ESAIA 48:8 - Lacid Common Language Bible

⁸ Nanu" gi thougtheung gyi koid to" zi khanham we' meing: fu" lo boem yoomo nanu" ri age loem da" khyoo: ri ngoo se'. He: gang mo nanu" khanham we' ashau" gyo: yu" nghoid ago". Dakhoin" we' nanu" nukhyab khyoo: ciwim yoomo aju" re" la.

ESAIA 48:8 ပူးပေါင်းရင်းမြစ်များ

COUNG" NGHEI 40:6

Nang gi ngei" byid: xoin" joem yo' jhungshug ri vho: ngei nyid su: anghoid. Phoin: tho' moo: byeung" sho' nghe: to" da" gougnyhoug xoin" du: joem yo' yooboo joem ri khyoid pyam byid: wa shid re" to' byid: da" xoin" joem ri nang mho' nyid zi anghoid.

COUNG" NGHEI 51:5

Ngoo khu: re" da" bidnyid mo wigi ngoo gi akhyeing" ashoeb ziyo' nga" myhi' ung: khoug: mo nyang:- ngoo moo: yooboo dab, gu nghoid bye:.

COUNG" NGHEI 58:3

Akhyeung" da" byu yigi nyangnu" da" kangso' gyung: khyoo: dangain" jang" moo shoid vhang" khyo" za: so" nyid ago". Nyangnu" gi khu: re" bidnyid mo nyang:- mhau, fain" da" dang: ri za: tid nyid ago".

ESAIA 21:2

Ngoo gi shen" yhen da" yoeb myang- gyivoo koid da" yoeb myang- byo, yoin" lo" da" yoeb myang joem ri shau" myang da:. Elam gyidab we"- khaid zain: we' Media gyidab we"- voomoo" joem ri vang: too" ge'. Babelon wigi bui" nhang: da" yau: khi" ri Aseing wigi thang loo" nyid wa.

ESAIA 26:11

Nang wigi nyangnu" ri yooboo dam byid: wa ziri re" gyivoo yi asi nghoid ago". Aseing we"- nyangnu" ri sho' phu" nhang: wigi kyi" khyeug kham zoo: nhang: we' nang soin' to" da" yooboo dam nyangnu" ri kyi" khyeug kham zoo: nhang: wa. Re" byumyu" yiri nang khayhi' jheddab ziri nyangnu" ri ci: shug byid: we'.

ESAIA 33:1

Ngoonu" da" gyivoo yigi joem: abye: go". Nyangnu" gi lhoid zo: lho: gyivoo yi lo, khyoo: ab byid: lo da" bang: nghoid loug we' nyangnu" rigi hang" wigi we' alhoid zoo: hang" ri we' gyid voo lo, kyoo: a ab byid: nghoid ago". Nghoid loug we' nyangnu" da" lhoid zo: ziyo' ab byid: da" akhyeing: ayo, gi thang loo" wa. Nyangnu" nyang: nyang: lhoid zoo: shoug" bang:- phyo' zoo: shau" da" zoo: noem bui" goo" wa.

ESAIA 42:25

Houg: yoomo nyang: gi ngoonu ri nya: nheig yo: da" yoem: so' ri kham zoo: nhang: wigi gyi khaid pui: da" pyijoem: sho: khaid said khyoo: moo kyi" khyeug shoug" nhang: da:. Nya: nheig joem yo: zigi myi: yhang: ti" Israela mung" goin" ri nge" lo byug da:. nghoid loug we' cibue" nyid ziri ngoonu khanham we' asi'.. Ngoonu" gi hau dangain" mo ciri we' ajhau" yu nghoid da:.

ESAIA 46:8

Yooboo thung: yi nanu" we"- hau ziri myid boin ge'. Ngoo koid lid lo ziri myid yu" ge'.

ESAIA 47:11

Yau: khi" kyi" khyeug zigi re" adang moo ju" re" wigi re" da" fa" phajhi" ce: ja: wigi we' hau: ziri ayo" toem' pyam nghoid da:. Byo, yoin" zigi re" adang moo nyeigdain tung" ju" lo wigi khanham we' yhoebmo, amo, yu" da" ja: byo, yoin" nhang: wa.

ESAIA 48:4

Nang gi joto' yhi' thain: wigi gyid: mid" yhang: ti" nheigloem: thain: ziri sagse: ci: shug byid: ca" ein: ziri ngoo se'.

ESAIA 48:7

Akhid" za: ngoo hau: joem ri bui" nhang: nyid zi nghoid. Lid: lo da" ayo, moo hid: yhang: ti" zi abui" yu" shi" hau: zi bue" yu" nghoid rigi hau: khyoo: dangain" ri nanu" se' ga: tid goo" wa.

ESAIA 50:5

Aseing gi ngoo ri se' gyo: da" myid byid: to" lho: ngoo gi goemlu atoo' anghoid lang" nyang: mo we' ngoo aphug loo:.

ESAIA 57:4

Nanu" hang" ri yi nau tu' nyid boem la". Nanu" mhoug foeb yi hang" ri juang" nyid boem la".

YEREMIA 3:20

Nghoid loug we' nang gi jhug azug da" myi' zeing yhang: ti" Ngoo ri nang jhug azug nghoid da:. Ngoo Aseing tid bye:.

YEREMIA 5:11

Israela yo' Yuda byumyu" yigi ngoo ri bain sho' ab abye: go". Ngoo Aseing tid too" bye:».

YEREMIA 5:21

Myojid" dab loug amyang- nukhyab dab loug ashau" gyo: da" nheig agyeing: ko" da" byumyu" yi nanu" we"- goolhoo' tam" gyoo: we'..

YEREMIA 6:10

Ngoo gi «Nyangnu" ri ngoo dang: wigi tid poin" ziri hang" se' tam" gyoo: goo" wa lug la". Nyangnu" gi nheigloem: thain: wigi re" mungdang: ri tam" gyoo: wa shid re" he: pyam da:. Nyangnu" gi nang ngoo ri tid nhang: khyoo: ri yi juang" pyam byid: ago".

HOSEA 5:7

Nyangnu" gi Aseing ri jhug azug goo" nghoid da:. Nyangnu" da" nya: zoo: yiri nyang: wigi ayo" seing: nghoid da:. Houg: yoomo akhid" amyang" ri nyangnu" yo' nyangnu" da" mougmyid ri phyo' shoin shau" wa nghoid.

HOSEA 6:7

Nghoid loug we' nyangnu" gi Adam yhang: ti" hau: joyoo moo: nyangnu" yo' ngoo koid to" da" dang: theing ri phyo' pyam ago".

HOSEA 7:9

Tungbau yiri khau: nghe: zigi nyangnu" da" yoem: ri lhoid yu pyam ziri aboin: soo" nghoid ago". Nyangnu" da" bidnyid joem gi thang jo, bye:- Nghoid loug we' nyangnu" gi hau: ziri si' lang" asi' goo" nghoid da:.

MALAKHI 2:11

Yuda byumyu" yi we" Mangsoo moo to" da" dangsoo" ri phyo' pyam lho: Yerusalem yo' Israela dameing" goin" jang" moo we' aco' ajhoid moo" zoo" ri koid nyid boem bye:. Nyangnu" gi Aseing Mangsoo jheddab nyid gyeung" shang: da" yhoem: moo" ri we' aco' ajhoid za: koid pyam boem bye:. Yuda yuggi yigi tungbau yu phara" soolhoo: ri no' da" myiyi: yiri lo, xo' yu boem bye:.

Ephesu 2:3

Gyeung" nyang: ngoonu" dangain" bang: we' nyangnu" yhang: ti" ngoonu" nya: da" gung sho" aco' ajhoid da" khyoo: moo cang lo" lho: gung shoo" vho: ngei da" khyoo: yo' nheigloem: da" khyoo: ri cang zei: lo yu" boem bye. Ngoonu" da" nyid yab, khyoo: gi gootu: byu yi yo' dakhyoo" ti"- Mangsoo nheig khoo" yo: da" dam shau" moin: mo, nghoid nyid.

TARHA" TID POIN" 31:16

Aseing gi Moshe ri «Nang gi amyang" ri shid: loo wa. Houg: lho: nang shid: byug thang: ri hau: byumyu" yigi ngoo ri zhug azug loo: bue" re" wigi ngoo nyangnu" yo' koid to" da" dang: theing ri phyo' pyam re" boem wa. Nyangnu" gi ngoo ri to" pyam wigi nyangnu" vang yhi: loo wa za: danghoid lo: da" mung" moo tungbau yu phara" joem ri no' goo" wa.

TARHA" TID POIN" 31:18

Hau: uri nyangnu" ri ngoo abo pang" yu wa. Ciwim gari nyangnu" gi akhyeing" zi koid wigi gootu: yu phara" joem ri no' abye: goo".