ESAIA 6:3 - Lacid Common Language Bible

³ Nyangnu" nyang: cang" «Gyeung" shang:- gyeung" shang:- gyeung" shang:- myhang: thang Aseing gi gyeung" shang: nya: phung" yoeb gi mougmyid tho' moo byeung" jo,» ga: tid nyid boem ago".

ESAIA 6:3 ပူးပေါင်းရင်းမြစ်များ

EZRA 3:11

Nyangnu" gi Aseing gi ge: nyid ziyo: nya: jheddab myid gi Israela byumyu" yi adang moo apyaid atoo: dajo, nyid ga: doem pug coung" coung" koid nyid ago". Noku Yhoem: Moo" apoem: ayang: zhoug yo" koid shid" loo" bye: yoomo yugkhang" moo" nyangnu" dangain" mo, yoem: yo' nyho: wigi Aseing ri coung" nghei nyid ago".

COUNG" NGHEI 57:11

Mangsoo we"- mougkhung: moo: re" da" myhang: thang khyoo: ri toin" shed lho: myidjang goin" jang" moo re" da" phung" yoeb myho, nhoo: ri toin" shed nyid we' o".

COUNG" NGHEI 66:2

Nya: myeing khyang" da" myonhoo: phung" yoeb ri coung" nghei nyid ge'. Myonhoo: ngi bo da" jikhoin" dang: yo' nyang: ri khoin" ge'.

COUNG" NGHEI 72:19

Nya: myonhoo: phung" yoeb yo' byeung da" voolang myeing ri apyaid atoo: moo: ju" sho' dacoung" nghei nyid we'. Nya: da" myonhoo: phung" yoeb gi moug: gyab goin" jang" moo: byeung" shoin: loo" baja" o". Amen. Amen.

COUNG" NGHEI 8:2

Hau: zigi zooshang: mi" yo' noug" nu" yi khoin" nyid da jikhoin" nghoid. nang gi re" da" gyivoo joem bain sho' ri loid byoin myenjham" nyid nhang:. Nang gi nang ri thougtheung loo bang: ri toem pyam.

COUNG" NGHEI 90:16

Re" da" dei zoo: yi ngoonu" ri re" da" gyi: myhang: moo" zoo" ri myang nhang: we' Ngoonu" da" nya: myid: nya: zoo: yi we' re" myonhoo: phung" yoeb bo da" yoem: zeing so, moo" ri shau" myang nhang: we'.

COUNG" NGHEI 97:6

Mougkhung: mougdi joem gi nya: da" deingmain" khyoo: ri tid fu" byid: nyid wigi byumyu" ja: khang moo" bang: gi nya: da" phung" yoeb ri yo" myang nyid boem ago".

COUNG" NGHEI 99:3

Byu yugkhang" moo" gi nya: da" gyid myhang: thang khyoo: yo' phung" yoeb bo da" myeing khyang" ri coung" nghei nyid boem wa nghoid. Nyang: gi gyeung" shang: su: nghoid nyid.

COUNG" NGHEI 99:9

Ngoonu" da" Mangsoo Aseing ri coung" nghei byid: ge'- nya: da" younglho' boug tho' moo: noku ge'- ngoonu" da" Mangsoo Aseing gyeung" shang: su: nghoid.

THU' LO" MOUGSOUG" 15:11

Aseing we"- yu phara joem moo nang yo' du zi hang" nyid wa lha". Gyeung" shang: jang" moo mau" pho" da" nang gi hang" yo' du wa lha". Re" da" mau" pho" moo" zoo" yo' gyi: sheung: moo" zoo" ri nang yo' dakhyo" hang" yo" koid wa lha".

ESAIA 24:16

Deingmain" da" byumyu" Israela da" coung" nghei jikhoin" thui: ri mougmyid tho' mo ve: thang da" joyoo mo ngoonu" shau" gyo: loo wa. Nghoid loug we' nga" shid re" myid byu khyoo: ajo,. Ngoo gi thang lo" nyid bye:. Goemlu yigi xo' lho: ngoo ri ab pyam wigi nyangnu" loem age" jhug azug zigi je je xo: loo nyid da:.

ESAIA 40:5

Hau: thang: Aseing da" phung" yoeb ri toin" shid wa wigi xangsu: byu dangain" hau ziri shau" myang loo wa. He: ziri Aseing nyang: nyang: dangsoo" byid: to" abye:» ga: nyho: nyid da:.

ESAIA 54:5

Nang ri phain" so: too" su: gi re" yhoem: seing: phoo yhang: ti" nghoid loo wa. Nya: myeing gi myhang: thang Aseing ga: zi nghoid. Israela da" gyeung" shang: Mangsoo gi nang ri khyoid yu wa. Nyang: gi mougmyid goin" da" vhoeb" khang" su: nghoid da:.

EZEKIEL 43:2

Houg: lho: hau: joyoo moo Israela da" Mangsoo shidkhoin" mo yi: yi: bang da" bidbang gi bidthu shoid khyo" ju" re" ziri ngoo shau" myang. Mangso da" thui: gi panglai: being lhung" myeing yhang: ti" myeing da:. Houg: lho: mougmyid ri yi: yi: bang da" bidbang ri ci: shug byid: da:.

EZEKIEL 44:4

Hau: thang: hau: yug gi ngoo ri Noku Yhoem: Moo" shidkhoin"- mougzhung: shoid khoem" moo" khyoo: shu" lo" da:. Ngoo yu" kaid ri Aseing da" Noku Yhoem: Moo" gi nya: shidkhoin" mo yi: yi: bang: da" bidbang gi byeung" jo, ziri ngoo shau" myang da:. Ngoo gi ngoonya: gung ri myidgung khyoo: goeb pid wigi

HABAKU 2:14

Nghoid loug we' panglai moo gyid yo' byeung" jo, ziyo' dakhyoo" ti" myid jang gi Aseing da" myonhoo: phung" yoeb ri se' da" lasi laleug yo' byeung" shoin: loo" wa nghoid.

ZEKHARIA 14:9

Hau: bidnyid moo Aseing gi moug: gyab goin' jang" moo khokham koid loo wa nghoid. Byu yugkhang" moo" gi Mangsoo ri kyeing" goeb noku lho: nya: myeing ri kyeing" dasi' loo: wa.

GYUNG: SOO" 14:21

Nghoid loug we' ngoo dei nyid wigi mougmyid gyab goin" moo ngoo nyid ziyo' dakhyoo" ti"

Ephesu 1:18

Hau: lho: wigi Aseing: nanu" ri nheig byu khyoo: moo khe: yu too" bye: ziri we' Aseing: gi nya: byumyu" yi ri byid: wa ga: da" mau" pho" jeju" agyid asoo: joem gi -