ESAIA 6:2 - Lacid Common Language Bible

² Nyang: ri du: khang" moo" dung khyug loem: loem: dab lho myi: dab da" gougnyhoug joem wigi lheing khoem yab jo, da:. Gougnyhoug du: khang" moo" gi nya: myonhoo: moo dung eig loem: wigi nghoeb ci: lho: eig dung gi gung moo nghoeb ci: da:. Dang: wa shid re" gi gootu: dung eig loem: ri ci: da:.

ESAIA 6:2 ပူးပေါင်းရင်းမြစ်များ

APOEM AYANG: 17:3

Abram gi nya: myonhoo: myidjang moo tain" sho' goeb uri Mangsoo gi

1 KHOKHAM 19:13

Elia gi hau: ziri shoug" gyoo: lang" nya: myonhoo: moo phajoid yo' nghoeb lho: thu yhe: wigi lugkhyung: nhoid moo: yhe: yab jo, da:. Nyang: ri tid da" thui: gi «Elia we" nang hid: moo: cikoid nyid la"» ga: myid: bye:.

1 KHOKHAM 22:19

Mikhaia gi «Aseing tid zigi Akhid" tam" gyoo: ge' mougkhung: mungdain: moo: Aseing gi nya: zhungtang moo zhoung: jo, ziri ngoo myang. Nyang: lagyoo: yi dangain" gi nya: ayam moo yab jo, da:.

1 KHOKHAM 6:24

Eig du: goin" gi avoid asam" yo' gung khyang: du go" da:. Eig du: goin" gi 7 pe: dakhyam" sheing: da" dung eig dung dab yoomo dung thang: dathang: mo gootu: dathang: ju" sho' ri 15 pe: sheing: da:.

1 KHOKHAM 6:27

Hau: eig du: ri gyeung" shang: thang da" yab moo: dashoid dadu: du: to" too" yoomo hau: eig du: pyo: to" da" dung dathang: yo' dathang: gi gau yab agung moo tain" go" nyid wigi gootu: eig shoid mo dung thang: joem gi pyi yam moo: tain" to" ago".

1 KHOKHAM 8:7

Dung dab dei noem eig du: pyo: ci: da" dung joem gi koid: yo' hau: ziri dang da" keing youg: joem ri nghoeb to" da:.

NEHEMIA 9:6

Hau: thang: Israela byumyu" yigi he: akyu" mho' dang: ri mho' ago". «Nang Aseing we"- nang dayug khyeing" za: Aseing nghoid da:. Nang gi mougkhung: joem yo' mougkhung: mo kyi: joem ri phain" so: phug to" da:. Nang gi myidgung yo' panglai: ri we' hau: joem moo bo da" ja: khang" moo" ri we' phain" so: to" da:. Nang gi dangain" bang: ri kangso' byid: da:. Mougkhung: mo yoem: so' joem gi nang ri goeb pid wigi nang ri coung" byid: ago".

YOBA 1:6

Mougkhung: moo nyid bang: gi Aseing jhang re" thu shug wa ayo, ju" loo lang" nyangnu" phung: gung moo Satan we' yhe: bo nyid nyid da:.

YOBA 15:15

Mangsoo gi ciwim wigi nya: moug: lagyoo: yiri lang" aloem lha". Nyangnu" lang" nya: myo, jang moo atho' gyeung" shang: nghoid da:.

YOBA 4:18

Mangsoo gi mougkhung: mo nya: dei zoo: yiri aloem. Nyang: gi nya: da" moug: lagyoo: yiri lang" yooboo yo" myang byid: da:.

COUNG" NGHEI 103:20

Nya: da" amyeing" dang: ri tam" gyo: cang yhe: lho: nya: da" jidang: tam" gyoo: mo, nghoid da" yoem: bo lho: phung" yoeb gyi: da" moug: lagyoo: yi we" Aseing ri coung" ge'.

COUNG" NGHEI 104:4

Nang gi lid joem ri re" da" lagyoo: yi koid lho: moug: lhab' myeug da" myisham: joem ri re" dei zoo: yi yhang: ti" nang ci: yhoung nyid.

COUNG" NGHEI 18:10

Nyang: gi dung dab gougnyhoug tho' moo: zhoung: lho: gye" myab, sho' dang: lo. Nyang: gi lid zoo" dungsoo" joem yo" gyung: so" lo.

COUNG" NGHEI 89:7

Nang gi gyeung" shang: mo, da" phung: moo gyoug phau" zi shoug" kham yu nyid. Nyangnu" dangain" mo, gi nang ri mau" yab jo.

THU' LO" MOUGSOUG" 25:20

Amyhid" adang moo dung dab dei noem eig du: ri nyang: cang" nyang: myonhoo: shu: goo" nhang: wigi nya: tang: dung ri pyo: too" nhang: lho: amyhid" ri nghoeb too" we'.

THU' LO" MOUGSOUG" 3:6

Ngoo gi re" phoug" phyid" yi nghoid da" Abraham- Isag- Yaku bang: da" Mangsoo nghoid». Moshe gi Mangsoo ri yu" wa zi gyoug yoomo myonhoo: ri nghoeb to".

THU' LO" MOUGSOUG" 37:9

Amyhid" adang moo dung dab dei noem eig du: ri nyang: cang" nyang: myonhoo shu: goo" nhang: wigi nya: tang: dung ri pyo: too" nhang: lho: amyhid" ri nghoeb too" bye: zi nghoid.

ESAIA 6:6

Hau: thang: gougnyhoug joem mo dadu: gi phoin: dang mo nyab ze" wigi nyham" yu da" myi: dab da" myi: gyu: dakhi' ri ci: wigi nga" jhang dang: gyo" re" da:.

EZEKIEL 1:11

Dei noem du: khang" mo" da" dung eig dung gi tu: ci: wigi nyangnu" da" dung thang: gi nyangnu" ayam mo dei noem dung thang: yo' tain" go" to" da:. Nyangnu" da" gootu: dung eig loem: gi nyangnu" gung ri vu, ci: da:.

EZEKIEL 1:24

Ngoo gi nyangnu" dang: lo" uri nyangnu" dung phab thui: ri shau" gyo: da:. Hau: thui: gi panglai: myeing thui: yhang: ti"- gyidab moo" zeing lu: fu: thui: yhang: ti"- myhang: thang Mangso thui: yhang: ti" nghoid da:. Nyangnu" dang: zi theing: lang" nyangnu" da" dung joem ri yoeb ci: da:.

EZEKIEL 1:4

Ngoo nghang yu" kaid ri mougzhung: shoid khyo" uglid zoo" lo nyid ziri shau" myang. Jhoemmoug" pung zeing mo lhab' myeug thu re" wigi hau: aqei: ayam mo mougkhung: gi bang jo, da:. Lhab' myeig nyid da" joyoo moo gyid: mid" yhang: te" zi daja: bang jo, da:.

EZEKIEL 1:6

Nghoid loug we' hau: joem du: khang" moo" moo myonhoo: myid: loem yo' dung myid: loem: dab.

EZEKIEL 1:9

Dei noem du: khang" moo" da" dung eig dung ri pyo: khyo' ci: da:. Nyangnu" da" dung thang: joem tain" go" to" wigi dei noem joem gi myid: khyoug: bui" jo, da:. Nyangnu" dang: lo" uri nyangnu" gung joem ri aphug lheing: loo" loo: daphung: za: dang: lo" ago".

EZEKIEL 10:16

dang: lo" uri rheing" cab joem gi nyangnu" yo' dage" bo lo" da:. Dang: wa shid re" nyangnu" da" dung joem ri pyo: kaid khang" moo" rheing" cab joem gi nyangnu" yo' dage" dalo" nyid ashi"

EZEKIEL 10:21

Nyangnu" du: khang" moo" moo myonhoo: myid: loem: loem:- dung myid: loem: loem: yo' nyangnu" da" dung loem: khang" moo" da" agyid" moo xangsu: byu lo, yhang: te" zi dalo, lo, dab da:.

DANIELA 7:10

Houg: lho: gyid gyung: zoo: yhang: ti" myiyham: gi houg: mo yau shoin: thu re" da:. Houg: joyoo moo nyang: ri dei byid: wa byu khyeing" su: nyid boem ago". Houg: lho: byu sen su: nya: shidkhoin" moo yab jo, ago". Tarha" dang: kho' shid" lho: mougsoug" pug joem phang to" ago".

DANIELA 9:21

Ngoo akyu" mho' nyid uri xang: shi" mo yoeb myang moo ngoo shau" myang khoo' bye: da" Gabriela gi ngoo nyid nyid da" joyoo khyoo: dang: gyoo" lo da:. Hau: ayo, gi myen" thang: zoo" moo xoin" ngei" byid: da" ayo, nghoid da:.

ZEKHARIA 3:4

Houg: lang" moug: lagyoo: gi nya: shidkhoin" moo yab jo, da" moug: lagyoo: yiri - «Yoshua void ci: da" nheig yu" no da" byimi ri khyoid pyam' byid: ge'» ga: tid. Hougsu" wigi nyang: gi Yoshua ri «tam" gyoo: we' re" da" yooboo ri ngoo yu pyam' byid: bye:. Ngoo gi byimi seig nang ri byid: foid wa» ga: tid.

LUKA 1:10

Houg: su" myi: nghi xoin" to" nyid da" uri re" bo noku da" byu myoo" sho' mo, gi nghe: shoid moo Akyu" mho' nyid boem.

HEBRE 1:7

Mangsoo gi mau lagyoo: yi da" khyoo: tid uri " Mangsoo gi nya: moug: lagyoo: yi ri lid' koid lho: Nya: dei zoo: yi ri dab, nyid da" myiyham: doem, koid- ga: tid.

Pang Shug 14:6

Hau: thang: rimoug: myid mungdain loem: khang" moo" moo nyid da" myeing" acang: joeb, bang:- byumyu" acang: joeb da" bang: ri tid fu" kyoo" wa shid re" apyaid' atoo: mo ngei bu: lu dang: gi ri ci: lho: moug: laid' moo dang: lheung: nyid da" moug: lagyoo: gootu: ri ngoo myang.

Pang Shug 4:8

Hau: da" gougnyhoug myid: ja: goin" moo dung khyug khyab, khyab, dab, boem wigi gung tho' gung khoug: dangain" jang" moo myojid" za: byeung" sho' sho' dab, ago". Nyangnu" gi nyid" ri myen" ri anoo: ayab, loo: za: " shid' phyang" apyaid' he: da" apyaid' thang: phyang" apyaid' moo ju" sho' danyid nyid da" yoem: moo" bo Aseing: Mangsoo gi gyeungshang: gyeungshang: gyeungshang: nyid o"» ga: wigi coung" nghei nyid boem ago".

Pang Shug 7:11

Mouglagyoo: dangain" mo, gi zhung: tang ri we' Ludaid yi ri we' dei noem gougnyhoug myid: ja: ri we' lheung khab, yab, jo, lho: nyangnu" gi zhung: tang shid' moo goeb, gyo" lho: Mangsoo ri coung" pid' nyid boem zigi

Pang Shug 8:13

Houg: lang" ngoo doem yu" kaid ri " gyoug pho" zi gyoug pho" joem: lo" khyoo" o", ga: Goo tu: da' moug: lagyoo: soem" yug moid kaid da" laboo" thui: joem myeung thu' loo lang" mougmyid tho' mo nyid moo nyid bang: shid re" Atho' tid da" gyoug pho" khyoo" o",, ga: wogi- moug: laid' phyoo" moo dang: lheung: yen" da" zoin, bung: dadu: thui: moo" yo' nyho: tid yen" ziri ngoo shau" gyo.