HAGI 1:2 - Lacid Common Language Bible

² Yoem: moo" bo da" Aseing gi Hagi ri tid- «He: byumyu" yigi Noku Yhoem: Moo" doem so' koid wa ayo, anghoid shi"» ga: tid nyid.

HAGI 1:2 ပူးပေါင်းရင်းမြစ်များ

2 KHOKHAM 12:7

Houg: yoomo nyang: gi Yehoiada yo' khainjung yiri khe: yu lho: «Nanu" Noku Yhoem: Moo" ri ciwim yoomo aso' koid go" la". Akhid" nyid" mo thei: gu: nanu" shoug" kham: yu da" ngei ri nanu" lo, moo age zoem: ci: goo" wa. So' koid da" moo" yo" koid wa shid re" nanu" ab byid: ca" goo" wa» ga: tid da:.

EZRA 4:23

Artaxaxe khosen jang" mo Rehum Shimshai yo' nyangnu" byencang" yi jhang khyoo: foin: kaid da" mougsoug" ri nghab wigi dalheing: dam nyangnu" gi Yerusalem khyoo: yhe: lho: voogung so' koid nyid da" Yud byumyu" yiri yhe: toem' pyam.

NEHEMIA 4:10

Yuda byumyu" yigi nyangnu" khoin" da" jikhoin" daloem: yo" da:. Hau: zigi «Ngoonu" gi yoovoin lid: voin yoomo yoem: neing: bye:. Yu pyam wa zhoothung" adu athang: gye" myo: da:. Akhid" nyid" ngoonu" vang ri khasu" yo" doem zhug loo: wa lug la"» ga: zi nghoid.

DANG: ZHOEM 22:13

Byunei" gi yhoem: moo: za: nyid nyang: tunggung khyoo: thu' loo" lang" gi khang khyi, lhoem: ngaid wa ga: tid nyid.

DANG: ZHOEM 29:25

Subi" gooje, wigi nang ri ciga: goo" wa la"» ga: myid ci: khyoo: gi gyoug ci' ca" nyid. Nghoid loug we' Aseing ri loem khau: nyid nghoid rikoem gi nang gau: nyu: nyid wa nghoid.

PHAJHI" DANG: 11:4

Nang gi lid yo' ayo, gi ri dalang" nyid nghoid rigi khanham we' ci: yo" shoo" wa zi anghoid. Houg: lho: khanham ce: daja: ri we' yo" yham" wa zi anghoid.

PHAJHI" DANG: 3:3

Said pyam da" ayo, yo' noo byang" byid: da" ayo, phyo' khyo' pyam da" ayo, yo' koid wa ayo, ri asoo" to" to" da:.

PHAJHI" DANG: 9:10

Nang zei: da" moo" zoo" ci moo nghoid loug we' yoem: kaid wigi koid we'. Ciwim gari moovo moug: moo gi moo" zei: zi ajo, wa. Myid yu" zi ajo, wa lasi phajhi" ajo, wa Phajhi" juyhi: ajo, wa. Houg: lho: hau: joyoo gi nang yhe: loo" wa joyoo nghoid da:.

HAGI 1:1

Persi mung" moo Dari gi Khokham khoo" zhoung: zi eig zain ein: zain lhammoo" khyug khyab xain" danyid" moo Aseing jang" mo mungdang: gi Lapi: Hagi khyo" wigi Shelati Yuda mung" zoug: Zerubabela yo' Yehozadag da" nya: zoo: khainjung moo" Yoshu eig yug shid re" ju" ri" bye:.

HAGI 1:3

Houg: lang" Aseing gi Lapi: Hagi khyo" wigi mung" byu yiri he: da" mungdang: ri tid kaid.

GYUNG: SOO" 13:31

Nghoid loug we' Khaleb yo' dage" yhe: da" byu yi gi «Anghoid wa. Nyangnu" ri meing: zain: wa shid re" ngoonu" moo: yoem: bo nyid zi anghoid. Houg moo: nyid da" byu yi gi ngoonu" tho' yoem: je bo da» ga: tid.