HAGI 2:3 - Lacid Common Language Bible

³ Nanu" da" akhoug: moo shid phyang" mo Noku Yhoem: Moo" da" myonhoo: yoeb bang ri shau" myid soo" bang: boo shi" la". Hau: ziri akhid" nanu" khasu" yu" go" la". Hau: zigi dangain" ciwe' anghoid loo yhang: ti" jhoo: goo" wa bye:.

HAGI 2:3 ပူးပေါင်းရင်းမြစ်များ

1 KHOKHAM MHOOMYID: 22:5

David gi «Nga" yuggi zo: Sholumon koid wa da" Noku Yhoem: Moo" gi mougmyid tho' moo reung: wigi myeing gyi: ca" da:. Nghoid loug we' nyang: gi apyaid ngi shi" wigi gung shau" amyoo: shi" yoomo hau: shid re" ngoo nyheing soin" too" byid: ca" da» ga: myid da:. Hougsu" yoomo David gi: nyang: ashid: shi" uri: yhoem: koid seig voo: myoo" sho' jen" jen" koid to" da:.

EZRA 3:11

Nyangnu" gi Aseing gi ge: nyid ziyo: nya: jheddab myid gi Israela byumyu" yi adang moo apyaid atoo: dajo, nyid ga: doem pug coung" coung" koid nyid ago". Noku Yhoem: Moo" apoem: ayang: zhoug yo" koid shid" loo" bye: yoomo yugkhang" moo" nyangnu" dangain" mo, yoem: yo' nyho: wigi Aseing ri coung" nghei nyid ago".

EZRA 3:12

Apyaid gyi: wigi xang: shi" da" Noku Yhoem: Moo" ri myang da" khainjung Levi akung: ako' mo vhujhung: yigi akhid" ayang: koid shid" lo" da" Noku Yhoem: Moo" ri nyangnu" myang lang" gye" yoid ngau nyid ago". Nghoid loug dayham" bang: gi gau yi ziyo' nyid ago".

ESAIA 64:10

Re" gyeung" shang: da" voomoo" joem gi dain" pyoid yoo yo' du wigi Yerusalem gi jham" coug: youg byo, yoin" jo, da:.

EZEKIEL 7:20

Shid phyang" nyangnu" gi nyangnu" da" yung" wigi phoug" dab da" lug zi joem gang mo nghoid boin: boem loug we' nyangnu" gi hau: joem ri aco' ajhoid yu phara" soolhoo: joem koid wa shid re" ci: pyam ago". Houg: yoomo Aseing gi nyangnu" da" jonu" joem ri nyangnu" shid re" aco' ajhoid bue" pyam nhang: da:.

HAGI 2:9

Noku Yhoem: Moo" aseig gi yhoem: moo" axau" tho' moo yoeb bang je" boo wa zi nghoid. Houg: moo nga" mung" byu yiri ngoo gi yoo" zoo: yoo" shug nhang: ziyo' myenjham" khyoo: byid: wa zi nghoid. Yoem moo" bo da" Aseing gi tid nyid bye:.