ESAIA 66:2 - Lacid Common Language Bible

² Moug: gyab goin" ziri ngoo nyang: phain" so: to" zi nghoid. Nheigloem: nyhoem: khyo' mo, yo' nung myid yoo" bang:- ngoo ri gyoug phoug" bang:- nga" da" tid dang: gyoo: bang: ri ngoo vho: ngei da:.

ESAIA 66:2 ပူးပေါင်းရင်းမြစ်များ

1 KHOKHAM 21:29

«Ahab gi nga" shidkhoin" moo nya: gung nyang: khayhi' khyo' nyhoem: nyid ziri nang xoem" shi" la". He: moo" zoo" ri nyang: koid bye: nghoid loug we' nya: apyaid moo: yau khe" noophyoo" ngoo abui" nhang: wa. Ahab' ikoin deungkhu: moo: nya: zo: pyaid ri she' hau: yau: khe" noophyoo" ri khyoo' byid: wa zi nghoid» ga: tid.

2 KHOKHAM 22:10

Hau: thang: nyang: gi «Hilkia wigi ngoo ri byid: da" mougsoug" pug dapug ngoo yo"» ga: tid. Houg: lho: nyang: gi khokham phoo ri thui: zeing yo' hau: ziri nghab kyo" da:.

2 KHOKHAM 22:11

Khokham phoo gi hau: mougsoug" nghab thui: ri shoug" gyoo: lang" nyang: gi gyoug dain ziyo' nya: byimi ri lang: ceig pyam da:.

EZRA 10:3

Ngoonu" gi he: myhi' zeing yi yo' nyangnu" zoo: du: yiri vi: khyoo: nhang: kaid pyam wa khyo" akhid" nyha" Mangsoo ri dangsoo" khoin" koid too" ca" wa zi nghoid. Ngoonu" gi nang yo' Mangso amyeing" dang: ri cang bang: tid kyo" phajhi' byid: khyo" cang koid wa zi nghoid. Ngoonu" gi Mangso da" tarha" dang: khyo" cang koid wa zi nghoid.

EZRA 9:4

Ngoo gi hau: joyoo moo myen" thang: xoin" ngei" wa shid re" byumyu" yi ngoo ri re" zheing: foem: zhung: to" da" ayo, ju" sho' nheig koug zhung: too" shi" zi nghoid. Nyangnu" dangain" gi pyoung" she: loo" shoug" jang" mo doem tau" loo bang: da" yooboo yo' sen: khyoo: ri Israela byumyu" yi da" Mangsoo khasu" tid to" ga: zi si' yoomo gyoug nyid boem ago".

COUNG" NGHEI 119:120

Nang yoomo ngoo gi gyoug nain" nyid bye:- re" da" tarha" dang: phyed nyid khyoo: yoomo ngoo moo: gyoug phau" emyed byoug jo.

COUNG" NGHEI 119:161

Khoin" so, boo bang: gi ngoo ri atarha" khyo" zain: lo nyid boem nghoid loug we' ngoo gi re" da" tarha" ri phau" myang: nyid.

COUNG" NGHEI 138:6

Aseing gi myhang: thang su: nghoid nyid. Nghoid loug we' nheigloem: nyhoem: khyo" mo, ri yu" goin coung: nyid. Nghoid boin: lho: phau: khaung nyid mo, rikoem gi vi: vi: mo nyang: se' too" byid: bye:.

COUNG" NGHEI 34:18

Aseing gi yoem: gyoug: mo, nam, moo: nyid wigi nheig byu jang: dangain" ci: phyug pyam mo, ri khyoid yu nyid.

COUNG" NGHEI 51:17

O" Mangsoo we"- nga" da" xoin" du: gi khyo' nyhoem: da" nheigloem: soozoo: nghoid. Nang gi khyo' nyhoem: khyoo: yo' gyau: moin" da" nheigloem: ri nang ngeug pyam wa zi anghoid.

COUNG" NGHEI 51:19

Houg: lang" nang gi ce" noo abo da" xoin" du: joem yo' ngoonu" da" myi: nghi, xoin" joem ri vho: ngei loo wa zi nghoid nyid. Re" da" phoin: tho' moo: we' nujung loo: joem ri xoin" to' byid: lo boem wa zi nghoid.

DANG: ZHOEM 28:14

Aseing ri khanham we' phau" myang: nyid we' houg: lang" nang gi ngei pyoo: wa nghoid. Nang nheigloem: thain: nyid nghoid rigi byo, yoin" lo" wa zi za: nghoid.

DANG: ZHOEM 29:23

Nghoid boin: khyoo: gi nang byed byo" byug wa khyoo: nghoid. Nheigloem: khyo' lho: nyid su: koem gi sube" wigi phau" myang: khyoo: shoug" nyid wa zi nghoid.

ESAIA 40:26

Mougkhung: khyoo: yu" kaid we' Nang shau" myang da" kyi: joem ri hang" wigi phain" so: to" la". Hau: joem ri gyidab daloem: yhang: ti" shu" thu ri" su: gi Khanhoo' nghoid ziri nyang: se' da:. Cab khang" moo" ri myeing yo' khe: da:. Nya: yoem so' gi gye" nyang: gyi: sheung: da:. khanham lang" hau: kyi: joem mo dacab we' abyug yu".

ESAIA 41:20

Byumyu" yigi he: ziri shau" myang: wigi hau: moo" ri ngoo Aseing koid da" khyoo: se' lo goo" wa. Israela da" gyeung" shang: Mangsoo gi hau ziri nhang: su: nghoid ziri nyangnu" se' gyo: loo goo" wa» ga: tid da:.

ESAIA 57:15

«Ngoo gi myhang: wigi apyaid atoo: moo dei nyid da" gyeung" shang: Mangsoo nghoid. Ngoo gi myhang: da" joyoo yo' gyeung" shang: da" joyoo moo nyid su: nghoid. Nghoid loug we nyangnu" myid loem ziyo' myid byu ziri ngoo yo" doem nyeing kaid byid: wa shid re" nheigloem: nyhoem: khyo' wigi myid thid da" byu yi yo' we' dage" nyid da:.

ESAIA 61:1

Gyi: sheung: thang Aseing gi nya: Venyi: ngoo ri pyeing byid: bye:. Nyang: gi myung: shoo" bang: ri lu dang: gi voin yhi: byid: wa. Nheigloem: gyau: bang: ri byang" gi byid: wa Myheig she: loo" shau" bang: ri loid byoin byid: da" khyoo: tid fu" wa yo' Thung: loung" jo, bang: ri lhoid pyoin' byid: wa shid re" Ngoo ri khyen: yu wigi nhang: kaid bye:.

ESAIA 66:5

Nyang: ri gyoug phoug" zi yo' tid dang: tam" gyo: da" bang: nanu" we"- Aseing tid ziri tam" gyoo: we'. «Nanu" ngoo ri jhug zug yoomo nanu" da" byu dayham" gi nanu" ri ngheing" wigi nanu" yo' ci: we' asen: da" khyo" koid loo goo" wa. Nyangnu" gi nanu" ri juang" wigi ‹Nanu" gau yi ziri ngoonu" shau" myang sho' Aseing gi nya: yoem: so' gyi: sheung: ziri ci: shug byid: wigi nanu" ri khyoid yu baja"› ga: tid ago". Nghoid loug we' nyangnu" nyang: ngi: yoem" ago".

HOSEA 11:10

Ngoo gi nyangnu" gyivoo yiri khangkhyi yo' dayhang: ti" myeing lang" nga" byumyu" yigi nga" thang: cang lo loo goo" wa. Nyangnu" gi bidvang shoid khyo" zi nga" jhang" khyoo: hain: hain: phang: re" loo goo" wa.

MIKHA 6:8

Anghoid- Aseing gi ngoonu" ri ge da" khyoo: ri toin" shed too" bye:. Nyang: ngoonu" mo vho: nyid zigi tarha" dain: khyo" zei: so' khyoo:- geung: teing jheddab khyoo: ri toin" shed wa ziyo' nheigloem: khyo' nyhoem: khyoo: Mangsoo yo' zoem" khau: wa khyoo: nghoid.

HABAKU 3:16

He: khyoo: dangain" ri ngoo shau" gyo: lho: ngoo gi gyoug nain" nyid. Nga" nhoid yid we' gyoug wigi nain" nyid bye:. Nga" gung du: gi ayo" dei loeb loo: nga" khyid: we' khyid: vhu" thung" bye:. Ngoonu" ri gyi zain: loo mo, ri Mangsoo gi dam byid: da" ayo, ju" loo wa shid re" ngoo gi sam: zoo: lang" nyid wa nghoid.

MATHE 12:6

Ngoo nanu" ri tid ba- He: joyoo moo Kyu" mho' yhoem: mo" tho' je gyi: su: nyid nyid.

ACTS 7:50

Hau: gu: dangain" ri ngoo, nyang: phain" to" zi anghoid la"» ga: wigi Aseing: tid nyid.

ACTS 9:6

Nghoid loug we' nang to' lho: voomoo" khyoo: vang loo" we' - houg: moo nang koid ca" da" moo" ri lhoem: tid kyoo" wa" - ga: tid.

PHILIPI 2:12

Houg: su" nghoid yoomo ngoo jheddab nyid bang: we"- nanu" yo' ngoo dage" nyid da" ayo, moo nanu" khanham we' nga" dang: ri tam" gyo: nyid boem yhang: ti"- akhid" nanu" yo' ngoo ve: gang: nyid da" ayo, moo we' nga" da" dang: ri tam" gyoo: wa zigi je" wigi yhoug: gyen: zeing nyang: nghoid nyid houg: yoomo nanu" da" khyoid yu khyoo: joeb, byeung" loo sho' gyoug nain" ziyo' cang pyeung nyid ge'.

KOLOSE 1:17

Nyang: gi dangain" da" shid' mo nyid nyid wigi jo, moo jo, gi nyang: nya: joyoo yo' joyoo moo geung: jo, ago".