ESAIA 7:2 - Lacid Common Language Bible

² Suri gyidab joem Israela mougmyid moo re" ju" nyid boem bye: ga: da" lu dang: Yuda khokham jhang ju" loo" lang" nyang: yo' nya: mung" byu yi dangain" gi seiggam joem ri lid hau' nhoin' nyid yhang: ti" ko' ko' nain' wigi gye" gyoug nyid ago".

ESAIA 7:2 ပူးပေါင်းရင်းမြစ်များ

2 SAMUELA 7:16

Re" akung: ako' joem khanham we' dajo, nyid wa. Re" mungdain: ri apyaid atoo: geing teing nyid nhang: wa. Re" da" myhang: thang zhungtang gi khanham we' thang loo" wa zi anghoid» ga: tid.

1 KHOKHAM 11:32

Nga" dei zoo: David yoomo we' Israela damung" goin" moo nga" shid re" ein: ngoo khyen: to" da" Yerusalem yoomo we' Sholumon gi byumyu" dakung: yu baja".

1 KHOKHAM 12:16

Byumyu" yigi nyangnu" dang: ri khokham phoo atam" gyo: ziri myang lang" nyangnu" nyho: lho: «David yo' nya: ikoin deungkhu: gyoeb gyoo" baja". Nyangnu" gi ngoonu" shid re" ciyo" koid byid: loo wa la". Israela byumyu" yi we" yhoem: khyoo: lo" boem loo shang. Rehoboam gi nyang: nya: gung nyang: nyang: zung" yu" nyid baja"» ga: tid. Houg: yoomo Israela byumyu" yi gyi koid bye:.

1 KHOKHAM 13:2

Vhoo: mo Aseing da" amyeing" dang: ri lapi: phoo gi phoin: ri tid phu: nyid. «O" phoin: we"- phoin: we" he: zigi Aseing tid da" dang: nghoid. Yoshia ga: da" zoonu" dayug gi David ikoin deungkhu: mo khu ri" wa zi nghoid. Nyang: gi tungbau yu phara" phoin: joem moo: re" shid re" xoin" to' byid: wigi dei byid: nyid da" khainjung ri re" dang moo said noung" lho: nyang: gi re" adang moo byu shooyoug: ri we' nghe' ngei" wa zi nghoid» ga: tid.

2 KHOKHAM MHOOMYID: 25:10

Houg: yoomo Amazia gi vhoo" kung: lhung: to" da" gyizoo: yiri yhoem: khyoo: doem tau" loo" wa shid re" nyangnu" ri tid kaid da:. Nyangnu" yhoem: khyoo: tau" lo" boem yoomo Yuda byu yiri kyid: kyid: khoo" sho' nheig yo: ago".

2 KHOKHAM MHOOMYID: 28:12

Mougzhung: shoid mungdain: mo vhujhung: myid: yug nghoid da" Yehohanan da" yuggi zoo: Azaria- Meshilemod da" yuggi zoo: Berekhia- Shalum da" yuggi zoo: Yehizkia- Hadlai da" yuggi zoo: Amasa bang: we' gyidab bang: koid da" moo" ri ngeug thug pyam boem.

COUNG" NGHEI 11:1

Goem loem byid: wa shid re" ngoo gi Aseing: ri myid loem nyid. Nang ngoo ri soozoo: alheung: loo: tid nyid zigi «Boem khyoo: ngho' yhang: ti" dang: phang: loo" we'. Khasu" wim ga: ri akhyeung" da" byu yigi Nyangnu" da" lid: ri thoung: lho: byu gi yiri moug: coid khoug: moo: beug wa shid re nyangnu" da" myoo: ri yeung to". Hau: jang" moo: aja: ja: byo, yoin" lo" uri byu gi yi dayug we' ci: ayo" koid boem loo:» ga: wigi nang ngoo ri khasu" yo" tid wa lha".

DANG: ZHOEM 28:1

Akhyeing" ashoeb bang: gi nyangnu" ri hang" wigi akhaid nghoid loug we' lhoung phang: lo" ago". Nghoid loug we' nheigloem: deingmain" nyid su: koem gi khang khyi yo" dakhyoo" ti"- seing" deing khid" yo" nyid nyid da:.

ESAIA 11:13

Israela mungdain: gi Yuda ri myid zo da" myid aboo loo wa. Houg: lho: Yuda gi Israela da" gyivoo anghoid loo wa.

ESAIA 22:22

David da" amyed ashen khokham da" vhoo: moo amyeing" akhang" bain sho' nyang: ri ngoo byid wa. Nyang: gi yung" khoem" thau" yo" seing: wa. Nyang: phang ziri hang" ayo" myhid" wa. Nyang: myhid" to" ziri hang" ayo" phang wa.

ESAIA 37:27

Houg: moo nyid bang: gi yoem: so' aboo goo" nghoid da:. Nyangnu" gyoug dain wigi mo, byug ago". Nyangnu" gi bidthu shoid mo lid lung wigi lo hau' nyid uri pa: dain" mo myo, gam anghoid lang" yhoemkhung: mo myo, gam yo' du da:.

ESAIA 37:35

Ngoo nya: gung ri ngi: shab da" shid mo we' nga" dei zoo: David ri ngoo byid: to" da" dangsoo" yoomo we' ngoo gi he: voomoo ri" lhoug zung" lho: goem loem byid: wa» ga: tid da:.

ESAIA 6:13

Mungdain: moo byu daxi: yug mo dayug za: dadeing rilang" nyang: ri said pyam zi shoug" wa. Nyang: gi thug lheing: pyam bye: da" shookhi" gam angoid yo' du wa» ga: tid. (Seig ngoid gi Mangso da" byumyu" yi shid re" aseig doem thoid shid" re" ziri gungthid tid to" zi nghoid da:.)

ESAIA 7:13

Esaia gi akhid" David da" amyed ashen yi we"- tam" gyoo: we'. Nanu" gi byumyu" yiri nheigloem: asheing: wa zi cishu: anhang: wigi Mangsoo ri we' nheigloem: asheing: wa ein: go" rhe".

ESAIA 7:17

Aseing gi Yuda mung" mo Israela mung" ri kho' yu da" bidnyid moo bue" yu" da" yau: khi" tho je: xo: da" yau: khi" bidnyid yiri nang yo' re" byumyu" yi re" khokham yhoemkhung: goin" adang moo bue" loo goo" wa. Nyang: gi Asuri khokham ri khe: yu wa.

ESAIA 7:5

Suri gi Israela yo' nya: khokham ri goemlu gau" to' da:.

ESAIA 8:12

«Byumyu" yi soin to" jang" moo abo boo houg: lho: nyangnu" gyoug da" ja: ri we' agyug

ESAIA 9:9

Nyang: he: ziri koid bye: khyoo: ri Israela byu yi dangain"- Samari moo nyid da" bang: yugkhang" moo" se' loo goo" wa. Akhid" nyangnu" gi nghoid boin: wigi phau: ago". Nyangnu" gi

HOSEA 12:1

Israela byumyu" yi nab soin: mo zi myen" ayo, ju" sho' koid zi ja: khang" moo" gi ce: akyu" abo ziyo' phyo' shoin' zi za: nghoid da:. Mhau' ziyo' ajoem: theing moo" gi nyangnu" phung: gung moo je myo: lug re" da:. Nyangnu" gi Asuri yo' myid veing" thang" cab joem to" lho: Egutu bang: yo' phaga: moo" shoin" koid ago"» ga: tid.

MATHE 2:3

Herod khokham" hau: da" dang: ri shau" gyoo: lang" gi nyang: yo' Yerusalem mo mo, dangain"- seing" gyo: kho" nyid boem wigi