HAGI 2:2 - Lacid Common Language Bible

² Yuda mung" zoug: Zerubabela yo' khainjung moo" Yoshu ri we' mung" byu yiri we' tid kyoo" we' ga: lapi: Hagi ri tid zigi

HAGI 2:2 ပူးပေါင်းရင်းမြစ်များ

EZRA 1:8

Nyang: gi hau: zigi khokham vang mo gyi: thang da" jonu" zoem: su: Mitreda Zhayhen" koid to" ziri yu wigi Yuda gyizoug: Shebaza ri ab byid: bye:.

EZRA 2:63

Urim yo' Thumin se' ci: da" khainjung athu ri" ri" gi Mangsoo ri xoin" to' da" zoo: shug ri nyangnu" age zoo: wa ga: Yuda mung" zoug: gi nyangnu" ri tid bye:.

EZRA 3:2

Yehozadag da" nya: zoo: Yeshua yo' nya: byencang" khainjung yi we' Shelatila da" nya: zoo: Zerubabela yo' nya: bidnoem yi we' wigi Mangso da" byu Moshe da" tarha" moo lhid" to" jhoug" shid khyoo: yo' dakhyoo" ti" nyangnu" myi: nghi' xoin" to' wa shid re" Israela byumyu" yi Mangso da" xoin" to' phoin: ri doem koid abye: go".

NEHEMIA 8:9

Byumyu" yigi hau: Tarha" wigi mho' ziri shoug" gyoo: lang" nheigloem: loeb re" boem wigi gye" ngau re" ago". Houg: yoomo mung" zoug: Nehemia- khainjung yo' tarha" ri si' su: Ezra yo' tarha" ri tid sho' kyo" da" Levi byu yigi mung" byu yiri he: ziri tid kyo" ago". «He: bidnyid gi nanu" da" Aseing Mangso shid re" gyeung" shang: da" bidnyid nghoid yoomo nanu age koug age ngau goo" wa.

HAGI 1:1

Persi mung" moo Dari gi Khokham khoo" zhoung: zi eig zain ein: zain lhammoo" khyug khyab xain" danyid" moo Aseing jang" mo mungdang: gi Lapi: Hagi khyo" wigi Shelati Yuda mung" zoug: Zerubabela yo' Yehozadag da" nya: zoo: khainjung moo" Yoshu eig yug shid re" ju" ri" bye:.

HAGI 1:12

Hau: uri Babelon mung" khyoo: pyoung" she: loo" shoug" jang" mo doem tau" lo da" Zerubabela- Yoshu yo' byumyu" yi dangain" gi Aseing Mangsoo nyangnu" ri koid nhang: da" moo" ri koid bye:. Nyangnu" gi Aseing lapi: Hagi ri gyoug boem ziyo' tam" gyo: nyid boem.

HAGI 1:14

Aseing gi yhoem: moo" ri doem koid wa shid re" pyoung" she: loo" shoug" jang" mo doem tau" lo da" Yuda mung" zoug: Zerubabela khainjung moo" Yoshu yo' mung" byu yi dangain" da" nheigloem: ri tid nhau" to' kaid. Nyangnu" gi Dari khokham khoo" zhung: da" eig zain ein: zain lhammoo" khyug khyab eig xe: myid: nyid" moo yoem: moo" bo da" Aseing nyangnu" da" Mangso da" yhoem: moo" ri aseig doem koid shid" lo" boem bye:.