ESAIA 65:6 - Lacid Common Language Bible

⁶ «Nyangnu" da" yooboo dam ri ngoo myid phyed too" gu nghoid bye:. Nyangnu" ri dang: phyed ziri lhid" too" bye:. Nyangnu" koid lo ziri ngoo ayu" lhei" pyam' wa. Nyangnu" yooboo joem yo' nyangnu" phoug" phyid" yi da" yooboo joem shid re" ngoo nyangnu" ri aphoug" byid: wa.

ESAIA 65:6 ပူးပေါင်းရင်းမြစ်များ

COUNG" NGHEI 50:3

Ngoonu" da" Mangsoo gi re" lo nyid uri sam" zoo: ju" ri" zi anghoid. Nya: shidkhoin" moo: myiyham: dab nyid wigi nya: ayam' aqei: moo thain: da" uglid zeing hau, nyid.

YEREMIA 16:18

Ngoo gi nyangnu" ri nyangnu" da" yooboo joem yo' nheigloem: goid" da" moo" shid re" eig zhang xab nhang: wa. Ciwim gari nyangnu" gi byu shid: mang yhang: ti" kangso' abo da" soolhoo: joem khyo" wigi nga" da" mougmyid ri aco' ajhoid koid pyam wigi nyangnu" da" yu phara" joem yo' byeung" jo, nhang: bye:» ga: tid.

COUNG" NGHEI 79:12

Aseing we" tungbau mungdain: yi da- shid moo: sho' thu nhang: lho: Nyangnu" gi nang ri rue" nyid yoomo nyangnu" ri nyhed zhang ju" sho' latoo: doem phug byid: we'.

ESAIA 64:12

Aseing we"- he: gu: dangain" ri nang ci: akoid loo: nyid nyid wa lha". Nang ci: we' akoid loo: ngoonu" yo" zeing: shang" da" azhang tho' je wigi ngoonu" ri kyi" khyeug yau: khi" kham zoo: nhang: wa rhe".

ESAIA 42:14

Mangsoo gi «Ngoo gi ayo, myang" sho' sam: zoo: nyid nyid bye:. ngoo gi nga" byumyu" yiri dang: phuid: aphuid: byid:. Nghoid loug we' akhid" gi moo" zei: wa ayo, ju" lo abye:. Ngoo gi zoonu" khu: da" myiyi: myhi' yhang: ti" yoid nyho: nyid da:.

COUNG" NGHEI 50:21

Hau: khyoo: dangain" ri nang koid lo yu" abye:- ngoo ce" dang: we' atid yoomo nang yhang: ti" nghoid ga: nang myid nyid da:. Nghoid loug we' akhid" koem gi ngoo nang ri jhau" shed byid: ziyo' nang ri hau: khyoo: bang bang tid kyoo" wa.

Pang Shug 20:12

Hau: lho: wigi shid: lo" byug bye: mo, gyi: zoo: nge, zoo: gi hau: zhung: tang shid khoin" moo to' yab, jo, boem ziri ngoo myang. Houg: lang" mougsoug" bug joem ri we' phang to" boem Kangso' mougsoug" ga: da" mougsoug" bug gootu: ri we' phang to. Shid: loo" bye: mo, gi nyang: nya: da" aved' asam" yo' dakhyoo" ti"- moug soug" bug moo lhid" to" khyo" canglho:- tarha" dang: phyed' zi shau" nyid boem ago".

MALAKHI 3:16

Hau: thang: ri Aseing ri gyoug phoug" mo, nyang: cang" tid go" nyid da" dang: gi «Aseing gi shoug" gyoo: bye:- Aseing ri gyoug phau" myang: nyid mo, da" khyoo: ri Mangso shidkhoin" mo lhid" xoem" pug moo lhid" too" bye:.

YOELA 3:4

Turu- Sidon yo' Philisti mung" byu yi dangain" bang: we"- nanu" gi ngoo ri ce: noem koid wa ein: soin' go" lha". Nanu" gi daja: ja: gungthid- ngoo ri latoo: phug wa ein: soin' go" la". Hougsu" koid wa nghoid rigi nanu" ri we' ngoo wigi myab, myab, latoo: phug loo wa nghoid.

EZEKIEL 22:31

Hougsu" yoomo ngoo gi nga" nheig yo: khyoo: ri nyangnu" adang moo nhang: khyo' kaid wa. Houg: lho: ngoo gi nyangnu" koid lid: lo da" moo" zoo" gang mo myi: yhang: ti" nyangnu" ri phyo' shoin' pyam wa. Yoem: moo" bo Aseing tid too" bye:.

EZEKIEL 11:21

Nghoid loug we' aco' ajhoid anyhoin: athung" da" yu phara" soolhoo: ri jheddab da" byumyu" yiri ngoo yooboo dam byid: wa. Ngoo gi nyangnu" koid lid: loo byid: da" moo" gang mo nyangnu" ri yooboo dam byid: wa. Yoem: moo" bo Aseing tid too" bye:. Mangso da" Phung" Yoeb Yerusalem mo Thu' lo" da" Khyoo:

COUNG" NGHEI 56:8

Ngoo khasu" kyi" khyeug yau: khe" nyid ziri nang se. Nga" ngougbyid ngougnhab khyoo: ri nang xoem" too" byid: bye:. Re" mougsoug" pug moo: hau: khyoo: boo bye: anghoid la".

TARHA" TID POIN" 32:34

«Aseing gi nyangnu" gyivoo yi koid lid lo ziri myid boin: nyid. Nyang: gi nyangnu" ri yooboo dam byid: wa shid re" ayo, gi ri lang" nyid.

THU' LO" MOUGSOUG" 17:14

Hau: thang: Aseing gi Moshe ri «He: oung: doid khyoo: ri myid boin: nyid baja"- lhid" too" we'. Ngoo gi Amaleg byumyu" yiri bain sho' said toem" pyam wa ein: ziri Yoshu ri tid kyoo" wa» ga: tid.

LUKA 6:38

Subi" ri lid: lid: zoo: byid: ge'- houg: su" nghoid lang" she- Mangsoo we' Nanu" ri lid lid zoo: doem byid: wa. Byeing" shoin: sho' main" da" tang: yo"- nanu" da" lo, moo doin: jheung: byid: boem wa. Khasu" wim gari Nanu" nyang: leig byid: da" tang mo doem leig byid: wa ga: tid.

COUNG" NGHEI 107:17

Nyangnu" koid da" yooboo joem yo' nyangnu" koid da" akhyeing" ashoeb moo" zoo" joem yoomo byu dayham" bang: gi nheug agyeung: boem ziyo' amyen akhyoid khyoo: ri phu" zo: nyid boem bye:.

COUNG" NGHEI 109:14

Aseing gi nya: phoug" nya: phyid" yi koid da" akhyeing" ashoeb moo" ri daboin: nyid baja" nya: myhi shoid vhang: da" yooboo joem ri we' khanham we' akhyoid pyam byid: loo: baja".

ESAIA 3:11

Nghoid loug we' akhyeing" bang: gi doem byug ago". Nyangnu" wigi subi" ri koid lo yhang: ti" akhid" nyangnu" ri doem koid byid: zi shoug" loo goo" wa.

ESAIA 26:21

Nyangnu" yooboo yoomo myidgung byu yiri yooboo dam byid: wa shid re" Aseing gi nyang: nyid da" joyoo- mougkhung: mungdain: mo re" nyid abye:. Myid gung tho mo zau" wigi gau" koid da" byu said mo, ri toin" shid byid: loo wa. Myid gung gi said pyam shoug" bye: bang: ri ashung: too" loo wa.

ESAIA 59:18

Nyang: gi nya: gyivoo yiri nyangnu" koid zi yo' dakhyoo" ti" cang wigi moug: ve: mung" moo nyid boem da" bang: rilang" yooboo dam byid: loo goo" wa.

ESAIA 66:6

Tam" gyoo: ge'. voomoo" mo thui: zeing- Noku Yhoem: Moo" mo thui: gi Aseing nya: gyivoo ri yooboo dam byid: nyid da" thui: nghoid da: o".

EZEKIEL 9:10

Nghoid loug we' ngoo gi nyangnu" ri nheig akhyeug wa. Nyangnu" subi" ri koid yhang: ti" ngoo nyangnu" ri koid wa» ga: tid.