ESAIA 9:3 - Lacid Common Language Bible

³ Aseing we" nang gi nyangnu" ri ngei bu: zi myoo: sho' byid: to" abye:. nang gi nyangnu" ri ngei pyoo: nhang: abye:. Byu yi nyangnu" shivoo: yham" yu uri kang: bu ziyo' Nyangnu" shau" shoem" yu da" jonu" dangain" ri nyangnu" gam go" uri ngei bu: ziyo' dayhang: ti Nang koid lid: lo da" lo, moo" moo nyangnu" ngei pyo: boem ago".

ESAIA 9:3 ပူးပေါင်းရင်းမြစ်များ

NEHEMIA 9:23

Nang gi nyangnu" ri mougkhung: mo kyi: myoo' myo: da" zoo shang: yiri byid: da:. Houg: lho: nang wigi nyangnu" ri byid: wa ga: nyangnu" phoug" phyid" yiri dangsoo" byid: to" da:. mougmyid ri oung: yu nhang: lho: hau: akhoug: moo nyid nhang: bye:.

YOBA 12:23

Nyang: gi byumyu" mungdain: yiri yoem boo nhang: wigi gyi: sheung: nhang: da:. Nghoid loug we' thang: ri nyangnu" ri soem" nhang: wigi phyo' shoin' pyam da:.

COUNG" NGHEI 107:38

Nyang: gi nya: da" byumyu" yiri mainkaid byid: lho: nyangnu" moo nya: myid: nya: zoo: yi myo: loug je: bue: lo nyid. Hau: lho: nyang: gi nyangnu" da" gougnyhoug joem aneung: loo" baja" ga: lhoug zung" byid: nyid.

COUNG" NGHEI 119:162

Aseing re" dang soo" khoin" joem yoomo ngoo khayhi' gau yi ngeibu: nyid lha". Myo: tham: da" jonu" ziyoo joem ri shoug" seing: su: yhang: ti" gau yi ngeibu: nyid.

COUNG" NGHEI 4:7

Nghoid loug we' nang ngoo ri byid: da" gau yi ngei pyo: khyoo: gi nyangnu" yo" yu boem wa zi nghoid. Nyangnu" da" gugzoo meiloem: joem yo' zabyid moin" joem we' dangain" tho moo: je" ge byid:.

ESAIA 10:26

Myhang: thang Aseing ngoo gi Oreb lugpyung: nam moo Midian byu yiri baid ziyo' dakhyoo" ti" nga" voosi" yo' nyangnu" ri baid wa. Egutu byu yiri ngoo yooboo dam byid: ziyo' dakhyoo" ti" Asuri ri ngoo yooboo dam byid: wa.

ESAIA 12:1

Meing: byu yigi coung" nghei jikhoin" khoin" da" ayo, ju" loo wa. Hau: zigi Aseing we" ngoo gi nang ri coung"- nang gi ngoo ri nheig yo da:. Nghoid loug we' akhid" nang ngoo ri nheig teing byid: wigi nheig ayoo: loo: nghoid da:.

ESAIA 14:5

Aseing gi meing byu yiri nheig yoo: nheig jhug zeig zo: wigi nyangnu" oung: pyam da" byumyu" yiri khanham we' atheing: loo: shen" yhen nyid da" akhyeing" da" khokham yoem: so' ri thang loo" nhang: da:.

ESAIA 25:9

Hougsu" bui" lang" yugkhang" moo" gi «Nyang: gi ngoonu" Mangsoo nghoid. Ngoonu" nyang: ri loem khau: nyid lho: nyang: ngoonu" ri khyoid yu abye:. Nyang: gi Aseing nghoid. Nyang: ri ngoonu" loem khau: nyid wigi akhid" ngoonu" ngei pyo: nyid gau yi nyid. Ciwim gari nyang: ngoonu" ri khyoid yu abye:» ga: tid loo goo" wa.

ESAIA 26:15

Aseing we"- nang gi ngoonu" byumyu" ri myo: loug loo nhang: abye:. Hau: mougmyid ri shoid khang" moo" khyoo: lam: je: loo nhang: abye:. Houg: lho: hau: zigi nang ri ngi shab byid: abye:.

ESAIA 35:10

Nyangnu" gi Yerusalem khyoo: ngei pyo: ziyo' jikhoin" khoin" lho: gau yi wigi nyho: lho: ju" loo wa. Nyangnu" gi apyaid atoo: moo ngei pyo: yug yoo loo goo" wa. Nheig koug ziyo' koug ngau zi apyaid atoo: moo ajo, loo wa.

ESAIA 35:2

Dain" pyoid yoo gi ngei pyo yoomo jikhoin" khoin" wigi yoid nyho: loo wa. Hau: zigi Lebanon boem joem su" yung" loo wa. Khamela yo' Sheron da" yoothung" joem su" myidxu: bo loo wa. Yugkhang" moo" gi Aseing da" myonhoo: yoeb bang ri myang wa. nya: da" gyi: sheing: khyoo: yo' yoem so' ri myang wa.

ESAIA 54:1

Yerusalem we"- nang gi bougdung: myhi' dayug ti" bue" lid: loo bye:. Nghoid loug we' akhid" nang gi gau wigi jikhoin" khoin" ziyo' yo" nyhoo: bye:. Akhid" nang gi yhoem: seing: phoo wigi khanham we' atoo" kho' da" myiyi: dayug tho' Zooshang: je myo: abye:.

ESAIA 55:12

«Nanu" gi gau yi ziyo' Babelon mo thu loo goo" wa. Nanu" gi voomoo" khoug: mo ngei pyoo: yug yoo tung" shu" thu loo zi shoug" wa. Boem joem yo' bouggung joem gi jikhoin" khoin" loo goo" wa. Houg: lho: seiggam joem gi gau wigi nyho: loo goo" wa.

ESAIA 61:10

Aseing koid bye: da" lo, moo" yoomo Yerusalem ngei pyo: da:. Nyang: gi nya: lo, xo' pui" shid re" soin' shoung: void ci: da" myhi' seig yo' du loo wa. Mangsoo gi nyang: ri khyoid yu ziyo' oung: doid zi wigi foid too" abye:.

ESAIA 61:7

Nanu" da" sho' ziyo' ngi: yoem" zigi thang byug da:. Nanu" nya: mungdain: moo nanu" yo" nyid wa. Houglho: nanu" da" jonu" gi eig zhang nghoid loo wa. Nanu" da" gau yi ngei pyo: zigi apyaid atoo: moo jo, jo, wa.

ESAIA 65:14

Nyangnu" gi nyid pyo: wigi jikhoin" khoin" loo goo" wa. Nghoid loug we' nanu" gi nheigloem: thang wigi ngau loo goo" wa.

ESAIA 65:18

Ngoo phain" so: to" jang mo apyaid atoo: gau yi ngei pyo: nyid ge'. Ngoo phain" to" da" Yerusalem aseig gi ngei pyo: zi yo' byeung" jo, wa. Houg lho: nya: byumyu" yi we' ngei pyo: loo goo" wa.

ESAIA 66:10

He: voomoo" ri jheddab bang: nanu" we" Yerusalem yo' dage" ngei pyoo: ge'. Nya: shid re" gau ge'. Nya: shid re" koug ngau nyid bang: nanu" we" akhid" nyang: yo' dage" ngei bu: ge'.

YEREMIA 31:7

Aseing tid zigi «Byumyu" yi da" gyi: sheung: thang da" Israela gang mo ngei pyoo: tung" jikhoin" khoin" ge'. Nanu" da" coung" nghei jikhoin" khoin" ge'. ‹Aseing gi nya: byumyu" yiri khyoid yu bye:. Nyang: gi deing da" bang: dangain" ri khyoid yu bye:.

HOSEA 4:7

Nanu" khainjung je myo: ri je nanu" gi ngoo ri je yooboo shoid ago". Houg: yoomo ngoo gi nanu" da" ngi: shab khyoo: ri phue: loo" nhang: wa.

XOIN" NGEI" 26:13

Ngoo gi nanu" ri join khanham we' abui" loo: wa shid re" Egutu mo nanu" ri shu" thu lo da" nanu" Aseing Mangsoo nghoid. Ngoo gi nanu" ri doin: zeug to" da" yoem: so' ri khyau" pyam wigi nanu" vhuloem ri nghang ci: lho: ngoo nanu" ri khyoo: soo" nhang: bye:» ga: tid.

ZEKHARIA 10:8

«Ngoo gi nga" byumyu" yiri Khe: yu lho: dage" zheing" too" wa nghoid. Ngoo gi nyangnu" ri khyoid yu lho: shid phyang" yhang: ti" nyangnu" ri doem myo: je: loo nhang: wa.

ZEKHARIA 2:11

Hau: da" bidnyid ri byumyu" myoo" sho' bang: gi Aseing ri loem khoug: lo boem wigi nya: mung" byu yi bue" lo boem wa nghoid lho: ngoo gi nanu" akhoug: moo nyid wa nghoid. Nyang: yoem: moo" bo Aseing gi ngoo ri nanu" jhang khyoo: nhang: kaid su: nghoid ziri nanu" se' lo boem wa nghoid.

ZEKHARIA 8:23

Hau: da" bidnyid moo tungbau byumyu" daxi: yug gi Yuda byu dayug thang: moo re" lho: Mangsoo nanu" yo' nyid ziri ngoonu" shoug" gyoo: bye: yoomo ngoonu" we' nanu" da" vhu" pi: lo, kyo' khoug: moo bo nyid nau› ga: tid lo boem wa ga: yoem: moo" bo da" Aseing tid.

LUKA 11:22

Nghoidloug we' hau: youg tho' mo yoem: gyi: su: ju" loo lang" gi nyang: ri lo zain: oung: pyam lho: hau: yug myid loem: nyid da" gyi zi gyi khoo: dangain"- lhoid shoem" yu pyam wa. Yo" zain: yu da" ziyoo jonu" we' nya: da" bidnoem yi ri gam byid: pyam wa zi nghoid.

ACTS 8:8

Hougsu" nghoid yoomo voomoo" khoug: mo byu yi gi gye" agau yi ngei pyo: lo boem bye.

PHILIPI 4:4

Hau" Aseing: yo' deung: shoin" da" khyoo: moo nanu" khanham we' gau yi ngei pyo: nyid goo" baja"- ngoo deom tid ba- gau yi ngei pyo: nyid goo" baja".

1PETERU 1:8

Nanu" gi Khristu ri amyang yu" boem nghoid loug we' jheddab nyid-akhuid" amyang shi" nghoid loug we' nanu" gi Aseing: ri loem" jeung" nyid bye- hougsu" nghoid yoomo nanu" gi nhoid, yo' tid loo, a-oung: loo: sho' gau yi ngei pyo: ziyo' ngei pyo: nyid boem bye.

TARHA" AGYI 5:3

Khokham yi nanu" we"- tam" gyoo: ge'. Vhoeb khang" bang: nanu" we"- nyeing" za: tam" gyoo: ge' Ngoo gi Israela da" Aseing Mangsoo ri music thui: yo' coung" nghei wa.

TARHA" AGYI 7:22

Gideon da" byu gi nyangnu" da" laboo" moid nyid boem uri Aseing gi gyivo gyidab ri nyangnu" sham: yo' nyang: cang" nyang: gyi zain: nhang: da:. Nyangnu" gi Zarethan shoid khyoo: Bed Shila yo' Tabad nam mo Abemehola voogung ju" sho' tang" phang: lo" ago".

TARHA" AGYI 8:12

Midian khokham Zeba yo' Zalmunna eig yug gi phang: lo" byug ago". Nghoid loug we' Gideon gi cang khaid lho: nya: eig tang: ri myheig yu da:. Nya: eig tang: da" gyidab goin" ri byoodain byooshoo" bui" nhang: pyam da:.

1 SAMUELA 30:16

Houg: lang" nyang: gi David ri houg bang: jhang shu" yhi: bye:. Lhu: phyo' yen" bang: gi Philisti yo' Yuda mung" mo jonu" gye" myoo: sho' shoug" yu loo yoomo abyoo asain" zoo: gi shug gi pui" koid nyid boem.