ESAIA 5:8 - Lacid Common Language Bible

⁸ Nanu" gi joem abye: go". Nanu" yo" too" gu moo lung: wa shid re" yhoem: joem yo' yoothung" joem ri nanu" qei ago". Amyang" ri houg moo gooji hang" we' nyid wa joyoo ajo, wa. Hau: mung" moo nanu" za: nyid lo boem goo" wa.

ESAIA 5:8 ပူးပေါင်းရင်းမြစ်များ

MIKHA 2:2

Nyangnu" gi yoothung" yoogu: ri vhoo: lang" lhoid seung: yu boem. Yhoem: joem ri we' yu" vhoo: lang" hau: ziri nyangnu" lhoid yu boem. Hang" ikoin deungkhu: we' hang" ziyoo we' gau: nyu: khyoo: ayoo" nghoid ago".

MATHE 23:13

«Akug void da" tarha" sara: yi yo' Pharishe nanu" gi joem: loo" goo" wa. Subi" mougkhoung: mungdain: khyoo: vang loo" wa ga: soin' lo" da" uri nanu" gi khoem" myhid" byid: ago". Nanu" nyang: we' avang lo" boem. Vang loo" wa ga: yoem: kaid nyid mo, ri we' vang loo" wa da" akhang" abyid: boem zigi nanu" shid re" khayhi gyoug phyoo" nghoid.

EZEKIEL 33:24

Nyang: tid zigi shid re" da" byu we"- Israela moug: mo byo, yoin" jo, da" voomoo" joem moo nyid bang: gi hid: su" ga: tid nyid ago". ‹Abraham gi dayug kyeing" nghoid loug we' nyang: ri damung" goin" byid: to" da:. Ngoonu" gi myoo" sho' bang: nghoid. Houg: yoomo hau: mougmyid akhid" ngoonu" da" zi nghoid bye:›.

EZEKIEL 11:15

Nyang: tid zigi «Shid: se' da" byu we"- Yerusalem moo nyid bang: gi re" khyoo: yo' pyoung" nyhid: too" shau" da" re" byumyu" yi khyoo: ri tid nyid ago". Nyangnu" gi «Pyoung" nyhid: too" shoug" bang: gi Aseing ri noku wa shid re" gye" ve: da:. Nyang: gi ngoonu" ri he: mougmyid seing: yu nhang: bye:» ga: tid.

YOBA 15:28

Hau: bang: gi voomoo" joem ri lhoid seing: yu lho: Voobyu yiri khaid sain" pyam wigi yhoem: joem ri seing: pyam bang: nghoid. Nghoid loug we' gyipui" gi hau: voomoo" joem yo' yhoem: joem ri phyo' shoin' pyam wa.

AMO 1:13

Aseing tid zigi «Amon voo bang: gi pug lho: pug lho: yooboo ri dakoid nyid boem yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi mougmyid ri ce" yu wa shid re" gyi zain: lho: Gilead moug: mo gung lid: ci: da" myhi' zeing yiri voem: doug: yham" kho' pyam byid: boem ago".

YOBA 20:21

Nyangnu" zo: uri ci: we' azo: teing too" nghoid da:. Nghoid loug we' akhid" nya: jonu" thang byug abye:.

DANG: ZHOEM 15:27

Atu" amyaid ri adeing amain" khyo" sho: yoem: kaid nyid khyoo: gi re" yhoem: byu yi moo: yau: khe" kyi" khyeug shau" loo wa nghoid. Khougvhoid jhungshug ayu zo: rigi nang kang: sheing" wa zi nghoid.

MIKHA 2:1

Yhoeb yoo tho' moo jhang" jo, wigi akhyeung" da" moo" ri soin' nyid mo, shid re" khayhi' gyoug pho" zi nghoid nyid la". Myo, myang loo lang" nyangnu" gi ayo, agoo, gi yoo" yo' nyangnu" soin' to" da" akhyeing" ashoeb moo" ri zei: lo" ago".

HABAKU 2:6

Nyangnu" zain: ung: yu shau" da" byumyu" yigi zain: ung: bang: ri juang" yi yooboo foin: lho: nyangnu" ri aphoug" akhyoid koid wa zi nghoid. Nyangnu" gi «Nanu" da" jonu" ziyoo anghoid ziri yo" lhoid yu nghoid loug we' nanu" gi byuxuid" vooyoem: zi shoug" goo" wa zi nghoid. Nanu" da" jhen: dab mo, ri agyoo" gyoo: jhen: xab nhang: khyo" khamyhang myang" sho' nyid gi nyid de nyid goo" wa lha"» ga: tid goo" wa.