ESAIA 49:1 - Lacid Common Language Bible

¹ Ve: da" joyoo moo nyid boem da" byumyu" yi moug: vi: bang: nanu" we"- ngoo tid dang: ri tam" gyoo: ge'. Ngoo akhu: shi" mo Aseing gi ngoo ri khyen: to" wigi nya: dei zoo khyo" ngoo ri yoovoin foin: to" da:.

ESAIA 49:1 ပူးပေါင်းရင်းမြစ်များ

YEREMIA 1:5

«Nang ri ngoo kangso' akaid byid: shi" ri nang ri ngoo khyen: bye:. Houg: lho: nang akhu: shi" ri nang ri byumyu" yi jhang Lapi: koid wa shid re" ngoo khyen: soin' too" bye:.

GALATI 1:15

Nghoid loug we' nga" myhi, da" ung: khoug: moo dabo jo, shi" mo nyang- Mangsoo gi nya: da" jeju" yo' ngoori khyen: yu wigi nyang: ri noku wa ngoori khe: yu bye.

ESAIA 44:2

Ngoo gi: nang ri phain" so: to" da" Aseing nghoid. Nang khu: lo da" ayo, mo ngoo nang ri pang" thoug byid: bye:. Agyug- nang gi nga" dei zoo: nang gi ngoo jheddab da" ngo wigi khyen: to" da" nga" byumyu" nghoid.

ESAIA 49:5

Ngoo akhu: shi" re Aseing gi ngoo ri yoovoin foin: to" da:. Nya: byu yiri doem shu" tau" loo wa shid re" we' byo, sain" nyid da" Israela byumyu" yiri doem shu" tau" yu wa shid re" ngoo ri nya: dei zoo: koid nhang: abye:. Aseing gi ngoo ri ngi: shab byid: bye: nyang: gi nga" yoem: ajhung: nghoid da:.

LUKA 1:31

Nang gi gung lid: lo lho: Yuggi zoo: da" agyid asoo: ri yo" khu: loo wa Hau: yuggi zoo: ri Yesu ein: myeing myheing byid: ca.

1PETERU 1:20

He: da" mougmyid ajo, shi" mo Mangsoo gi nyang: ri khyen: yu to" lho: he: mougmyid' lo" thang da" bidnyid moo nanu" da" akyu" shid re" nyang: ri myang nhang: bye.

LUKA 1:15

Nyang: gi Mangso da" shid' khoin" moo gyi: sheung: su: nghoid wa. Nyang: gi zabyid yhid: yo' yed coid ja: yhid: ri shug wa su: anghoid.

HEBRE 12:25

Nanu" gi hau: mungdang: tid kaid su: ri gi atam" gyoo: loo: za: ngeug pyam' khyoo: abui" baja" zed" nyid ge'. He: mougmyid tho' moo tid poin" tid kyeing" su: da" dang: ri shug gyo: lho: ngeug pyam nyid bang: gi yoobo dam mo yo" loid lo" boem wa zi anghoid- houg: yoomo ngoonu" gi moug: khung: khyo" tid kaid' su: ri nung thang phoug pyam boem nghoid rigi youg: noo yooboo mo ngoonu" loid loo" wa da" khyoo: gi aje boo loo.

YOHAN 10:36

Phoo gi ngoori khyen: yu lho: he: mougmyid khyoo: nhang: kaid. Houg: su" nghoid yoomo Ngoo gi Mangso da" nya: zoo: nghoid ein: tid da" uri Ngoo gi Mangsoo ri shoid da" dang: tid ein:- nanu" khasu" koid; yo" tid go" lha".

ZEPHANI 2:11

Aseing gi nyangnu" ri kyug nhain' wa. Nyang: gi mougmyid tho' mo yu phara" soolhoo: dangain" ri akoem: dabue" loo" loo: sho' phyed khyo' pyam lho: Mangsoo ri noku lo boem wa nghoid. Byumyu" ja: khang" moo" gi nyangnu" moug: moo nyang: ri goeb pid lo boem wa zi nghoid.

ESAIA 60:9

Hau: gyid sangphoo joem gi ve: da" mungdain: mo Aseing byumyu" yiri yhoem: khyoo: shu" lo nyid zi nghoid. Nya: byumyu" yiri byumyu" mungdain: dangain" ngi: shab byid: nhang: da" Israela da" gyeung" shang: da" Mangsoo Aseing myeing ri ngi: shab byid: wa. Nyangnu" gi ngei sheing: yo' dage" thu lo da:.

ESAIA 57:19

Ngoo gi jang" moo vi: moo nyid bang: dangain" ri ngei pyo: yug yoo: khyoo: byid:. Nga" byu yiri ngoo byang" gi byid: wa.

ESAIA 55:3

«Nga" byumyu" we"- akhid" tam" gyoo: ge' nga" jhang loo ge'. Nga" jhang loo we'. Nanu" kangso' yo" yu wa. Ngoo gi nanu" yo' dang: theing myang" sho' koid wa. David ri ngoo dangsoo" byid: to" da" mainkaid jeju joem ngoo nanu" ri byid: wa.

ESAIA 46:3

«Yaku da" amyed ashen yi nghoid boem da" nga" byumyu" nyid deing mo, dangain" we"- nga" dang: tam" gyoo ge'. Ngoo gi nanu" khu: re" da" ayo, mo nyang: goin coung: byid: bye:.

ESAIA 44:24

«Ngoo gi re" khyoid yu Aseing nghoid. Ngoo gi nang ri phain" so: too" su: nghoid. Ngoo gi ja: khang" moo ri phain" so: too" su: Aseing nghoid. Ngoo dayug kyeing" mougkhung: ri nghoeb too" su: nghoid. Ngoo mougmyid ri phain" so: uri ngoo ri hang" apang" byid:.

Ephesu 2:17

Hougsu" Mangsoo yo' ve: gang: jo, da" nanu" tung bau byumyu" yi ri we' Mangsoo yo' jhang byid da" Yuda byumyu" yi ri we' Khristu ju" re" wigi hau: ngei pyo: myenjham" khyo: da" ngei bu: lu dang: gi, re" kho" kyoo" byid: bye.

ESAIA 51:5

Ngoo gi myab ju" re" wigi nyangnu" ri khyoid yu wa. Nga" oung: doid zigi jhang re" abye:. Byumyu" yi adang moo ngoo wigi vhoeb wa. Ve: da" mungdain: joem gi ngoo ju" loo wa ziri lang" nyid ago". Nyangnu" gi nyangnu" khyoid yu wa myid byu ziyo' ngoo ri lang" nyid boem.

ESAIA 45:22

«Mougmyid tho' mo byu yi we"- akhid" nga" jhang" lheing: lo wigi khyoid yu khyoo: ri kham: yu ge'. Ngoo dayug za: Mangsoo nghoid.

ESAIA 42:12

Ve: da" mungdain: joem mo nyid bang: gi coung" nghei byid wigi Aseing ri phung" yoeb pang byid: boem baja".

ESAIA 41:1

Mangsoo gi «Ve: da" mung" joem moo nyid da" nanu" we" sam: zoo: nyid wigi nga" dang: tam" gyoo: ge'. Nanu" da" moo" ri tarha" yung" moo tid kyoo" wa shid re" soin nyheing too" ge'. dang: tid wa akho: akhang" nanu" yoo" goo" wa. Khayug jo ziri myid phyed wa dage" zeing: foem: goo" shang.

ESAIA 9:6

Ngoonu" shid re" zooshang: khu: byid: abye:. Ngoonu" ri yuggi zoo: byid: to" abye:. Houg: lho: nyang: gi ngoonu" da" vhoebkhang" yug nghoid loo wa. Nyang: ri «Mau" pho" phajhi" byid: yug» «Myhang: thang Mangsoo» «Apyaid atoo: mo phoo» «Ngei pyoo: yug yo da" khokham nu"» ga: myheing loo goo" wa.

ESAIA 66:19

Houglho: nyangnu" ri yooboo dam byid: su: gi ngoo nghoid ziri se' loo goo” wa. «Nghoid loug we' ngoo gi dayham" ri teing to" wigi nga" myeing gyi: khyoo: ri agyo: yu"- nga" yoem: so' gyi: sheung: khyoo: yo' yoem: so' ri amyang yu" boem da" Spain- Libya- Ludia yo' hougmo lid: dain" moo kung bang:- Tubad yo' Greek bang: nghoid da" moug: vi: mung" yo' byumyu" yi jhang khyoo: nyangnu" ri nhang: kaid wa. He: byumyu" yi phung: khau: moo nyangnu" gi nga" yoem: so' gyi: sheung: da" khyoo: ri tid fu" loo goo" wa.

ESAIA 7:14

Houg: lang" gi bye:. Aseing gi nyang: nyang: avoid daja: ngoonu" ri byid: loo wa. Hau: zigi gung lid: da" zoomyi: dayug gi yuggi zoo: dayug khu: loo wa. Nya: myeing gi Emanuela ga: myheing loo wa.

COUNG" NGHEI 22:10

Ngoo gi khu: re" nyid" mo wigi nang ri za: loem khau: lo lho: Khanham we' nang za: nga" Mangsoo nghoid nyid.

ESAIA 11:11

Hau: bidnyid ju" loo lang" Aseing gi nya: yoem so' ri dalheing: doem ci wigi Asuri- Egutu- Pathro mung" joem Etiopi- Elam- Babelon- Hamad yo' gyid yam cang mo mungdain: joem panglai: gugyoo: kang joem moo nyid deing jo, boem da" nya: byumyu" yiri yhoem: khyoo: doem shu" tau" yu wa.

ESAIA 24:15

Bid thu shoid moo nyid bang: gi nyang: gi coung" nghei byid: loo goo” wa. Panglai: gyid yam cang nyid da" byu yigi Israela da" Aseing Mangsoo ri coung" nghei byid: loo goo" wa.

ESAIA 33:13

Vi: moo jang" moo nyid da" yugkhang" moo" ri ngoo koid da" moo" ri shoug" gyoo: nhang: lho: nga" yoem: so' ri yhen: yu nhang: ge'» ga: tid da:.

ESAIA 45:3

Ceug no, da" nyhoem" shoung: joyoo mo jonu" joem ngoo nang ri byid: wa. Houg: lang" ngoo gi Aseing nghoid wigi Israela da" Mangsoo gi myeing lang: wigi nang ri khe: to' ziri nang se' loo wa.

ESAIA 49:12

Nga" byu yigi moug: vi: mo we' mougzhung: yo' bidvang shoid mo we' mougpyi: shoid mo Asvan mo we' re" lo boem goo" wa.

ESAIA 52:13

Aseing tid zigi «Nga" dei zoo: gi nya: moo" ri oung: myug sho' koid loo wa. Nyang: gi gye" myhang: sho' ngi: shab byid: zi shoug" wa.