ESAIA 9:11 - Lacid Common Language Bible

¹¹ Aseing gi nyangnu" ri khaid zain: wa shid re" nyangnu" da" gyivoo yiri lhu: to' kaid da:.

ESAIA 9:11 ပူးပေါင်းရင်းမြစ်များ

2 KHOKHAM 15:29

Peka khokham koid nyid ayo, moo Asuri Khosen Tiglad Pilesa gi Iyon- Abela Bed Makha- Yanoa- Kedesha- Hazora voomoo" joem yo' Gilead- Galile- Nabthali mougmyid joem ri seing: yu pyam wigi voobyu yiri thung: byu khyo" Asuri mung" khyoo: shu" lo" ago".

2 KHOKHAM 16:9

Tiglad Pilesa gi Ahaza mho' da" khyoo: ri tam" gyo: wigi nya: gyidab yo' dage" to' yhe: lo" lho: Damasku ri yhe: zain: seing: yu pyam da:. Khokham Rezin ri said pyam lho: mung" byu yiri thung: byu yi khyo" Kira khyoo: shu" lo" da:.

ESAIA 10:4

Nanu" gi gyi khaid pui" moo said pyam shoug" loo goo" wa. Anghoid lang" thung byu yiri yhang: ti" she: khyoid lo" zi shoug" loo goo" wa. Hougsu" nghoid rilang" Aseing nheig yo: zigi atheing: wa. Nya: lo, gi yooboo dam byid: wa shid re" dayhoin" too" shi" wa.

ESAIA 28:1

Israela mungdain: gi joem: abye:. Nya: da" yhid: yed: vhujhung: yi vhuloem moo zhung" ci: da" bidmug joem mo bain: boo" joem yo' dakhyo" nya: phung" yoeb gi yhau" lo" byug abye:. Nyangnu" nghoid boin: da" vhuloem joem gi shoem: nam pyo: ja: xu: joid to" ago". Nghoid loug we' nyangnu" ashid: asoo" yed leung jo, ago".

ESAIA 5:25

Aseing gi nya: byu yiri nheig yo: wigi nyangnu" ri yooboo dam byid: wa shid re" nya: lo, ri yhoin" kaid da:. Boem joem gi loeb loeb lei" loo wa. Byu shid: mang joem gi mhoid soid yo' dakhyo" khyoogung joem moo daboem loo goo" wa. Hougsu" nghoid loug we' Aseing da" nheig yoo: zigi agyoo" wa. Nya: lo, koem' gi yooboo dam byid: wa dayhoin" too" shigoo" wa zi nghoid.

ESAIA 7:1

Uzia da" nya: myid:- Yotham da" yuggi zoo:- khokham Ahaza Yuda mung" ri vhoeb uri meing: byo, thu lo da:. Suri khokham Rezin yo' Pekaha ga: su: Remalia da" nya: zoo:- Israela khokham gi Yerusalem ri meing: zain: da:. Nghoid loug we' hau: ziri ayo" seing: yu pyam nghoid da:.

ESAIA 7:8

Ciwim gari Suri gi nya: voomoo" zeing Damasku tho' yoem: aje boo. Damasku gi khokham Rezin tho' yoem: aje boo yoomo nghoid da:. Israela koem' gi byumyu" mungdain: daloem: khyo" nyid deing jo, wa bang: gi khyug xe: wim: zain: gyoo: moo gyoeb, mhoin' pyam' zi shoug" wa.