KOLOSE 1:18 - Lacid Common Language Bible

¹⁸ Nyang: gi nya: gung du: ein: da" phoung: da" vhuloem nghoid nyid nyang: gi hau: gung du: da" kangso' apoem: we' nghoid nyid nyang: kyeing" za: dangain" da" yhoug: gyen: thang nam: baid' daloem: da" jo yoo ri yo" yu baja"- shid: bye: bang: mo doem dei to'' loo nhang: da" zooshid" mang: moo" nyang: nghoid.

KOLOSE 1:18 ပူးပေါင်းရင်းမြစ်များ

COUNG" NGHEI 89:27

Ngoo gi nyang: ri nga" zooshid" da" aya: moo tu: to' too" wa zi nghoid. Khokham yi dangain" da" atho' moo je" gyi: su: ngoo bue" loo nhang: wa zi nghoid.

SHOLUMON JIKHOIN" 5:10

Nga" jhed gi young" ziyo' yoem: bo wigi damoin moo nyang: dayug kyeing" dabo da:.

ESAIA 52:13

Aseing tid zigi «Nga" dei zoo: gi nya: moo" ri oung: myug sho' koid loo wa. Nyang: gi gye" myhang: sho' ngi: shab byid: zi shoug" wa.

MATHE 23:8

Nghoidloug we' nanu" dangain" mo, gi nya: mang: nya: nhung" nyang: cang" nghoid lho: nanu" da" tho' moo sara: gi dayug kyeing" za: danyid yoomo nanu" nyang: cang" ‹sara: we"› ein: akhi: goo".

MATHE 28:18

Aseing Yesu gi cangzoo: yi jang" moo tain re" lho: mougkhung: tho' yo' myidjang: dang moo jo, da" amyeing" a: na: dangain" gi ngoori byid: too" bye.

YOHAN 1:1

He; mougmyid yoo soo" ri aphain" too" shi" mo Mungdang: gi jo, jo, gu nghoid bye. Hau: mungdang: gi Mangsoo yo" dage" nyid. Mungdang: we Mangsoo nyang: nghoid bye.

YOHAN 1:16

Nyang: gi Jeju" yo" byeung" su: nghoid zi yo" dakhyoo" ti"- Jeju" da loem: thang: moo daloem: nyhang" ri shamain" byid: nyid.

YOHAN 1:27

Hau: yug gi nga" thang: moo da ju" ri" nghoid loug we' Ngoo gi nya: khyid: baid tei" phid: byid: wa zi lang" amoin: yi" su: nghoid- ga: tid.

ACTS 26:23

Meshia gi dayam, dayoo: kham, zo: wigi nyang: gi shid: jang" mo xang: shed" doem dei to' loo su: nghoid ziyo' - Yuda byumyu" yi yo' tungbau byumyu" yi ri khyoid yu khyoo: ri tid fu" loo" goo" wa ga: Meshia yo' lapi: yi tid too" khare" ziyo' dakhyoo" ti" ngoo kho" kyo"- ga: tid.

Roma 8:29

Mangsoo: gi - nyang: khyen yu too" mo, ri nya: zoo: Yesu yhang: ti" bue" loo wa shid' re" nghoid.

1Korinthians 11:3

Nghoid loug we'- yuggi yi dangain" bang: da" vhuloem gi Khristu nghoid nyid. Myi yi: yi da" vhuloem koem gi yuggi yi nghoid. Khristu da" vhuloem gi Mangsoo nghoid nyid da" khyoo: ngoo nanu" ri se' gyoo: nhang: nau.

1Korinthians 12:27

Akhid" nanu" dangain" bang: gi Khristu da" gung doem joem nghoid boem wigi- yug khang" moo" gi houg: mo akung: ako'' joem nghoid.

1Korinthians 15:25

Khasu" wim ga: ri Mangsoo gi gyi phung dangain" ziri: oung: lo" lho: Nya: da" khyid: voo: khoug: khyoo: kaid pyam da" ayo, ju" sho'- Khristu gi vhoeb khang" nyid wa zi nghoid.

Ephesu 1:10

Ayo, bidnyid byeung" loo lang" gi Mangso wigi joeb byeung" loo nhang: wa da" hau: soin nyheung lo" da" khyoo: gi moug: khung: moug: di mo we' myid' jang: tho' moo we' phain" too" moo too" dangain" ri Khristu moo dadeing: daloem: za: bui" wa khyoo: nghoid.

Ephesu 5:23

Khristu gi hau: phung: da" atho' moo vhuloem bui" wa da" amyeing" akhang" yo" ziyo' dakhyoo" ti"- hau" yhoem: seing: phoo we' yhoem: seing: myhi' da" atho' moo vhuloem bui" wa da" akhang" yo"- Khristu gi nya: gung doem: nghoid nyid da" hau: phoung: da" khyoid yu Aseing: we' nghoid nyid.

KOLOSE 1:24

akhid" koem gi nanu" da" shid re" ngoo thoung" shau" da" shid: gyoin, noogyoin, moo gau yi ngei pyo: nyid Khristu gi nya: gung du: ein: da" phoung: shid re" kyi" khyeug khyoo: thoung" shau" ziyo' dakhyoo" ti"- ngoo gi ngoo nya: gung du: shid re" kyi" khyeug kham, khyo" wigi Khristu gi nya: gung doem: ein: da" hau" phoung: shid re" kham, da" kyi" khyeung khyoo: moo ca" nyid shi" da" kyi" khyeug khyoo: ri nga" da" gung moo kham, zo: nyid da" kyi" khyeug khyoo: yo' joeb byeung" byid: nyid.

KOLOSE 2:19

Gung du: da" vhuloem nghoid nyid Khristu moo xo' nhei: khau: nghe: jang" mo phoug pyeug loo" mo, nghoid ago- Khristu vhoeb, khang" da" akhoug: moo dagung goin" gi hau: da" youg: xeig youg: myo, yo' shoo" gyi: youg: khyang: joem wigi myheug shoin" to" lho: khu: gyi: kaid' ziyo' Mangsoo myid vho: khyo" gyi: sheung: loo wa nghoid.

1YOHAN 1:1

Xang: shid" mo nyid nyid bye: da" hau" kangso' dei da" mungdang: khyoo: ri nanu" jhang khyoo: ngoonu" lhid" kaid' boem. ngoonu" gi hau: ziri shau" gyo: yu" boem bye- myojid" yo' we' myang yu" boem bye- nghoid -ngoonu" myang yu" boem bye: yoomo ngoonu" da" lo, wigi we' shau" tain" yu boem bye.

Pang Shug 1:18

Ngoo gi dadei nyid su: we' nghoid- ngoo shid: bye: nghoid loug we' apyaid atoo: moo ngoo dadei nyid shid: loo" no lo" da" khyoo: yo' moo vo, mau: da" atho' moo we' vhoeb, wa amyeing" ngoo yo.

Pang Shug 1:5

Kyed' da" sagsi: phoo- shid: jang" mo xang: shed" doem dei to'' yu zi shau" da" mougmyid Khokham" yi ri vhoeb khang" nyid da" Yesu jang" mo nghoid loug we' jeju" yo' myenjham" khyoo: ri nanu" shau" kham: yu goo" baja"- nyang: gi nanu" ri jheddab yoomo shid kham: khyo" wigi ngoonu" da" youg: noo yooboo mo loid byoin loo" nhang: lho:

Pang Shug 1:8

Goo nham pyaid he: da" pyaid thang: phyang" apyaid moo ju" sho' danyid nyid da" athang agoin yoem: moo" bo Aseing: Mangsoo gi da tid nyid. Ngoo gi xang: shed" su: we' lo" thang mo su: we' nghoid- ga: tid nyid.

Pang Shug 11:15

Hau: thang: ri nyhed, yug ein: da" moug: lagyoo: gi nya: laboo" ri doem moid kaid' lang" moug: khung: mo thui: zeing myeung thu lo zigi mougmyid' ri vhoeb, khang" da" amyeing" gi ngoonu" da"Aseing: we' Meshia da" lo, khoug: khyoo: vang loo" bye: wigi apyaid' atoo: moo vhoeb khang" nyid wam: bye: o"- ga: tid.

Pang Shug 21:6

Hau: lho: nyang: doem, tid zigi Hau: gu: gi bain koid bye"- ngoo gi xang: shed" mo su: yo' thang: thang mo su- gam shid" shi: su: yo' gam thang: theing su: we' nghoid- gyid shed' su: ri hau" kangso' gyid ' bug moo shug gyid ri aphoug" amho, loo: za: ngoo byid: wa zi nghoid.

Pang Shug 22:13

Ngoo gi xang: shed" yug yo' lo" thang yug- gam, shid" shi: su: yo' gam, thang: theing su: nghoid,, ga: wigi Yesu tid.

Pang Shug 3:14

Ladoki phung da" mauglagyo: jhang khyoo: hidsu" ein: lhid" we' He: da" mungdang: gi Mangsoo phain" to" da" ziyoo dangain" da" apoem: ayang: geung: teung jo, ziyo' deing byeung" da" sagsi: phoo- Amen, ga: su: jang" mo mungdang: nghoid.