ESAIA 9:18 - Lacid Common Language Bible

¹⁸ Akhyeing" da" byu joem gi zu: kyen: pung yo' zu: gam joem ri nge" pyam da" myi: yhang: ti" nge" ago". Myikhoug" athei" thei" thu sho' nge" da" dain" pyoid myi: yo' dakhyoo" ti" nge" ago".

ESAIA 9:18 ပူးပေါင်းရင်းမြစ်များ

MALAKHI 4:1

Yoem: moo" bo da" Aseing gi hid su" ga: tid nyid «Nghoid boin: nyid mo, dangain" yo' akhyeing" ashoeb da" moo" zei: nyid mo, dangain" ri khoofoo: ri yhang: ti" nghe' pyam wa da" ayo, gi ju" loo bye:. Hau: bidnyid moo nyangnu" gi nge" joem: lo" byug lho: houg: moo ci: we' jo, loo wa anghoid.

COUNG" NGHEI 83:14

Yooyang" no, yoid yoo ri myi: yo' nghe' pyam ziyo' boem ri nge" gyo" pyam da- siyoo myiyham: joem yhang: ti"

NAHUM 1:10

Zukyen: gyoem" yo' khoofoo: kyug yhang: ti" yhid: yed bang: nanu" gi nghe' pyam zi shoug" goo" wa nghoid.

ESAIA 5:24

Houg: yoomo akhid" khoofoo: yo’ myo, kyug kyug joeb lo" yhang: ti" nghoid lho: myi: moo nge" lo" da:. Nanu" da" agyi: joem gi moin" lo" wigi nanu" da" bain: boo" gi shoem: kyug lo" lho: moid tang" lo" byug wa. Ciwim gari Israela da" gyeung" shang: da" Mangsoo- Myhang: thang da" Aseing wigi ngoonu" ri jhau" shid re" ziri nanu" ngeug he: pyam yoomo nghoid.

Pang Shug 14:11

Nyangnu" ri nghe, shen" yhen nyid da" fang myikhoug" gi pyaid didu moo daboung" zhoung: to"- hau: akhyeung" da" gougnyhoug yo' nya: soolhoo: ri vhu" pid' pid' mo, yo' hau: gougnyhoug myeing ri lhid" tab ci: bang: hang" we' nyid" ri myen" rimyen, jham" khyoo: jo, loo: wa zi anghoid ga: thui: moo" yo' yoid nyho: nyid.

HEBRE 6:8

Nghoid loug we' hau" myidjang: gi zugam yo' myo, gam ri za: youg thu' loo nhang: nghoid rigi ce" akyu" we' abo tho' moo agoo"- Mangsoo da" nheing" khoin" yo' gyoug pho" khyoo: za: thoung" shau" lho: myi: moo nghe, jhoem" pyam' shau" wa nghoid.

MATHE 25:41

«Hau: da" thang: ri khokham" gi lo, koung" shoid khyoo nyid mo, ri ‹joem: so: zhung" da" byu yi we"- nga" jang" mo gang: loo" ge'. Yu satan: yo' nya: lagyoo: yi shid re" ein: nyheing to" da:- moo myi: apyaid atoo: thoem" khyoo vang loo" ge'› ga: tid.

NAHUM 1:6

Nyang: nheig yo: lo ri hang" yo" se' dei deung nyid wa lha". Nya: da" gyoug pho" nheig joem: yo: lo ri hang" yo" kham wa lha". Nyang: gi nya: da" nheig yo: myiyham: ri foid shoin" kaid ri nya: shidkhoin" mo lug moo" boem joem gi pheilhoug: bue" loo" bye:.

AMO 7:4

Yoem: moo" bo thang da" Aseing mo yoeb myang gootu: daloem: doem myang nhang: zigi houg: jang" moo nyang: gi nya: da" byumyu" yiri myi: wigi yooboo dam byid: wa ga: soin' to" ziri myang. Houg: myi: gi nammugdara thoem" moo" ri nge" pyam lho: mougmyid khyoo: nge" ju" lo nyid bye:.

YOELA 2:20

Moug: zhung: shoid khyo" gyoo" lo da" jhenkhyeug gyiphung: rigi nanu" mo ve: gang: loo" nhang: wa zi nghoid. Nyangnu" ri kyug kyi" ri da" dain" pyoid yoo khyoo: khaid thu pyam wa zi nghoid. Nyangnu" da" shid vhu" she: da" phung: rigi xoo" thoem" khyoo:- hau: thang: mo daphung: rigi Meing: gung panglai: khoug: khyoo: khaid thu pyam wa. Nyangnu" da" mang joem gi gye" boeb nam nyid wa nghoid. Nanu" ri koid byid: da" moo" zoo" yoomo ngoo gi nyangnu" ri phyo' shoin' pyam wa.

HOSEA 13:3

Houg: lho: he: byumyu" yigi nab soin: mo lang" khyoem' yo' dakhyo"- nab soin: no' mo bei: lo" da" nghain: yo' dakhyo" byug loo" goo" wa. Nyangnu" gi gug nang: jang: mo lid wigi moid tang" pyam da" gug soem: yo' myikhyoem zeing mo myikhoug" yo' du loo goo" wa.

ESAIA 33:12

Nanu" gi shafuid" lug joem yhang: ti" moin" byug boem wa. Myimoeb nge" joem: lo" da" zu: kyin: gam joem yhang: ti" nghoid goo" wa.

ESAIA 30:33

Goonham mo Asuri khosen ri nghi wa da" khyoem' moo" myi: dajo, yoo ri soin' to" da:. Hau: zigi no, wigi gyi: da:. Houg: lho: thang" myhang: sho' zuang to" da:. Hau: ziri nghe' pyam wa shid re" Aseing gi myiyham: ri moid thu kaid loo wa.

ESAIA 30:30

Aseing gi yugkhang" moo" ri nya: phung" bo dang: ri shau" gyo: nhang: lho: nyang: nheig joem: yo: da" yoem: ri kham zoo: nhang: loo wa. Hau: zigi myiyham:- dalheing: dam vo da" moug:- leig voo khyo'- moug: moo" vo loo wa.

ESAIA 27:4

Ngoo gi zabyid khyam: ri nheig ayoo: loo wa. Houg moo zukyen: yo' siyoo zukyen: bain: gam joem wigi thougtheung zain: lang" za: hau: joem ri ngoo bain sho' nghe pyam wa.

ESAIA 1:31

Myijhen" wigi zain nge" lo da" khoofoo: yo’ dakhyo" za: yoem: so' gyi: da" bang: gi nyangnu" nya: akhyeing" da" lo, moo" wigi phyo' shoin' pyam shoug" loo goo" wa. Hau: byo, yoin" khyoo: ri hang" we' ayo" toem' pyam goo" wa.

COUNG" NGHEI 37:20

Nghoid loug we' akhyeing" ashoeb bang: gi shid: boem: loo" goo" wa nghoid. Aseing da" gyivoo joem we' siyoo, mo da" bain: joem yhang: ti" shoem: lo" byoug wigi nyangnu" gi myikhoug" su" bei: lo" byoug boem wa.

TARHA" TID POIN" 32:22

Nga" nheig yo: zigi myiyham: yo' dakhyo" dab re" wigi Myid jang dang mo ja: khang" moo" ri nghe" pyam boem wa. Hau: zigi mougmyid khoug: khyoo: ju" vang lo" lho: boem joem da" apoem: agyi: joem ri nge" pyam loo wa.

COUNG" NGHEI 68:2

Myikhoug" thu' bei: lo" yhang: ti"- nyang: gi nyangnu" ri koin" thu pyam bye:. Byoomain" gi myikhyoem yam' moo: yau, yu: lo" yhang: ti" akhyeung" bang: gi Mangso shidkhoin" mo byo, yoin" lo" byoug ago".

ESAIA 1:7

Nanu" mungdain: gi jham" coug: youg bue" byug wigi nanu" da" voomoo" joem gi myidgung mo nghe" gyo" pyam to" abye:. Nanu" yu" nyid uri nyang: tungbau byu yigi nanu" mungdain: ri seing: yu pyam lho: ja: khang" moo" ri phyo' shoin' pyam ago'.

ESAIA 26:11

Nang wigi nyangnu" ri yooboo dam byid: wa ziri re" gyivoo yi asi nghoid ago". Aseing we"- nyangnu" ri sho' phu" nhang: wigi kyi" khyeug kham zoo: nhang: we' nang soin' to" da" yooboo dam nyangnu" ri kyi" khyeug kham zoo: nhang: wa. Re" byumyu" yiri nang khayhi' jheddab ziri nyangnu" ri ci: shug byid: we'.

ESAIA 33:14

Ziun moo nyid boem da" yooboo yoo" bang: gi gyoug wigi ko' ko' nain" nyid ago". Nyangnu" gi «Mangso da" dang: phyed khyoo: gi apyaid atoo: moo nge" nyid da" myi: yo' du da:. Houg yhang: te" da" myi: mo ngoonu" hang" dayug yo" nyid deing wa la"» ga: tid ago".

ESAIA 50:11

Subi" gootu: ri phyo' shoin' pyam wa gyi khau" koid bang: nanu" dangain" gi nanu" nyang: gyi khau" koid da" moo" wigi nyang: phyo' shoin' pyam zi shoug" loo goo" wa. Aseing nyang: he: ziri bui" nhang: loo wa. Nanu" gi nheigloem: amyen akhyoid kyi" khyeug yau: khi" kham zo: loo goo" wa.

YOELA 2:3

Nyangnu" gi myi: yo' dakhyoo" ti"- shivoo: shiloem joem dangain" ri zo: pyam boem ago". Nyangnu" da" shidkhoin" moo- hau: mougmyid gi Eden khyam: yo' du da:. Nghoid loug we' nyangnu" da" nungthang moo gi kyug byug da" dain" pyoid yoo ti" bue" byug wa. Nyangnu" mo ci" we' aloid nghoid da:.

OBEDIA 1:18

Yaku yo' Yoseb da" byumyu" yigi myi: yhang: ti" bue" loo" wa. Myi: gi khoofoo: nghoid joem ri nge" pyam yhang: ti" nyangnu" gi Eso da" byumyu" yiri phyo' shoin' pyam loo wa nghoid. Eso da" amyed ashen yigi nyid deing loo wa zi anghoid ein: ngoo Aseing gi tid nyid bye:.

1 KHOKHAM 16:21

Israela byumyu"' yi phung: kho' lo boem bye:. Dayham" gi Ginad da" nya: yuggi zoo: Tibni ri khokham koid nhang: nau boem wigi gootu: phung: gi Omri ri vho: nyid boem ago".

ESAIA 3:5

Byu yugkhang" moo" gi gooji yugkhang" moo" tho' je doid lo goo" wa. Apyaid ngi bang: gi apyaid gyi: bang: ri aphoug" goo" wa. Byugang: yigi nyangnu" da" khyoo: shid vhu" shi: bang: ri aphoug" goo" wa.

YEREMIA 9:3

Nyangnu" gi mhau' tid wa shid re" khanham we' jen" jen" nghoid ago". Adeingmain" zigi deingmain" da" gungthid hau: mougmyid ri vhoeb da:. Aseing tid zigi «Nga" byumyu" yigi akhyeing" da" moo" daja: bain thang: daja: koid ago". Houg: lho: ngoo ri nyangnu" Mangsoo khyo" asoin: yu nghoid ago"» ga: tid da:.