ESAIA 52:3 - Lacid Common Language Bible

³ Gyi: sheung: thang Aseing gi nya: byu yiri «Nanu" join bue" lo" boem uri nanu" shid re" ngei abyid: nghoid ago". Houg: yo' dakhyoo" ti" nanu" ri lhoid pyoin' kaid wa shid re" we' abyid: ca" wa.

ESAIA 52:3 ပူးပေါင်းရင်းမြစ်များ

COUNG" NGHEI 44:12

Re" byumyu" yigi phoug" dajhi' za: date: dab, lo yhang: ti" nang gi nyangnu" ri aphoug dajhi' za: yo' te: ung" byid: nyid.

COUNG" NGHEI 44:13

Ngoonu" da" yhoem: kyoo" cang" yigi nang ngoonu" ri khasu" koid nyid ziri myang pyam byid: yoomo nyangnu" gi ngoonu" ri yi foo: khyo" juang" yi nyid boem bye:.

ESAIA 1:27

Aseing gi deingmain" yug nghoid yoomo nyang: gi Yerusalem ri we' houg moo nyid da" nheigloem: thid loo bang: yugkhang" moo" ri khyoid yu wa.

ESAIA 45:13

Nga" myid too" jang: ri zei: pyeing wa yo' jo da" moo" ri bui" nhang: wa shid re" Kuru ri moo" zei wa lhu: zhang" su: gi ngoo nyang: nghoid. Ngoo gi nyang: so" lo" khyoo: khaid khang" moo" ri khyoo: dangain" koid pyam byid: wa. Nyang: gi nga" voomoo" Yerusalem ri doem tam: wigi thung: lhung to" da" nga" byu yiri lhoidpyoin' kaid byid: loo wa. He: ziri koid wa shid re" nyang: ri hang" we alhung:- khougvhoid we' hang" abyid:» myhang: thang Aseing tid to" da:.

ESAIA 50:1

Aseing tid zigi «Nya: yhoem: seing: myhi' ri kang" pyam da" yuggi yhang: ti" ngoo gi nga" byumyu" yiri nhang: kaid wa zi nghoid ein: nanu" jhoo: go" la". Kang" pyam da" mougsoug" khyab gi khayoo: la". Join khyo" nya: zooshang: yiri oung” zo: pyam da" byu dayug yo' dakhyoo" ti" ngoo gi nang ri thung: byu khyo" oung" zo: pyam ein: jho: rhe". Anghoid- nang thung: byu khyo" cang lo" zigi nanya: yooboo yoomo nghoid da:. Re" yhid kang" pyam shau" zigi re" youg: moo" zoo" yoomo nghoid da:.

ESAIA 62:12

Nang gi «Mangso da" gyeung" shang: byumyu" Aseing wigi khyoid yu to" da" byumyu"» ga: myheing zi shau" boem wa. Yerusalem gi «Mangso wigi jheddab da" voomoo" Mangso wigi ashe: pyam' da" voomoo" ga: myheing zi shau" loo wa» ga: tid da:.

ESAIA 63:4

Nga" byumyu" yiri khyoid yu wa ngoo myid phyed to" da" ayo, ju" loo bye:. Hau: zigi nyangnu" gyivoo yiri yooboo dam byid: da" ayo, nghoid da:.

YEREMIA 15:13

Aseing ngoo ri «Ngoo gi nga" byumyu" yi hau: mougmyid khyi khang" moo" goem: sho' moo: shoid boem da" yooboo joem gang mo nyangnu" ri yooboo dam byid: wa shid re" gyivoo joem ri nhang: kaid byid: wigi nga" byumyu" yi da" yoo" zoo: yoo" shug khyoo: yo' jonu" ziyoo joem ri de" pyam loo" nhang: wa.

EZEKIEL 16:31

Khyoo: khaid khang" moo" moo soolhoo: joem ri no' wa joyoo joem ri zhug lho: shava myhi' moo" ri koid da:. Nghoid loug we' nang gi shava myhi' gooji yhang: ti" ngei yoo" wa khyo" thu nyid yen" zi anghoid.

EZEKIEL 34:27

Seiggam joem gi ashi" zi: loo wa. Mougmyid gi gug shi" mei: shi" thu byid: wa. Houg: lho: yugkhang" moo" gi nyang: nya: mougmyid moo goem loem tung" yo" nyid loo wa. Ngoo gi nga" byumyu" yi da" jangcoo" joem ri phyed pyam byid: lho: nyangnu" ri join koid bang: da" lo, mo loid byoin nhang: kaid da" uri ngoo Aseing nghoid ziri nyangnu" se' lo boem goo" wa.

XOIN" NGEI" 25:54

Nyang: gi hau: khyoo: joem mo dakhyoo: khyo" we' aloid byoin nghoid rigi nyang: yo' nya: zoo: yiri doem ju" loo wa da" theing: yu zain ri loid byoin nhang: kaid ca" da:.

1PETERU 1:18

Nanu" gi nya: phoug" nya: phyid" yi apyaid' mo wigi cang gyo" lo da" akyu' abo da" asam" aved mo byo, yoin" loo" se' nyid da" ngei sheing: yo' nanu" ri yo" qei khyoid yu to" zi anghoid.