ESAIA 9:2 - Lacid Common Language Bible

² Moug: coid khoug: moo so" yen" da" byumyu" yigi gyi: sheung: da" bidbang ri shau" myang abye: goo". Nyangnu" gi bid yoeb mungdain: moo nyid loo bang: nghoid ago". Nghoid loug we' akhid" gi nyangnu" ri bid zhoo: byid: abye:.

ESAIA 9:2 ပူးပေါင်းရင်းမြစ်များ

YOBA 10:21

Ngoo gi amyang" ri lo" byug wigi khanham we' adoem tau" loo loo: wa. Teing: no, wigi moug: doeb da" moug: khyoo: loo" loo: wa.

COUNG" NGHEI 107:10

Dayham" gi moug: coid khoug: yo' shid: lo" da" moug: coid, yoeb khoug: moo nyid nyid boem. Nyangnu" gi: joto' jangcoo" yo' tei" too" shau" da" thung: byu yi nghoid boem.

COUNG" NGHEI 107:14

Nyang: gi nyangnu" ri moug: coid khoug: yo' shid: lo" da" moug: coid yoeb, khoug: moo shu" thu' loo bye: ziyo' Nyangnu" ri tei" to" da" joto' jangcoo" ri we' lang: phyed pyam byid: bye:.

COUNG" NGHEI 23:4

Ngoo gi teing: yo' no, da" moug: coid khoug: khyo" so" lid: loo" nghoid loug we' ngoo yo' dage" nyid yoomo ngoo ci: agyug ca" loo. Aseing da" yang zung" lhamdung: yo' lham: toid gi ngoo ri goem coung: lhoug zung" nyid.

COUNG" NGHEI 4:8

Ngoo jhang" jo, uri ngei pyo: ziyo' ngoo yo" yhoeb lo. Aseing we"- nanyang: za: ngoo ri joeb joeb byeung" byeung" gau: yi joyoo moo: nyhid: too" bye:.

ESAIA 50:10

Aseing ri ngi: shab byid: boem da" bang: dangain" yo' nya: dei zoo: da" dang: ri tam" gyoo: mo, we" nanu" so" lo" da" khyoo: gi no ri no jo, wa. Nghoid loug we' Aseing ri loem khau wigi nanu" Mangsoo ri nghi: ge'.

ESAIA 60:19

«Nyid" mo bid we' re" bidbang anghoid loo: wa. Houg lho: myen" mo lhammoo" zho: zi we' re" bidbang anghoid loo: wa. Ngoo Aseing gi apyaid atoo: moo re" bidbang nghoid wa. Nga" phung" yoeb bidbang gi re" adang moo zhoo: byid: nyid wa.

ESAIA 9:1

He: yau: khi" da" ayo, mo loid byoin wa nyangnu" shid re" khyoo: gootu: aboo wa. Zebulun yo' Napthali byumyu" kung: yi da" mougmyid gi goonham' dalheing: ngi yoem" zi shoug" ago". Nghoid loug we' ju" loo wa da" ayo, moo gi Meing: gung panglai: bidthu shoid mo Yodan gyung: thu: tab ju" sho' mo mougmyid yo' tungbau byu yi nyid boem da" Galile ju" sho' lang" nghoid da" he: mougmyid ri ngi: shab byid: wa.

AMO 5:8

Aseing gi Kyi: gyo: lakhyoin- Boo" kyi: ga: da" kyi: joem ri phain" so: to". Nyang: gi moug: coid ri bidbang bui" nhang: lho: nyid" dang: gung rilang" myen" moo" bue" loo nhang:. Nyang: gi Panglai: gyid ri khe: yu lho: mougmyid tho' moo foid shoin" kaid nyid. Nya: myeing gi Aseing ga: zi nghoid.

MATHE 4:16

Moug coid khoug: moo nyid da" Byumyu" gi bidbang zeing ri myang boem wa. shid: zau: da" bid shoem: yoeb moo zhung: jo, mo, da" atho' moo bidbang ju" ri" wa» ga: kho" kyo" to.

LUKA 2:32

Aseing: soin jen" to" da" khyoid yu jeju" ri ngoo gi myang nyang: myang kho" bye- ga: coung" byid.

YOHAN 12:35

Yesu phougtu" da" zigi Bid' bang gi nanu" moo daso date: jo, loo- wa. Nanu" ri moug coid alo nghoeb' pyam wa da" shid' re" bidbang jo shi" da" uri so" yen" ge'. Moug coid khoug: moo so" yen" mo gi nyang: nyang: kha: khyoo: so" lo" zi asi nghoid ago".

YOHAN 12:46

Ngoori loem" mo dangain" gi moug: coid khoug: moo anyid loo: wa shid re" ngoo gi bidbang khyo" nyang: mougmyid moo ri" bye.

YOHAN 8:12

Dalheing: ri Yesu gi hparishe yi ri ngoo gi mougmyid: bidbang nghoid. Nga" thang: moo cang loo su: gi apyaid' ato: kangso' bidbang ri yo" yu lho: moug: coid' khoug: moo khanham we' asoo" loo: wa zi nghoid. ga: tid.

Ephesu 5:8

Shid' phyang" gi nanu" we' moug: coid' khoug: moo nyid lid lo yu" boem bye- Nghoid loug we' akhid" gi Aseing: da" byumyu" yi bue" lo boem bye: yoomo bidbang khoug: moo ju" vang lo boem bye- hougsu" nghoid yoomo nanu" gi bidbang da" nya: zooyi yhang: ti" zei: so' nyid yab, loo: ge'.

1PETERU 2:9

Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'

TARHA" AGYI 5:30

Nyangnu" gi lanyhoeb joem ri cang sho: zheing" yu wigi gam go" nyid zi za: danghoid wa. Gyizoo: dayug ri zoomyi: nu" dayug anghoid lang" eig yug- Sisera shid re" pain" gi Khokham myhi' leung zeung: moo void wa za: thau" to" da" ja: joem ri gam nyid go" boem wa zi nghoid.