shoin" khyoo: bue" loo sho'-houg: dangain" tho' moo ziyoo jo, moo jo, ri yo" myeug deung: da" jhed' khyeing: kang: khyeing: ri pug void ci: ge'.

KOLOSE 4:3

Aseing Yesu da" no, thang mungdang: ri yo" kho" kyoo" wa shid re" amyeing" akhang" akhyoo" ayo, ge zi Mangsoo gi nyhang" ri byid: baja" ngoonu" shid re" we' akyu" dabo mho' nyid ge'- Khasu" wim gari Khristu da" no, thang mungdang: ri kho" kyoo" yoomo akhid" ngoo gi thung moo loung" jo.

KOLOSE 4:8

Ngoonu" dangain" bang: khasu" bue" nyid boem da" khyoo: nanu" ri tid kyo" ziyo' nanu" da" nheigloem: emyid joem ri yoem: foin, byid: zi shug: goo" baja"- ngoo, gi nyang: ri nanu" jhang khyoo: nhang: kaid' zi nghoid.

1THESALONI 1:5

Khasu" wim gari-ngoonu" gi hau" ngei bu: lu dang: gi, ri-mung dang: khyo" za: we' anghoid- yoem: vhoo" khyo" we' gyeungshang: da" venyi khyo" we' hau" ngei bu: lu dang: da" deingmain" khyoo: ri bain" sho' nyang: loem" jeung" da" myid' yo" we' nanu" jhang khyoo: ci: re" lho: kho" kyo" boem bye.Ngoonu" gi nanu" yo' dage" nyid nyid da" ayo, moo nanu" ge, loo wa shid re" ngoonu" khasu" koid lho: kangso' dei so" yen" bye: da" khyoo:- nanu" nyang: se' nyid boem bye.

1THESALONI 3:2

Khristu da" ngei bu: lu dang: kho" kyo" jang" moo ngoonu" dage" za: moozoo" ri voin, vu, nyid da" ngoonu" da" mang nhung" phoo Timothi ri nhang: kaid' boem bye.

1THESALONI 5:14

Hau: lho: mang nhung yi we"- nei" nyid bang: ri tid poin" tid kyeing" go" nyid ge'- nheigloem: nge loem: nge nyid bang: ri nheig teing ung: teing byid: nyid ge'. hoem: nu: bang: ribo pang" bo thug byid: nyid ge'- dangain" mo, da" atho' moo zeung: kham' nyid ge'.

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.

HEBRE 10:22

Houg: su" nghoid yoomo ngoonu" gi yooboo yoo" boin: da" nheigloem: ung: khoug: joem ri ced" yung" ced' shang: pyam' lho: ngoonu" da" gung doem: ri we' gyeungshang: da" gyid yo' bain' ced" shang: pyam' lang" ashoid' avhang: loo:- jhug zug da" loem" jeung" nheigloem: yo' Mangso jhang khyoo: yu: tain" vang lo" boem shang.

HEBRE 6:11

Ngoonu" myid vho: nyid da" khyoo: zeing gi nanu" nheig byu nyid boem da" khyoo: byeung" joeb, lo da" jang" moo ju" sho' yug khang" moo" gi nyang: nyang: vho: ngei nyid da" khyoo: ri za: lo" thang moo ju" sho' geung: teung jo, nhang: wa shid re" nghoid.

2PETRU 1:10

Hougsu" nghoid yoomo nga" mang: nhung" yi we' nanu" ri Mangso wigi khe: yu ziyo' khyen: yu bye: ein: da" khyoo: ri khanham we' shau" myed kham, zo: nyid wa shid re" je" ri yoem: kaid nyid ge'. hougsu" koid nyid boem nghoid rigi nanu" da" loem jeung" khyoo: ri khanham we she: pyam' boem wa zi anghoid.

2PETRU 1:3

Nya: da" myonhoo: phung" yoeb yo' ge thang khyoo: joem ri gam boem shau" yuwa shid re" nyhang" ri khyoid yu bye: da" Mangsoo ri se' lo boem bye: yoomo Mangso da" yoem so' gi-deungmain" da" noku thung" loem" jeung" khyoo: moo kangso' yo" dei: nyid wa shidre"- nyhang" moo ca" nyid da" khyoo: bain, sho' ri byid: to" bye.

2PETRU 3:18

Nanu" gi; ngoo nu" da" khyoid yu Aseing Yesu Khristu da" jeju" yo' nyang: ri se' lo khyoo: moo je wigi gyi: xo' lho geung: teung loo goo" baja"- akhid" nghoid loug we' apyaid atoo: moo ju" sho' nghoid loug we' Yesu Khristu jang" moo myonhoo: phung" yoeb gi dajo, jo, baja" o". A men

1YOHAN 3:19

Houg: yhang: ti" he: khyo" wigi ngoonu" gi hau: deingmain" da" khyoo ri cang yhi: mo, nghoid ziri yo" se' yu boem wa zi nghoid. Mangso da" shid' khoin" moo we' nheig shid: nheig deug khyo" yo" nyid wa da" amyeing" akhang" yo" yu boem wa zi nghoid.

1YOHAN 5:7

Sagsi: soem" ja: bo.