ESAIA 61:9 - Lacid Common Language Bible

⁹ Nyangnu" gi byumyu" yi phung: gung moo myeing gyi: loo goo" wa. Nyangnu" ri myang da" yugkhang" moo" gi Nyangnu" ri ngo wigi mainkaid byid: to" da" byu yi nghoid boem khyoo: ri nyangnu" se' loo wa» ga: tid da:.

ESAIA 61:9 ပူးပေါင်းရင်းမြစ်များ

APOEM AYANG: 22:18

Ngoo gi re" amyed ashen yiri mainkaid byid: yhang: ti" byumyu" bain sho' bang: we' nyangnu" ri mainkaid byid: wa shid re" ngoo ri mho' loo wa nghoid. Khasu" wim gari nang gi dang: ri tam" gyoo: yoomo nghoid bye:» ga: tid.

APOEM AYANG: 30:27

Laban nyang: ri «Ngoo hid su" tid ba. Ngoo gi re" da" gang mo ngoo ri Aseing mainkaid jeju" byid: bye: ziri ngoo boin: loo bye:.

COUNG" NGHEI 115:14

Aseing gi nang yo' re" da" amyed ashen yiri zoo: du yi dabyid: nyid baja".

ESAIA 43:5

Agyug- ngoo nang yo' dage" nghoid. Ve: da" bidthu shoid mo yo' ve: thang da" bidbang shoid mo ngoo gi re" byu yiri yhoem: khyoo: shu" loo wa.

ESAIA 44:3

«Ngoo gi gyid shed da" mougmyid ri gyid byid: wa. Kyug hei' da" myidgung moo gyid zoo: gyung: yau nhang: wa. Ngoo gi re" zooshang: yi adang moo nga" Venyi: foid shoin" byid: wa. Re" amyed ashen yi adang mo nga" mainkaid jeju" foid shoin" byid: wa.

ESAIA 53:10

Aseing tid zigi «Nyang: yau: khe" kyi" khyeug kham zo: wa zigi nga" myid vho: da" khyoo: nghoid. Nyang: shid: zigi yooboo khyoid byid: ziri bui" nhang: da" xoin" nghoid da:. Houg: lho: nyang: gi nya: amyed ashen yiri shau" myang loo wa. Nyang: gi kang: sheing: sho' dei nyid wa. Nyang: khyo" wigi nga" myid soin' khyoo: oung: doid loo wa.

ESAIA 65:23

Nyangnu" zei: da" moo" gi oung: doid loo wa. Nyangnu" zooshang: yigi kyi" khyeug yau: khi" zi athung" shau" goo" wa. Ngoo gi nyangnu" yo' nyangnu" da" amyed ashen' yiri ju" loo wa ayo, moo mainkaid byid: wa.

ESAIA 66:22

«Myid gung seig yo' mougkhung: seig gi nga" yoem: so' khyo" jo, jo, loo wa. Houg: yoomo re" amyed ashen yi yo' re" myeing gi jo, jo, loo wa.

YEREMIA 31:7

Aseing tid zigi «Byumyu" yi da" gyi: sheung: thang da" Israela gang mo ngei pyoo: tung" jikhoin" khoin" ge'. Nanu" da" coung" nghei jikhoin" khoin" ge'. ‹Aseing gi nya: byumyu" yiri khyoid yu bye:. Nyang: gi deing da" bang: dangain" ri khyoid yu bye:.

ZEKHARIA 8:13

Yuda yi yo' Israela yi we"- shid phyang" tungbau byumyu" yi yo' shoug" go" uri dayug yo' dayug nheing" go" uri Israela yo' Yuda byumyu" yi yhang: ti" nang yau: khe" kyi" khyeug baja" ga: tid lo yu" bye:. Nghoid loug we' ngoo gi nanu" ri khyoid khyi: yu yu" bye: yoomo hau: tungbau byumyu" yigi nyangnu" nyang: cang nang gi Yuda yo' Israela byumyu" yi yhang: ti" agyid asoo: yoo" mo, bue" loo baja" ga: tid go" lo boem wa. Houg: yoomo nanu" agyug goo"- seing" yang" yang" danyid ge'» ga: tid.

MALAKHI 3:12

Nanu" da" moug: gi yoo" zoo: yoo" shug lho: byu nyid ge da" moug: bue" lo wigi byumyu" acang: joeb bang: gi nanu" ri «Agyid asoo: bo da" ngi: lhoo' bang: ga: myheing lo boem wa» ga: myhang: thang Aseing Mangsoo gi tid nyid.

GYUNG: SOO" 22:12

Mangsoo gi Balam ri «He byu joem yo' acang loo". Israela byumyu" yiri nheing" khoin" akaid. Ciwim ga: ri nyangnu" gi nga" da" mainkaid jeju" yo" yu to" ago"» ga: tid.

ACTS 3:26

Hougsu" nghoid yoomo nanu" yug khang" moo" ri akhyeung" da" lo, moo" mo-doemtau" loo nhang: khyo" wigi nanu" ri mainkaid byid: zi yo" yu wa shid re" Mangsoo gi Nya: deizoo: ri khyen: yu lho: nanu" jhang khyoo: Nyang: ri xang: shed" nhang: kaid' byid: abye:- ga: kho" kyo.