ESAIA 51:4 - Lacid Common Language Bible

⁴ Nga" byu yi we"- nga" dang: ri tam" gyoo: ge'. Ngoo tid ziri tam" gyoo: we'. Ngoo gi byumyu" yiri nga" jhau" shid khyoo: byid: bye:. Nga" tarha" joem gi nyangnu" ri bidbang byid: loo wa.

ESAIA 51:4 ပူးပေါင်းရင်းမြစ်များ

COUNG" NGHEI 106:5

Re" da" byumyu" yi yo" loo, de, lo khyoo: ngoo ri we' myang nhang: we' re" da" byumyu" yi ngeibu: khyoo: joem ri we' ngoo ri bo kham' zoo: nhang: we' o".

COUNG" NGHEI 147:20

Nyang: gi gootu: byumyu" yi shid re" hidsu" akoid byid: zi nghoid yoomo Nyangnu" gi nya: tarha" joem ri ase' gyo: boem nghoid ago".

COUNG" NGHEI 33:12

Mangsoo ri Aseing ga: da" byumyu" yigi ngilho' nyid boem. Nya: byumyu" khyo" khyen: yu to" da- byu yi we' ngilho' nyid boem.

COUNG" NGHEI 50:7

Nga" da" byumyu" yi we' tam" gyoo: ge' ngoo dang: tid wa. Israela we' ngoo nang ri yooboo foin: da" sagse: kham' kyoo" ba. Ngoo gi Mangsoo- re" da" Mangsoo nghoid.

COUNG" NGHEI 78:1

Nga" da" byumyu" yi we' nga" da" jhoug" myeing" jhoug" thui: ri tam" gyo: yu we'. Ngoo tid da" dang: ri we' gyo: yu we'.

THU' LO" MOUGSOUG" 19:6

Nga" shid re" za: shugbyid: to" da" byumyu" yi nghoid wa. Houg: lho: khainjung yi khyo" nanu" gi ngoo ri dei byid: loo goo" wa ein: tid we'» ga: nyang: ri tid da:.

THU' LO" MOUGSOUG" 33:13

Akhid" nang hougsu" nghoid nyid rigi ngoo re" moo" ri zei: wigi xo' lho: nang ri vho: ngei nyid baja". Re" myid soin' too" khyoo: joem ri ngoo ri tid kyoo" we'. He: byumyu" yiri nang re" byumyu" seing: khyo" wigi nang khyen: to" ziri we' boin: nyid we'» ga: tid.

DANG: ZHOEM 6:23

Nyang: tang: da" khyoo: shed dang: joem gi bang da" bidbang nghoid- nyang: tang: da" tid nyheung tid feung khyoo: joem gi nang khasu" nyid yab yhe: loo" wa khyoo" ri jhau" byid: nyid.

ESAIA 1:27

Aseing gi deingmain" yug nghoid yoomo nyang: gi Yerusalem ri we' houg moo nyid da" nheigloem: thid loo bang: yugkhang" moo" ri khyoid yu wa.

ESAIA 2:3

nyangnu" da" mung" byu yigi «Ngoonu" gi Aseing da" bouggung khyoo: do, lo" lho: Israela Mangso da" Noku Yhoem: Moo" khyoo: do loo" shang Nyang: ngoonu" ri jhau" shed loo wa. Nyang: khyen: to" da" khyoo: moo ngoonu" so" loo wa. Ciwim gari Aseing da" jhau" shid khyoo: gi Yerusalem moo ju" re" lho: Nyang: gi nya: byumyu" yiri Ziun mo dang: tid nyid.

ESAIA 26:2

Voomoo" khyam: khoem" joem ri phang ge'. Houg: lho: jhug zug da" byumyu" ri vang nhang: ge'. Hau: byumyu" gi deingmain" da" moo" zei: da:.

ESAIA 26:8

Ngoonu" gi re" myid vho: ziri cang lho: nang moo ngoonu" myid byu nyid. Nang gi ngoonu" myid vho: khyoo: dangain" nghoid da:.

ESAIA 33:22

Hau: lhid joem mo tei" joem gi amyed afoo" nghoid da:. Lhid mo pain" ruang: ri ayo" pei: to' kaid nghoid da:. Ngoonu" gi gyivoo gyidab joem da" jonu" dangain" ziri yo" seing: yu goo" wa. Sung myo: yoomo khyid: gyoug: bang: lang" gamboem shoug" yu boem goo" wa. Aseing nyang: nyang: nanu" khokham nghoid loo wa. Nyang: gi ngoonu" ri vhoeb wigi goem loem byid: loo wa.

ESAIA 42:21

Aseing gi khyoid yu wa gau yi da" Mangsoo nghoid. Houg: yoomo nya: tarha" joem yo' jhau" shid khyoo: joem ri nyang: ngi: shab wigi hau: joem ri nya: byumyu" yi wigi ngi: shab byid: nhang: nau da:.

ESAIA 42:6

«Ngoo Aseing gi mougmyid tho' moo tarha" deing byeung" zi koid too" bye: ziri yu" wa shid re" nyang: ri ngoo khe: yu wigi yoem: so' byid: too" bye:. Ngoo gi: nang khyo" wigi byu dangain" yo' dang: theing koid wa. Ngoo gi nang khyo" wigi byumyu" yi jang" moo bidbang ci: ri" byid: wa.

ESAIA 49:6

Aseing gi ngoo ri «Nga" dei zoo: we"- re" shid re" je gyi: da moo" nga" jang" moo jo,. Nyid deing nyid da" Israela byumyu" yi gyi: sheung: wa shid re" nang ri nyhid: too" wa zi za: anghoid. Mougmyid dangain" khyoid yu zi shoug" wa shid re" ngoo gi nang ri byumyu" yi da" bidbang ri we' bui" nhang: wa» ga: tid da:.

ESAIA 55:3

«Nga" byumyu" we"- akhid" tam" gyoo: ge' nga" jhang loo ge'. Nga" jhang loo we'. Nanu" kangso' yo" yu wa. Ngoo gi nanu" yo' dang: theing myang" sho' koid wa. David ri ngoo dangsoo" byid: to" da" mainkaid jeju joem ngoo nanu" ri byid: wa.

ESAIA 63:8

Aseing gi «Nyangnu" gi nga" byumyu" yi nghoid- nyangnu" ngoo ri amhoug boem goo" wa» ga: tid. Houg: lho: nyang: gi nyangnu" ri

MIKHA 4:2

Nyangnu" da" byu yigi «Israela da" Noku Yhoem: Moo" jo, da" Aseing bouggung khyoo: nyhang" do, yhi: shang. Nyang: gi nyhang" ri koid nhang: nau da" khyoo: joem ri jhau" byid: lho: nyhang" gi nyang: khyen: byid: to" da" khyoo: moo: so" yhe: lo" boem wa zi nghoid. Khasu" wim gari Aseing da" jhau" mho' da" khyoo: gi Yerusalem mo ju" re" wigi nyang: gi nya: da" byumyu" yiri Ziun boem mo tid kaid» ga: tid go" nyid wa.

LUKA 2:32

Aseing: soin jen" to" da" khyoid yu jeju" ri ngoo gi myang nyang: myang kho" bye- ga: coung" byid.

1Korinthians 9:21

Houg: yo' dakhyoo" ti" tungbau byumyu" yi da" akhoug: moo- moo" zei: nyid uri- nyangnu" ri Khristu jhang khyoo: yo" shu" yu sho'- Yuda tarha" ri acang loo: za: tungbau byumyu" dayug yhang: ti" ngoo bue" nyid.Hidsu" tid ri- ngoo gi Mangso da" tarha" ri acang loo: ein: tid nyid zi anghoid gyeung" nyang: ga: ri- ngoo gi Khristu da" tarha" khoug: moo: nyid nyid su nghoid.

TARHA" TID POIN" 18:18

Ngoo gi nang yhang: te" da" lapi: dayug ri nyangnu" nya: byumyu" yi khoug: mo nyangnu" jhang nhang: kaid byid: wa. Ngoo gi nyang: ri citid wa ein: ziri tid kyo" wigi nyang: gi ngoo amyeing" byid: zi ja: khang" moo" byumyu" yiri xo tid kyo" loo wa.

1PETERU 2:9

Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'