ESAIA 57:9 - Lacid Common Language Bible

⁹ Nanu" gi shoem: nam pyo: su: ri yo' xu: joem ri gyoid ci: wigi Meleg yu phara" ri no' wa yhe: boem da:. No' wa da" yu phara" joem ri shoo: wa shid re" nanu" gi lagyoo: joem ri vi: khyoo: nhang: kaid boem. Moovo moug: khyoo: lang" nhang: kaid ago".

ESAIA 57:9 ပူးပေါင်းရင်းမြစ်များ

DANG: ZHOEM 7:17

Hau: da" yhoeb cuang ri nam, pyo: da" mura:- nam, pyo: da" bain: xu: aja: ja: yo' soin' too" bye:.

ESAIA 2:9

Yugkhang" moo" gi nyhoem: khyo' pyam ziyo' sho' phu" zi shoug" loo goo" wa. Aseing we" nyangnu" ri yooboo akhyoid byid: o".

EZEKIEL 16:33

Shava myhi' rigi ngei byid: ago". Nghoid loug we' nang gi re" da" zooyam phoo yiri jhungshug byid: wigi nyangnu" khyi' khang" moo" mo re" lho: nang yo' yhoeb wa shid re" khougvhoid jhungshug byid: da:.

EZEKIEL 23:16

Nyang: gi nyangnu" ri myang yo' dage" yu" mhain: myid bo lo wigi Babelon moo nyid da" nyangnu" jang" khyoo: lagyoo: nhang: kaid da:.

EZEKIEL 23:40

«Nya: tang: gi moug: vi: mo yuggi yiri khe: yu wa shid re" lagyoo: alheing: lheing: nhang: kaid lho: hau: yuggi yi ju" re" boem ago". Nya: eig tang: gi gung cid" pyam- myo, mei: xau" pyam- phoug" dab lug joem ri void ci: ago".

DANIELA 11:36

«Suri khokham gi nyang: nau khyo" koid wa. Nyang: gi yu phara" tho' je gyi: sheung: ziyo' gyi: sheing: myhang: thang da:. Mangso tho' lang" je gyi: je reung: ga: phau: tid loo wa. Nyang: gi Mangso wigi nyang: ri yooboo dam byid: da" ayo, ju" sho' he: ziri yo" koid loo wa. Mangsoo gi nyang: myid soin' to" ziyo' dakhyoo" ti" toeb za: koid wa.

HOSEA 12:1

Israela byumyu" yi nab soin: mo zi myen" ayo, ju" sho' koid zi ja: khang" moo" gi ce: akyu" abo ziyo' phyo' shoin' zi za: nghoid da:. Mhau' ziyo' ajoem: theing moo" gi nyangnu" phung: gung moo je myo: lug re" da:. Nyangnu" gi Asuri yo' myid veing" thang" cab joem to" lho: Egutu bang: yo' phaga: moo" shoin" koid ago"» ga: tid.

HOSEA 7:11

Israela gi nheig agyeing: da" jid: u yo' dakhyoo" myonhoo: sho: lheing yen" da:. Xang: shi" moo nyangnu" gi Egutu khyoo: pang" thoug yu wa yhe: mho' da:. Hau: thang: nyangnu" gi Asuri jhang tang" yhe: ago".

KOLOSE 2:18

Ladu lid' sho' shoid vhang: da" khyoo:- nyang: tu: nya: da" gung du: ri khyo, nyhoem: pyam' wa ziyo' moug: lagyoo: yi ri no" ca" ga: goozu: xen, da" yoeb, myang yo" we' shoid vhang: da" khyo, nyhoem: khyoo: moo nyhen" zei: nyid bang: yo' moug: lagyoo: yi ri noku da" khyo" we' nyang: nya: gung du: ri dangain" tho' moo je" nghoid thang su: ga: khyo" tid phau: nyid mo, -hang" su: wigi we' nanu' ri yoobo dang: phyed' wa da" akhang" abyid: goo"- Houg: yhang: te" da" byu yi gi ce: sei abo da" xang: su: myid soin: khyo" nyang: nya: gung ri tid phau: yu lho.