ESAIA 66:3 - Lacid Common Language Bible

³ «Byu yi nyangnu" vho: ngei khyo" koid ago". Nyangnu" gi xoin" khyo" nu: loo: said loug we' xangsu: byu ri xoin" khyo" ngei" byid: loug we' nyangnu" yang nu" ri xoin" ngei" byid: loug we' Lakhuid" leung zeung: jab ceing ngei" byid: nghoid loug we' nyangnu" shivoo: xoin" anghoid lang" vu, suid" ngei" byid: loug we' nyangnu" shoem: nam pyo: ja: nghe' ngei" byid: nghoid loug we' yu phara" soolhoo: ri akyu" mho' loug we' dangain" gi nyangnu" shid re" dayhang: ti" `za: nghoid da:. Nyangnu" aco' ajhoid moo" khyo" no' jang" moo pyo: khyoo: ri sho: ago".

ESAIA 66:3 ပူးပေါင်းရင်းမြစ်များ

DANG: ZHOEM 15:8

Aseing gi byu gi yi akyu" mho' dang: ri vho: ngei nyid. Nghoid loug we' tarha" aci: bang: ci: re" da" xoin" du: joem ri nyang: gi ngheung" nyid.

DANG: ZHOEM 21:27

Akhyeing" ashoeb, mo, xoin" ngei" byid: ziri Aseing ngheung" nyid. Nyangnu" da" nheigloem: moo: age ziri myid lho: ngei" byid: xoin" ri je" ngheung" nyid.

ESAIA 44:19

Phara" soolhoo: ri koid su: gi «Seig thung" dayham" ri ngoo nghe' pyam bye:. Ngoo gi hau myigyu: tho moo zooyho' dayham" ri kang: wigi zoo: bye:. Houg: lho: deung da" seig thung" ri yu phara" soolhoo: daloem: ngoo koid bye:. Hid moo ngoo gi seig thung" dathung" ri goeb pid nyid» ga: tid wa lasi phajhi" yo' se' myid kho' zi ayoo" nghoid da:.

ESAIA 53:6

Ngoonu" dangain gi yang yhang: ti" byug lo" boem bye:. Ngoonu" yugkhang" moo" gi nyang: yug nyang: vho: da" khyoo: khyoo: lo" boem abye:. Nghoid loug we' Aseing gi ngoonu" dangain" bang: kham zoo: moin: da" yooboo ri nya: adang moo gyo" zang" nhang: bye:.

ESAIA 57:17

Nyangnu" da" yooboo moo so' kho' gang mo nyangnu" ri ngoo nheig yoo: bye:. Houg: yoomo ngoo nyangnu" ri yooboo dam byid: wigi nyangnu" ri she: pyam' too" bye:. Nghoid loug we' nyangnu" nheigloem: thain: wigi nyangnu" nya: khyoo: khyoo: xo' yhe: lo" ago".

ESAIA 65:12

Hau: zigi mi: shid: shid: wa nanu" da" vhu" pi: lo, kyo' nghoid wa. Ciwim gari ngoo nanu" ri khe: uri nanu" atu"- ngoo dang: tid uri nanu" atam" gyoo: yoomo nghoid. Nanu" gi nga" tid dang: agyoo: wa yo' akhyeing" zi koid wa shid re" khyen: yu ago".

ESAIA 65:2

Shoid da" moo" ri nheigloem: thain: thain: koid lo wigi nyangnu" nyang: vho: jang" khyoo: yhe: lo" boem da" nga" byumyu" yiri ngoo gi khanham we' shu" tau" yu wa jen" jen" nghoid lid: loo bye:.

ESAIA 66:17

Aseing tid zigi «Nyang: nya: gung ri tungbau yu phara" ri no' wa shid re" kyeing sain' pyam' bang:- gyeung" shang: khyam: khyoo: yhe: lo" jang" moo bo yhi: bang:-vu, shoo"- gyu, shoo" yo' gootu: aco' ajhoid bue" da" zoo: noem zoo: bang: shid re" thang loo" wa ayo, jhang abye:.

YEREMIA 6:20

Nyangnu" Sheba mo zi nga" jang" moo ci: ri" byid: da" nam pyo: xu: joem ri ngoo cishu: nhang: byid: la". Moug: vi: mo ci: loo byid: da" xoin" phei" joem ri ngoo cishu: nhang: byid: la". Ngoo gi nyangnu" jhungshug xoin" ri akham: yu byid: wa. Nyangnu" xoin" joem ri we' alhoem: ngei" byid: wa.

XOIN" NGEI" 2:2

Houg: lho: hau: ziri Arun kung mo khainjung yi jhang khyoo: ci: yhe: ca". Xoin" ngei" da" khainjung phoo gi cen: moin" dazhoeb yo' xu: we' nam pyo: ja: dangain ri we' yu wigi Aseing ri ngei" byid: da" asoo" khyo" phoin: tho' moo: hau: ziri nghe' ngei" wa zi nghoid. He: xoin" da" shoem: gi Aseing ri ngei bu: nhang: wa zi nghoid.

HAGI 2:14

Houg: lang" Hagi doem tid zigi ‹Aseing tid zigi houg: yo' dakhyoo" ti" he: nga" da" byumyu" yigi nyangnu" koid thu da" ce" noem yo' we' phoin: moo nyangnu" ngei" byid: wa ga: ci: re" da" xoin" du: dangain" we' nga" shidkhoin" moo hougsu" nyang: agyeungshang: zi nghoid nyid.

TARHA" TID POIN" 14:8

Vu, shoo" azoo: go". Hau: joem ri ayung" alho' khyo" myid yu ca" da:. Hau joem gi khyid sain" go, nghoid loug we' mhain" athoid rhe" nghoid da:. He: gougnyhoug joem mo daja: ri we' azoo: go". Houg: joem shid: mang ri tain" lang" atain' goo".

TARHA" TID POIN" 23:18

He: moo" khyo" yo" da" ngei ri we' nanu" Aseing Mangso da" Noku Yhoem: Moo" khyoo: thang" cab pyeing byid: wa shid re" age ci: vang yhi: goo" wa. Aseing gi noku yhoem: mo shava phoo shava myhi' ri ngheing" nyid da:.

TARHA" AGYI 10:14

Nanu" khyen: yu da" yu phara" joem jhang khyoo: yhe: wigi yhe: mho' yoid ge'. Nanu" yau: khi" shoug" lang" nyangnu" ri khyoid yu nhang: ge'» ga: tid da:.

TARHA" AGYI 21:25

Hau: apyaid moo Israela byumyu" yi moo khokham anyid nghoid da:. Yugkhang" moo" nyang: nyang: vho: ngei da" khyo" koid wigi nyid ago".

TARHA" AGYI 5:8

Israela byumyu" yi yu phara" aseig ri khyen: yu boem lang" hau: mungdain: moo gyi khaid pui" bue" loo wa. Israela byumyu" myid: moin mo dayug yug gyi goo ci: wa rhe" Lham: toid ci: wa rhe"