HOSEA 11:4 - Lacid Common Language Bible

⁴ Ngoo gi nyangnu" ri nga" jhang jheddab seing" no myid yo' lang: she: yu bye:. Ngoo gi nyangnu" ri koid: vu, yu lho: nga" baloid moo tab ci: loo bye:. Ngoo gi nyangnu" jhang goeb lho: zho" jhug loo bye:.

HOSEA 11:4 ပူးပေါင်းရင်းမြစ်များ

2 SAMUELA 7:14

Ngoo gi nya: phoo nghoid wa ziyo' nyang: gi nga" zoo: nghoid wa zi nghoid. Nyang: shoid da" uri nya: phoo gi nya: zoo: ri dam byid: yhang: ti" ngoo dam byid: wa zi nghoid.

COUNG" NGHEI 105:40

Nyangnu" gi zheung: mho' nyid ziyo' dakhyoo" ti" ngho' tu' joem ri khyo' kaid byid- Nyangnu" nheugdeug sho' shoug" zo boem wa shid mo mougkhung: mo zoo: noem nyangnu" ri: khyoo, byid: nyid.

THU' LO" MOUGSOUG" 16:32

Moshe gi «Aseing da" amyeing" dang: gi Manna zooyho' dayham" ri nyha" amyed ashen yi shid re" teing shoung: too" we'. Hougsu" lang" nyang: ngoonu" ri Egutu mo shu" thu lo uri dain" pyoid yoo moo nyang: ngoonu" ri byid: zho" da" zoo: noem nghoid ein: ziri nyangnu" yo" myang si' goo" baja"» ga: tid.

SHOLUMON JIKHOIN" 1:4

Nang yo' dage" ngoo ri khe: yu wigi nyha" tang: phang: shang. Nga" khokham bue" lho: ngoo ri re" yab khyoo: shu" loo" we'. Nyha" tang: dage" pyoo: shang. Zabyid yhid: yed sho' shug lho: pyo: nyid shang. Myiyi: myhi' yi dangain" nang ri jheddab zigi ce: moug" cang aboo.

ESAIA 63:9

Nyangnu" da" kyi" khyeug yau: khi" dangain" mo khyoid yu bye:. Hau: zigi moug: lagyoo: dayug anghoid. Nghoid loug we' nyangnu" ri khyoid yu su: gi Aseing nyang: nyang: nghoid da:. Nya: jheddab myid yo' nheig khyeug myid mo nyang: nyangnu" ri khyoid yu bye:. Nyang: gi lid: lo da" ayo, moo khanham we' nyangnu" ri goin coung: byid: lo da:.

HOSEA 2:8

Nyang: gi nyang: ri shivoo:- zabyid yhid:- zhainloin: xu: yo' nyang: Bala ri no' da" uri nyang: ngei" byid: da" ngei yo' sheing: dangain" gi ngoo byid: zi nghoid ga: ziri khanham we' yhen: yu zi anghoid.

XOIN" NGEI" 26:13

Ngoo gi nanu" ri join khanham we' abui" loo: wa shid re" Egutu mo nanu" ri shu" thu lo da" nanu" Aseing Mangsoo nghoid. Ngoo gi nanu" ri doin: zeug to" da" yoem: so' ri khyau" pyam wigi nanu" vhuloem ri nghang ci: lho: ngoo nanu" ri khyoo: soo" nhang: bye:» ga: tid.

YOHAN 12:32

Ngoo gi myidjang: tho' moo tu: zhug lhang" to" zi shau" nyid uri Byu dangain" ri nga" jhang khyoo: lang: yu wa zi nghoid ga: tid.

2~KORINTHU 5:14

Ngoonu" ri Khristu da" jheddab nheig loem: yo' vhoeb khang" too" bye. Khasu" wim gari byu dayug gi dangain" mo, shid re" shid: kham: bye: ziri ngoonu" nheig shid: nheig deug boem bye. Hougsu" wigi hau: khyoo: gi nyang: shid: kham: bye: jang" moo dangain" mo, bo shid" lklham bye: ga: da" dang kang: nghoid nyid.

TARHA" TID POIN" 32:12

Aseing dayug kyeing" za: tungbau yu phara" wigi pang" zi aboo loo za: nya: byumyu" yiri shu" lo da:.

TARHA" TID POIN" 32:14

Nyangnu" da" nu: zeing joem yo' coidbaid zeing joem gi nau" myoo" sho' byid: da:. Nyangnu" gi ge thang da" yang joem coidbaid joem yo' nu: joem ge thang da" sungsoo: yo' ngham" thang da" zabyid yhid: joem yo" ago".